နမာဇ် ဇဟိုရ်

ဤဆောင်းပါးသည် တရားစီရင်ရေးဆိုင်ရာ အယူအဆတစ်ခုအကြောင်း ဖော်ပြသည့် ဆောင်းပါးဖြစ်ပြီး ဘာသာရေးဆိုင်ရာ ကျင့်ထုံးများအတွက် စံသတ်မှတ်ချက်တစ်ခု မဟုတ်ပါ။ ဘာသာရေး အလေ့ အကျင့်များ အတွက် အခြားအရင်းအမြစ်များကိုလေ့လာ ရမည် ဖြစ်ပါသည်။

သောင်ဇီးဟိုလ်မစာအေလ် ကျမ်း

နမာဇ် ဇဟိုရ် (အရဘီ : صلاة الظهر) ဆိုသည်မှာ နေ့စဥ်ဝတ်ပြုရသည့် နမာဇ် ငါးကြိမ်များ မှ တစ်ခု ဖြစ်ပြီး ၄ ရကတ် ဝတ်ပြုရခြင်း ဖြစ်ပါသည်။ပြီးနောက် ဝတ်ပြုချိန်မှာလည်း ဇဟိုရ်အဇါန် အချိန် မှ စ၍ နေဝင်ချိန်ဖြစ်ဖို့ အဆ်ရ်နမာဇ် လေးရကတ်ဝတ်ပြုလိုရသည့် အချိန် ကျန်သည် အထိ ဖြစ်ပါသည်။

နမာဇ် ဇဟိုရ် ဝတ်ပြုနည်း

နမာဇ် ဇဟိုရ် သည် လေးရကတ် ဖြစ်ပါသည်။ နီယသ် ပြုပြီးနောက် ပထမ ရကတ် နှင့် သက်ဘီးရသိုလ်အဲဟ်ရာမ် ပြီးနောက် စူရဟ် ဟမ်ဒ် နှင့် အခြား စူရဟ် တစ်ပုဒ် ( စဂျ်ဒဟ် ပါသည့် စူရဟ်မဖြစ်ရ ) သာမန်အားဖြင့် စူရဟ် သောင်ဟီးဒ် ဖတ်ရွတ်ကြပါသည်။ ရကူအ် တစ်ခု နှင့် စဂျ်ဒဟ် နှစ်ခုကို လည်းပဲ ပြုလုပ်ရပါသည်။ ပြီးနောက် ဒုတိယ ရကတ်အတွက် ကယာမ် (မတ်တပ်ရပ်) ရပါ သည်။ ပြီးနောက် စူရဟ် ဟမ်ဒ် နှင့် အခြား စူရဟ် တစ်ပုဒ် ၊ ရကူအ် ၊စဂျ်ဒဟ် နှစ်ခု ကို ဆောင်ရွက်ရပါသည်။

ပြီးနောက် ထိုင်နေစဥ် သရှ်ဟွဒ် ဖတ်ရပါသည်။ ပြီးနောက် ပြီးနောက် တတိယရကတ် နှင့် စတုတ္တရကတ် တွင် လည်း သက်စ်ဘီဟာသ်သေ အရ်ဗအ် သို့မဟုတ် စူရဟ် ဟမ်ဒ်တစ်ကြိမ် ဖတ် ပြီးနောက် ရကူအ် တစ်ခါ နှင့် စဂျ်ဒဟ် နှစ်ခါ ပြုရပါသည်။ အဆုံးတွင် သရှ်ဟွဒ် ဖတ်ပြီး စလာမ် ဖတ်ရပါသည်။

နမာဇ် ဇဟိုရ် အချိန်

နမာဇ် ဇဟိုရ် ဝတ်ပြုချိန်မှာလည်း ဇဟိုရ်အဇါန် အချိန်( မွန်းတည့်ချိန်အစ ) မှ စ၍ အဆ်ရ်နမာဇ် သီးသန့် အချိန် ( လေးမိနစ် ခန့် နေဝင်ချိန်ဖြစ်ဖို့ အဆ်ရ်နမာဇ် လေးရကတ်ဝတ်ပြုလိုရသည့် အချိန် ကျန်သည် အထိ ) ဖြစ်ပါ သည်။ ဤအချိန်ကို နမာဇ် ဇဟိုရ် အတွက် အထူးအချိန် နှင့် နမာဇ် ဇဟိုရ် နှင့် နမာဇ် အဆ်ရ် ၏ဘုံ အချိန် ဖြစ်ပါ သည်။ အဇါန်ဇဟိုရ် ( ဇဟိုရ်ချိန် (ခ) မွန်းတည့်ချိန်အစ ) ဖြစ်ပြီး အရိပ် ( တုတ် သို့မဟုတ် အရာ တစ်ခုကို ဇဟိုရ် အချိန်ကို သတ်မှတ်ရန် မြေပြင်ပေါ်တွင် ဆိုက်ထားရပါသည်။ ) သို့မဟုတ် ထိုတုတ်(သိူ့မဟတ်) အရာ ၏ အရိပ် သည် လုံးဝ ပျောက်သွား ပြီး နောက်တဖန် ပြန်ပေါ်လာ မည် ။ သို့မဟုတ် ထို အရိပ်သည် အနိမ့်ဆုံးအဆင့်ကို ရောက်ပြီး နောက်တဖန် စ၍ ကြီးထွားလာခြင်း ဖြစ်ပါသည်။ တစ်နည်းအားဖြင့် ဇဟိုရ်အဇါန်ပေးချိန်မှ စ၍ နေမဝင်ရန် ၄မိနစ် အလိုခန့် အချိန် အထိ ဖြစ်ပါသည်။

နမာဇ် ဇဟိုရ် အထူးအချိန်

နမာဇ် ဇဟိုရ် ၏ ပထမအချိန် (ဇဟိုရ်အဇါန်စချိန် မှ) နမာဇ် လေးရကတ် ဖတ်လို့ ရသလောက်အချိန်ထိသည် «သီးသန့် အချိန် အထူးအချိန် » နမာဇ် ဇဟိုရ် အတွက် ဖြစ်ပါသည်။တမင် တကာ ဤ အချိန် တွင် နမာဇ် အဆ်ရ် ဖတ်၍ မရသည့် အချိန် ဖြစ်ပါသည်။

နမာဇ် ဇဟိုရ် နှင့် နမာဇ် အဆ်ရ် ဘုံ အချိန်

နမာဇ် ဇဟိုရ် ၏ သီးသန့် အချိန် အထူးအချိန် ပြီးချိန် မှ စ၍ နမာဇ် အဆ်ရ် ၏ သီးသန့် အချိန် အထူးအချိန်အစ အထိ အချိန် သည် နမာဇ် ဇဟိုရ် နှင့် နမာဇ် အဆ်ရ် ဘုံ အချိန် ဖြစ်ပါသည်။

နမာဇ် ဇဟိုရ် ၏ အရေးပါမှု

ကျမ်းတော်မြတ်ကုရ်အာန်တွင် နေ့စဥ် နမာဇ် ငါးကြိမ် ကို ဝတ်ပြုရန် ထိန်းသိမ်း စောင့်ရှောက် ရန် ညွှန်ကြား ထားရာ နမာဇ် ဇဟိုရ် အချိန် ကို သီးခြားအလေးပေးဖော်ပြထားပါသည်။ «حافِظُوا عَلَی الصَّلَواتِ وَ الصَّلاةِ الْوُسْطی وَ قُومُوا لِلَّهِ قانِتینَ» အဓိပ္ပာယ် - အသင်တို့သည် နမာဇ် ဝတ်ပြုမှုများကို အထူးသဖြင့် အလယ်နမာဇ် (နမာဇ် ဇဟိုရ်) ကို ထိန်းသိမ်းစောင့်‌ရှောက်ပါလေ။နေ့စဥ် ဝတ်ပြုပါလေ။ ထို့ပြင် အသင်တို့သည် အလ္လာဟ်အရှင်မြတ် ၏ ရှေ့တော်မှောက်တွင် ရိုကျိုးသူများ အဖြစ်နှင့်ရပ်ကြပါလေ။ ကျမ်းမြတ်ကုရ်အာန် ၏ သဖ်စီးရ် ပညာရှင်များ သည် ဟဒီးစ်တော် များကို အခြေခံ၍ အလယ် နမာဇ် ဆို သည်မှာ နမာဇ် ဇဟိုရ် ဖြစ်ကြောင်း ဟု ဖွင့်ဆို ထားကြပါသည်။

နာဖေလဟ် နမာဇ် ဇဟိုရ်

နာဖေလဟ် နမာဇ် ဇဟိုရ် မှာ ရှစ် ရကတ် ဖြစ်ပါသည်။ နမာဇ် ဇဟိုရ် မတိုင်ခင် ဝတ်ပြုရသည် ဖြစ်ပါသည်။ ၎င်း နာဖေလဟ် နမာဇ် ဇဟိုရ် ၏ အချိန် ဇဟိုရ်အချိန် အစ မှ စပြီး နေ အရိပ်၏ အလျားသည် ခုနစ်ပုံ နှစ်ပုံ ရှည် လျားသည် အထိဖြစ်ပါသည်။

နမာဇ် ဇဟိုရ် ဆိုင်ရာ အဲဟ်ကာမ် အချို့

• ဂျူမ်အဟ်နမာဇ် - သောကြာနေ့ တွင် ဂျူမ်အဟ်နမာဇ် အား နမာဇ် ဇဟိုရ် နေရာ တွင် ဝတ်ပြုရမည် ဖြစ်ပါ သည်။
• ခရီးသည် နမာဇ် - အကြင်မည်သူမဆို ရှရီအသ် အရ ခရီးသည် ဖြစ်မည်။ မလွဲမသွေ နမာဇ် ဇဟိုရ်အား ကဆ်ရ်(၄ရကတ်အစား၂ရကတ်) ဖတ်ရမည် ဖြစ်ပါသည်။
• အကယ်၍ နမာဇ် ဇဟိုရ်အား နမာဇ်အဆ်ရ် ၏သီးသန့်အချိန် အထူးအချိန် ( နေဝင်ရန် လေးမိနစ်ကျန်ချိန်) အထိ ဝတ်ပြုရန် နှောင့်နှေးနေပါက မလွဲမသွေ အခြားအချိန် တွင် ကဇွာ အဖြစ် ဖတ်ရမည် ဖြစ်ပါသည်။
• တစ်စုံတစ်ယောက်သည် မတော်တဆ (မရည်ရွယ်ဘဲ) နမာဇ် ဇဟိုရ် သို့မဟုတ် နမာဇ် အဆ်ရ် အား သီးသန့်အချိန် ၊ အထူးအချိန် တွင် ပြောင်းပြန် တစ်နည်းအားဖြင့် နမာဇ် ဇဟိုရ် အား နမာဇ် အဆ်ရ် ၏ သီးသန့် အချိန် အထူးအချိန် တွင် သို့မဟုတ် နမာဇ် အဆ်ရ် အား နမာဇ် ဇဟိုရ် ၏ သီးသန့် အချိန် အထူးအချိန် တွင် ဖတ်မိမည်ဆိုလျင် ၎င်း နမာဇ်သည် ပိုင်ပါသည်။ (မပျက်ချေ။)
• နမာဇ် ဇဟိုရ် တွင် စူရဟ် ဟမ်ဒ် နှင့် အခြား စူရဟ် တစ်အပုဒ်ပုဒ် အား အစ်ခ်ဖါသ် (ခ) အသံတိုးတိုး နှင့် ဖတ်ရမည် မှာ ဝါဂျစ်ဗ် ဖြစ်ပါသည်။ အကယ်၍ တစ်ဦးတစ်ယောက်သည် မသိ၍ သို့မဟုတ် မေ့လျော့၍ နမာဇ် ဇဟိုရ် တွင် စူရဟ် ဟမ်ဒ် နှင့် အခြား စူရဟ် တစ်အပုဒ်ပုဒ် အားဂျဟ်ရ် (ခ) အသံ ထုတ်၍ ဖတ်ခဲ့ မည်ဆိုလျင် ပြဿနာ မဟုတ်ချေ။ နမာဇ် ပိုင်ပါသည်။ သို့သော် အကယ် တမင်တကာ ဖြစ်လျင် နမာဇ် ပျက်ပါသည်။