ကေရာအသ်သေနမာဇ်

ဤဆောင်းပါးသည် တရားစီရင်ရေးဆိုင်ရာ အယူအဆတစ်ခုအကြောင်း ဖော်ပြသည့် ဆောင်းပါးဖြစ်ပြီး ဘာသာရေးဆိုင်ရာ ကျင့်ထုံးများအတွက် စံသတ်မှတ်ချက်တစ်ခု မဟုတ်ပါ။ ဘာသာရေး အလေ့ အကျင့်များ အတွက် အခြားအရင်းအမြစ်များကိုလေ့လာ ရမည် ဖြစ်ပါသည်။

ကေရာအသ်သေနမာဇ် (အရဘီ : االقراءة في الصلاة ) ဆိုသည်မှာ ဝါဂျစ်ဗ်ဗါသ်သေ ဂိုင်ရေ ရိုကနီ မှ ဖြစ်ပါသည်။ ကေရာအသ်သေနမာဇ် အရ နမာဇ် ဝတ်ပြုသူသည် မလွဲမသွေ စူရဟ် ဟမ်ဒ် နှင့် စူရဟ် အပြည့် တစ်ပုဒ်ပုဒ်အား ပထမရကတ် နှင့် ဒုတိယ ရကတ် တွင် ၊ စူရဟ်ဟမ်ဒ် သို့မဟုတ် သက်စ်ဘီဟာသ်သေ အရ်ဗအ် ကို တတိယ ရကတ် နှင့် စတုတ္တ ရကတ် တွင် ဖတ်ရွတ် ရခြင်း ဖြစ်ပါသည်။ အရဘီလို စကားလုံးများကို မှန်မှန်ကန်ကန် ဖတ်ခြင်း သရ်သီးဗ် နှင့် မဝါလာသ် ကို စူရဟ်များ အကြားထားရှိခြင်းသည် ဝါဂျစ်ဗ်ဗါသ်သေ ကေရာအသ် မှ ဖြစ်ပါသည်။ စူရဟ် ဟမ်ဒ် ဖတ်ပြီးနောက် အာမီးန် ပြောခြင်း နှင့် အဇာအေမ် စူရဟ် များ ( စဂျ်ဒဟ် ဝါဂျစ်ဗ် ပြုရန် အာယသ် ပါသည့် စူရဟ်များ) ကို ဖတ်ရွတ် ခြင်းသည် ဟရာမ် ဖြစ်ပါသည်။ထိုနည်းတူစွာ ဖြည်းဖြည်းမှန်မှန် ဖတ်ခြင်း ၊ မိမိပြုသည့် ကေရာအသ် ၏ အဓိပ္ပာယ် ကို အာရုံ စိုက်ခြင်း ၊ ပထမ ရကတ်တွင် စူရဟ် ဟမ်ဒ် ပြီးနောက် စူရဟ် ကဒ်ရ် ကို ဖတ်ခြင်း ၊ ဒုတိယ ရကတ် တွင် စူရဟ် ဟမ်ဒ် ပြီးနောက် စူရဟ် သောင်ဟီးဒ် ကို ဖတ်ခြင်း တိုသည့် ကေရာအသ် ၏ မွတ်စ်သဟဗ် များ ဖြစ်ပါသည်။ (စူရဟ် သောင်ဟီးဒ် မှ အပ ) စူရဟ် တစ်ပုဒ်တည်းကို စူရဟ် ဟမ်ဒ် ဖတ်ပြီးနောက် ပထမရကတ် နှင့် ဒုတိယ ရကတ် တွင် ထပ်၍ ဖတ်ခြင်းသည် မကရူးဟ် ဖြစ်ပါသည်။

သောင်ဇီးဟိုလ်မစာအေလ် ကျမ်း

နေရာ နှင့် အဓိပ္ပာယ် ဖွင့်ဆိုချက်

ကေရာအသ် သည် ဝါဂျစ်ဗ်ဗါသ် သေ နမာဇ် မှ တစ်ခု ဖြစ်ပြီး (နမာဇ် ဝတ်ပြုသူသည်) မလွဲမသွေ စူရဟ် ဟမ်ဒ် နှင့် စူရဟ် အပြည့် တစ်ပုဒ်ပုဒ်အား ပထမရကတ် နှင့် ဒုတိယ ရကတ် တွင် ၊ စူရဟ်ဟမ်ဒ် သို့မဟုတ် သက်စ်ဘီ ဟာသ်သေ အရ်ဗအ် ကို တတိယ ရကတ် နှင့် စတုတ္တ ရကတ် တွင် ဖတ်ရွတ် ရခြင်း ဖြစ်ပါ သည်။ ကေရာအသ် သည် ဆိုသည်မှာ ဝါဂျစ်ဗ်ဗါသ်သေ ဂိုင်ရေ ရိုကနီ မှ ဖြစ်ပါသည်။ ဆိုလိုသည်မှာ နမာဇ်တွင် တမင် ကေရာအသ် အား လျော့မည် သို့မဟုတ် တိုးမည် ဆိုလျင် နမာဇ် ပျက်သွားမည် ဖြစ်ပါသည်။ သို့သော် အားနည်းသည့် အဆို တစ်ခု အရ ကေရာအသ် သည် နမာဇ် ၏ ရိုက(န)ဖြစ်ပါသည်။ ဟီဂျရီ ၁၃ရာစု နှစ် ၏ ဖေကဟ် ပညာရှင်ကြီးများ မှ တစ်ပါးဖြစ်သည့် ဂျဝါဟေရိုလ်ကလာန်မ် ကျမ်းရှင် ၏ အဆို အရ စူရဟ်ဟမ်ဒ် ဖတ်ပြီးနောက် နောက်တစ်စူရဟ် တစ်ပုဒ် ဖတ်ရန် ဝါဂျစ်ဗ် ဖြစ်ခြင်း နှင့်ပတ်သက်၍ သဘောထားကွဲလွဲမှုများ ရှိကြောင်းဖြစ်ပါသည်။ ဖေကဟ်ပညာရှင်များ၏ ကျော်ကြားသည့် အဆို အရ စူရဟ်ဟမ်ဒ် ဖတ်ပြီးနောက် နောက်တစ်စူရဟ် တစ်ပုဒ် ဖတ်ရန် ဝါဂျစ်ဗ် ဖြစ်ပါသည်။ သို့သော် လိုအပ်အရေးကြီးသည့် အချိန် ပမာ အားဖြင့် နမာဇ် အချိန် အနည်းငယ် သာ ကျန်သည့်အခါ သို့မဟုတ် မွတ်စ်သဟစ်ဗ် နမာဇ် အတွက် ဝါဂျစ်ဗ် မဟုတ်ချေ။ ဓမ္မသတ်ပညာရှင်ကြီးများ မှ တစ်ပါး ဖြစ်သည့် ဖိုက်ဇ် ကာရှာနီ (ကွယ်လွန် ဟီဂျရီ ၁၀၉၁ ခုနှစ်) ပြီးနောက် မိုဟကစ်က် စဗ်ဇ်ဝါရီ (ကွယ်လွန် ဟီဂျရီ ၁၀၉၀ ခုနှစ်) ပြီးနောက် ရှိုဗိုင်ရီ ဇန်ဂျာနီ (အီရန် သက္ကရာဇ် ၁၃၀၆ ခုနှစ် မွေးဖွား ) တို့ အနေဖြင့် အခြား စူရဟ် တစ်ပုဒ် အား ဖတ်ခြင်းကို မွတ်စ်သဟစ်ဗ် ဖြစ်ကြောင်း ဆိုထားကြပါသည်။

ဝါဂျစ်ဗ်ဗါသ် သေ ကေရာအသ်

ဝါဂျစ်ဗ်ဗါသ် သေ ကေရာအသ် မှ အောက်ပါအကြောင်းအရာများကို ဖော်ပြထားပါသည်။

• အရဘီလို စကားလုံးများကို မှန်မှန်ကန်ကန် ဖတ်ခြင်း ၊အသံထွက်ခြင်း ပမာအားဖြင့် သရှ်ဒီးဒ် ပါသည့် စကားလုံးများကို ဖော်လွင်စွာ ဖတ်ခြင်း (တစ်နည်းအားဖြင့် သဂျ်ဝီးဒ်ကို စည်းမျဉ်းများကို လိုက်နာရန်ဖြစ်ပါသည်။ ) သို့သော် သဂျ်ဝီးဒ် အား နမာဇ် တွင် ဝါဂျစ်ဗ် အဖြစ် မသတ်မှတ်ထားချေ။
• သရ်သီးဗ် နှင့် မဝါလာသ် ကို စူရဟ်ဟမ်ဒ် နှင့် အခြား စူရဟ် ၊ ပြီးနောက် စူရဟ် ၏ အာယသ်တော်များ အကြားထားရှိခြင်း ဖြစ်ပါသည်။
• အမျိုးသားနမာဇ် ဖတ်သူများ အနေဖြင့် နမာဇ် ဖဂျ်ရ် ၏ ၂ရကတ်၊ နမာဇ် မဂ်ရိဗ် နှင့် အေရှာနမာဇ်များ၏ ပထမ ၂ရကတ် တွင် စူရဟ် ဟမ်ဒ် နှင့် အခြားစူရဟ် တစ်ပုဒ် အား ဂျဟ်ရ်(ခ) အသံ ထုတ်၍ အသံထွက်၍ ဖတ်ရမည် ဖြစ်ပါသည်။
• အမျိုးသားနမာဇ် ဖတ်သူများ အနေဖြင့် နမာဇ် ဇဟိုရ် နှင့်အဆ်ရ် နမာဇ် များ ၏ ပထမ ၂ ရကတ် နှင့် နမာဇ် မဂ်ရိဗ် ၏ တတိယ ရကတ် ၊ အေရှာနမာဇ် ၏ တတိယ နှင့် စတုတ္တ ရကတ် စူရဟ် ဟမ်ဒ် နှင့် အခြားစူရဟ် တစ်ပုဒ် အား အစ်ခ်ဖါသ် (ခ) အသံတိုးတိုး နှင့် ဖတ်ရမည် ဖြစ်ပါသည်။

မိုဟ်ရ်ရမာသ်သေ ကေရာအသ်

မိုဟ်ရ်ရမာသ်သေ ကေရာအသ် မှ အောက်ပါအချက်များ ပါဝင်သည်။

• စူရဟ် ဟမ်ဒ် ဖတ်ပြီးနောက် အာမီးန် ပြောခြင်း
• နမာဇ်အချိန်ကုန်ဆုံးသွားစေမည့် ရှည်လျားသော စူရဟ်ကို ဖတ်ရွတ်ဆိုခြင်း
• အဇာအေမ် စူရဟ် များ ( စဂျ်ဒဟ် ဝါဂျစ်ဗ် ပြုရန် အာယသ် ပါသည့် စူရဟ်များ) ကို ဝါဂျစ်ဗ် နမာဇ်များတွင် ဖတ်ရွတ်ခြင်း ၊ စဂျ်ဒဟ် ဝါဂျစ်ဗ် ပြုရန် အာယသ် ပါသည့် စူရဟ်များ မှာ စူရဟ် နဂျ်မ် ၊ စူရဟ် ဖိုဆေလသ် ၊ စူရဟ် စဂျ်ဒဟ် နှင့် စူရဟ် အလက်တို့ ဖြစ်ပါသည်။
• စူရဟ် ဟမ်ဒ် ဖတ်ရွတ်ပြီးနောက် စူရဟ် တစ်ပုဒ် ထက် ပို၍ ရွတ်ဖတ်ခြင်း ၊ သို့သော် စူရဟ် ဇိုဟာ နှင့် စူရဟ် အန်ရှရာဟ် ပြီး နောက် စူရဟ် ဖီးလ် နှင့် စစူရဟ် ကိုရိုင်းရှ် တို့ကို တွဲ၍ ဖတ်ရွတ်နိုင်ပါသည်။ အကြောင်းမှာ ဤ စူရဟ်များ ကို နှစ်စူရဟ် ပေါင်း တစ်စူရဟ် သတ်မှတ်ထားသည့် အတွက်ကြောင့် ဖြစ်ပါသည်။ ထိုကြောင့်စူရဟ် ဟမ်ဒ် ပြီးနောက် ဤ စူရဟ် နှစ် တွဲ မှ တစ်တွဲ ကို တစ်စူရဟ်ပြီး တစ်စူရဟ် ဖတ်ရွတ် နိုင်ပါ သည်။ အချို့ ဓမ္မသတ် ပညာရှင်များ အနေဖြင့် စူရဟ် တစ်ပုဒ် ထက် ပို၍ ဖတ်ရွတ်ခြင်းကို မက်ရူးဟ် ဟု ဆိုထားကြပါသည်။

မွတ်စ်စဟဗါသ် သေ ကေရာအသ်

မွတ်စ်စဟဗါသ် သေ ကေရာအသ် မှ အောက်ပါ အကြောင်းအရာများကို ဖော်ပြထားပါ သည်။

• စူရဟ်များ နှင့် သက်စ်ဘီဟာသ်သေ အရ်ဗအ် ကို ဖြည်းဖြည်းမှန်မှန် ဖတ်ခြင်း ၊ မိမိပြုသည့် ကေရာအသ် ၏ အဓိပ္ပာယ် ကို အာရုံ စိုက်ခြင်း
• ပထမရကတ် တွင် စူရဟ်ဟမ်ဒ် မဖတ်မည် «اعُوذُ بِاللّٰهِ مِنَ الشَّیطٰانِ الرَّجِیْم» မြန်မာအသံထွက် «အအူဇိုဗစ်လ္လာဟ်ဟေ မေနက်ရှ် ရှိုင်တွာန်နေရ်ရဂျင်းမ်  » ကို အသံတိုးတိုး နှင့် ဖတ်ရွတ်ခြင်း
• အမျိုးသားနမာဇ်ဝတ်ပြုသူများ အတွက် နမာဇ် ဇဟိုရ် နှင့် အဆ်ရ် နမာဇ် တွင် စူရဟ်ဟမ်ဒ် နှင့် အခြားစူရဟ် မဖတ်ခင် «بِسْمِ اللّٰهِ الرَّحْمٰنِ الرَّحِیمِ» မြန်မာ အသံထွက် «  ဗစ်မေလ္လာဟ်ဟေရ်ရဟ်မာန် နေရ်ရဟီးမ်  » ကို အသံထုတ် ၍ ဖတ်ရွတ် ခြင်း
• စူရဟ် ဟမ်ဒ် ဖတ်ပြီးနောက် «الْحَمْدُ لِلّٰهِ رَبِّ العٰالَمِین» မြန်မာအသံထွက် «  အလ်ဟမ်ဒို လစ်လ္လာဟ်ဟေရဗ် ဘေလ် အာလမီးန်  » ဆိုပြီး ဖတ်ရွတ်ခြင်း
• စူရဟ် သောင်ဟီးဒ် ဖတ်ပြီးနောက် « کَذٰلِکَ اللّٰهُ رَبِّی » မြန်မာအသံထွက် «  ကဇာလေကလ္လာဟ်ဟိုရဗ်ဘီ  » ဆိုပြီး ဖတ်ရွတ်ခြင်း
• တတိယရကတ် နှင့် စတုတ္တရကတ် တွင် သက်စ်ဘီဟာသ်သေ အရ်ဗအ် ဖတ်ပြီးနောက် «استَغفِرُ اللّٰهَ رَبِّی وَ اتُوبُ الَیْه» မြန်မာအသံထွက် «  အက်စ်သဂ်ဖေရိုလ္လာဟ်ဟာရဗ်ဘီ အသူဗိုအေလိုင်းဟ်  » ဆိုပြီး ဖတ်ရွတ်ခြင်း
• နမာဇ်တိုင်း ၏ ပထမ ရကတ် တွင် စူရဟ်ဟမ်ဒ် ဖတ်ပြီးနောက် စူရဟ်ကဲဒ်ရ် နှင့် ဒုတိယ ရကတ် တွင် စူရဟ် သောင်းဟီးဒ် ဖတ်ပြီးနောက် စူရဟ် သောင်ဟီးဒ် ဖတ်ရွတ် ခြင်း တို့ ဖြစ်ပါသည်။

မကရူဟ်ဟာသ် သေ ကေရာအသ် မကရူဟ်ဟာသ် သေ ကေရာအသ် မှ အောက်ပါ အကြောင်းအရာများကို ဖော်ပြထားပါ သည်။

• နေ့စဥ် ဝတ်ပြုရသည့် နမာဇ် ၅ကြိမ် တွင် စူရဟ် သောင်ဟီးဒ် မဖတ်ခြင်း
• စူရဟ်သောင်ဟီးဒ် အား အသက်မရှုတန် ဖတ်ရွတ်ခြင်း
• စူရဟ် သောင်ဟီးဒ် မှ အပ အခြားစူရဟ်များအား နမာဇ် တစ်ခုတည်းတွင် ၂နှစ်ခါ ဖတ်ရွတ်ခြင်း
• စူရဟ်တစ်ပုဒ် အား ဖတ်နေရင်း တစ်ဝက်မရောက်မီ အလျင် ဖတ်နေသည့် စူရဟ်အား လွတ်၍ အခြား စူရဟ် တစ်ပုဒ် ကို ပြောင်းဖတ်ခြင်း
• စူရဟ်သောင်ဟီးဒ် နှင့် စူရဟ် ကာဖေရူးန် မှ စူရဟ် တစ်ပုဒ်အားဖတ်နေလို့ မပြီးခင် အခြားစူရဟ် တစ်ပုဒ် အား ပြောင်း ဖတ်ခြင်း တို့ ဖြစ်ပါသည်။