မူစာ (အ.စ) နှင့် အလ္လာဟ် စကားပြောဆိုတော်မူခြင်း

မူစာ (အ.စ) နှင့် အလ္လာဟ် စကားပြောဆိုတော်မူခြင်းဆောင်းပါးသည် ကလီမွတ်လ္လာဟ် ‌ဆောင်းပါး ၊ အာယသ်တော် အမှတ် ၁၆၄ စူရဟ် နေစာ ဆောင်းပါးနှင့် ဆက်စပ်နေပါသည်။

မူစာ (အ.စ) နှင့် အလ္လာဟ် စကားပြောဆိုတော်မူခြင်း (အရဘီ : تَكلِيم الله لموسى (ع) ) ဆိုသည်မှာ အလ္လာဟ်ဟို အရှင်မြတ်သည် နဘီတမန်တော် ဟဇရသ် မူစာ (အ.စ) နှင့် ကောင်းကင်တမန် ကြားခံမပါဘဲ တိုက်ရိုက် စကား ပြောဆိုတော် မူခြင်း ဖြစ်ပါသည်။ အလ္လာဟ် ဟို အရှင်မြတ်သည် မည်သည့် ကြားခံ မပါဘဲ ဟဇရသ် မူစာ (အ.စ)နှင့် စကားပြေဆို တော်မူခြင်းသည် ဟဇရသ် မူစာ (အ.စ) အတွက် သီးသန့် ဖြစ်ပြီး ၎င်း၏ ကြီးကျယ် မြင့်မြတ်မူတစ်ခု ဖြစ်ပါသည်။ ကျမ်းတော်မြတ် ကုရ်အာန် ၏ အာယသ်တော် များ ပမာ အား ဖြင့် အာယသ်တော် အမှတ် ၁၆၄ စူရဟ်နေစာ တွင် မူစာ (အ.စ) နှင့် အလ္လာဟ် စကားပြောဆိုတော်မူခြင်းကို တင်ပြထားပါသည်။ ကလီမွတ်လ္လာဟ် ( အလ္လာဟ် စကားပြောခြင်းခံရသူ တစ်ဦးတစ်ယောက် ) ဆိုသည့် ဂုဏ်ပုဒ်သည် ဟဇရသ် မူစာ (အ.စ) အတွက် သီးသန့်ဖြစ်ပြီး ထိုအကြောင်းကြောင့် ဂျူးလူမျိုးများ(ခ) ရဟူဒီများ ကို ကီလိမီဟု ခေါ်တွင်ခဲ့ပါသည်။

ရှိက်ခ်သူစီ ကဲ့သို့သော ရှီအဟ်ပညာရှင်အချို့က မူစာ (အ.စ) နှင့် အလ္လာဟ် စကားပြောဆိုတော်မူခြင်း သည် ဖြစ်ရပ်မှန် တစ်ခု ဖြစ်ကြောင်း ဟု ယုံကြည်ကြပါသည်။ ဟဒီးစ်များအရ အလ္လာဟ်ဟို အရှင်မြတ်သည် နှုတ်နှင့် လျှာကို အသုံးမပြုဘဲ စကားပြောဆိုတော် မူကြောင်း လာရှိပါသည်။ မည်ကဲ့သို့ စကားပြောဆိုတော်မူခြင်း နှင့် ပတ်သက်၍ ကွဲပြားတဲ့ အမြင်များ လာရှိပါသည်။ ရှီအဟ် သဖ်စီးရ် ပညာရှင် အချို့က အလ္လာဟ် ဟို အရှင်မြတ် သည် အသံလှိုင်းများနှင့် စကားလုံးများကို အာကာသ သို့မဟုတ် အရာဝတ္တုများတွင် ဖန်တီးခဲ့ သည်ဟု သက်ဝင် ယုံကြည်ကြပါသည်။ အခြားသဖ်စီးရ် ပညာရှင် အချို့က အလ္လာဟ်ဟို အရှင်မြတ် သည် ကျွန်ုပ်တို့ အတွက် မည်သို့ပြောဆို ရမည်ကို ဖော်ပြထားခြင်းမရှိကြောင်းနှင့် ကျွန်ုပ်တို့သည်လည်း ကုရ်အာန် ၏ သအာ ဘီးရ် (ခ) ဆိုလိုသည့် အဓိပ္ပါယ်ဖွင့်ဆိုချက်များမှ ပြောဆိုပုံနည်းလမ်းကို မရရှိဟု သက်ဝင် ယုံကြည် ကြ ပါ သည်။

အချို့သော မွတ်စလင်မ် သာသနာ့ ပညာရှင်များက ဟဇရသ် မူစာ (အ.စ) အပြင် အလ္လာဟ် ဟို အရှင်မြတ် သည် အစ္စလာမ် ၏ တမန်တော်မြတ် (ဆွ) အား တိုက်ရိုက် စကားပြောဆိုတော် မူ ခဲ့သည်ဟု သက်ဝင်ယုံကြည် ကြပါသည်။

ဟဇရသ် မူစာ (အ.စ) ကလီမွတ်လ္လာဟ် ဖြစ်တော်မူခြင်း

စူရဟ်နေစာ အာယသ်တော် အမှတ် ၁၆၄ အရ အလ္လာဟ် ဟိုအရှင်မြတ်သည် ဟဇရသ် မူစာ (အ.စ) နှင့် စကား‌ပြောဆိုတော် မူခဲ့ပါသည်။ « کَلَّمَ الله مُوسی تَکْلیماً  » အဓိပ္ပာယ် မှာ « အလ္လာဟ် ဟိုအရှင်မြတ်သည် ဟဇရသ် မူစာ (အ.စ) နှင့် စကား‌ပြောဆိုတော် မူခဲ့ပါသည်။  » စူရဟ် အအ်ရာဖ် ၏ အာယသ်တော် အမှတ် ၁၄၄ တွင် လည်းပဲ အလ္လာဟ် ဟိုအရှင်မြတ်သည် ဟဇရသ် မူစာ (အ.စ) နှင့် စကား‌ပြောဆိုတော် မူကြောင်း ဖော်ပြထားပါသည်။ ဤကဲ့သို့ စကားပြောဆိုခြင်းကို အချို့သော မွတ်စလင်မ် သာသနာ့ ပညာရှင်များ နှင့် ဂျူး(ခ) ရဟူဒီများသည်ဟဇရသ် မူစာ (အ.စ) အတွက် သီးသန့် ဖြစ်ပြီး ၎င်း၏ ကြီးကျယ် မြင့်မြတ်မူတစ်ခု ဖြစ် ကြောင်း သက်ဝင် ယုံကြည်ကြပါသည်။

ကလီမွတ်လ္လာဟ် ၏ဂုဏ်ရည်တော်အား ဟဇရသ် မူစာ (အ.စ) အတွက် သီးသန့် ဖြစ်ကြောင်း ဖော်ပြထားပြီး တမန်တော်မြတ် မူစာ (အ.စ) (ခ)မောရှေ ၏ ဤဂုဏ်ရည်တော်ကြောင့် ဂျူး(ခ) ရဟူဒီ လူမျိုးများအား "ကလီမီ" ဟုခေါ်တွင်စေသည်ဟု ဆိုကြပါသည်။ အချို့သော မွတ်စလင်မ် သာသနာ့ ပညာရှင်တို့က မေအ်ရာဂျာ ကာလတွင် အလ္လာဟ်ဟို အရှင်မြတ် သည် အစ္စလာမ့် တမန်တော်မြတ်(ဆွ) နှင့် စကားတိုက်ရိုက် ပြောတော် မူခဲ့ကြောင်း ၊ဤကဲ့ပြောခဲ့ကြောင်း ဟဒီးစ်တော်များ တွင် သက်သေ အထောက်အထားများ လာရှိကြောင်း သက်ဝင်ယုံကြည် ကြပါသည်။ ဤသာသနာ့ပညာရှင်များ အနေဖြင့် အလ္လဟ်ဟို အရှင်မြတ် နှင့် တိုက်ရိုက်စကားပြော ခြင်းသည် အစ္စလာမ့်တမန်တော်မြတ်(ဆွ)နှင့် ဟဇရသ် မူစာ (အ.စ)တို့နှင့် သီးသန့်ဖြစ်သည်ဟုသက်ဝင် ယုံကြည်ကြပါသည်။

အလ္လာဟ်ဟို အရှင်မြတ်စကားပြောခြင်း အာ ကိုယ်ခန္ဓာမရှိဘဲ စကားပြောခြင်းဟု မှတ်ယူထားပါသည်။ အကြောင်းမူကား၊ လျှာဖြင့်လည်းကောင်း၊ အသံကြိုးဖြင့်လည်းကောင်း စကားပြောဆိုခြင်းသည် ကိုယ်ခန္ဓာ ရှိခြင်း ၏ လက္ခဏာ ဖြစ်သည့် အတွက်ကြောင့် ဖြစ်ပါသည်။ သို့သော်အလ္လာဟ်ဟို အရှင်မြတ်တွင် ကိုယ်ခန္ဓာ မရှိတော်မူချေ။ အေမာမ်အလီ (အ.စ) သည် တမန်တော် မူစာ (အ.စ) နှင့် အလ္လာဟ်ဟို အရှင်မြတ် ၏ စကားပြောဆိုမှုကို ရုပ်ပိုင်းဆိုင်ရာ အစိတ်အပိုင်းများနှင့် ဆက်စပ်ပစ္စည်းများ မလိုအပ်ဘဲ စကားပြောခြင်း ဖြစ်ကြောင်းမိန့်ကြားတော်မူထားပါသည်။အေမာမ် ရေဇာ (အ.စ) အနေဖြင့်လည်း အလ္လာဟ်ဟို အရှင်မြတ် ၏ စကားပြောဆိုတော်မူခြင်းသည် ပါးစပ်နှင့် လျှာကို အသုံးမပြုဘဲ ပြောတော်မူခြင်း ဖြစ်ကြောင်း၊အလ္လာဟ့် အဖန်ဆင်းခံများ စကားပြောခြင်း နှင့် ကွဲပြားကြောင်း မိန့်တော် မူထားပါသည်။

ထိုနည်းတူဆောင်းပါးကို ကြည့်ပါ - ကလီမွတ်လ္လာဟ် (ဘွဲ့တော်)

ကြားခံ မပါဘဲ စကားပြောဆိုခြင်း

မွတ်စလင်မ် သာသနာ့ ပညာရှင်တို့၏အဆိုအရ တမန်တော် မောရှေ (ခ) ဟဇရသ်မူစာ (အ.စ) နှင့် အလ္လာဟ် ဟို အရှင်မြတ် စကားပြောဆိုမှုသည် တိုက်ရိုက်ဖြစ်ပါသည်။ ကောင်းကင်တမန် ၏ ကြားခံ ခြင်းမရှိဘဲ ပြောဆို ခြင်း ဖြစ်ပါသည်။သဖ်စီးရ် မဂျ်မအိုလ်ဗရန်းန် ကျမ်းရှင် သွဗ်ရေစီ မှ အလ္လာဟ် ဟို အရှင်မြတ် သည် ဟဇရသ် မူစာ (အ.စ) နှင့် စကားပြောဆိုတော်မူခြင်းသည် အခြားတမန်တော်များ နှင့် အခြား ထူးခြား ချက် ဖြစ် ပြီး အလ္လာဟ်ဟို အရှင်မြတ်သည် ဟဇရသ် မူစာ (အ.စ) နှင့် တိုက်ရိုက် စကားပြော တော်မူခဲ့ ပါသည်။ ဤစကားပြောဆိုမှုမျိုးတွင် စကားလုံးသည် ပရိသတ်ထံသို့ရောက်ရှိသော်လည်း စကား ပြောသူ ကို မမြင်ရပါ။ အဘယ်ကြောင့်ဆိုသော် စကားပြောဆို သူ ကို မမြင်နိုင်အောင် ဖုံးအုပ်ထားပြီး အတား အဆီး တစ်ခု ရှိနေသောကြောင့် ဖြစ်ပါသည်။

ရှိက်ခ်သူစီ က မူစာ (အ.စ) နှင့် အလ္လာဟ် စကားပြောဆိုတော်မူခြင်း သည် ဖြစ်ရပ်မှန် တစ်ခု ဖြစ်ကြောင်း ဟု ယုံကြည်ပါသည်။ သဖ်စီးရ်ပညာရှင်အချို့ မှ အာယသ်တော် «وَ کَلَّمَ الله مُوسی تَکْلیماً» တွင် «သက်လီမာ » ဆိုသည့် စကားလုံးကို အလေးပေးဖော်ပြခြင်းသည် အလ္လာဟ်ဟို အရှင်မြတ်စကားပြောဆိုခြင်းသည် အမှန်တကယ် ဖြစ်ကြောင်းသက်သေ အထောက်အထား ဖြစ်ပါသည်။ ပြီးနောက် ဤစကားပြောဆိုခြင်းသည် မဂျာဇီ (ပုံဆောင်သဘော) မဟုတ်ကြောင်း ဆိုထားပါသည်။ သဖ်စီးရ် အလ်မီးဇန်း ကျမ်းရှင် အလာမဟ် သွဗာသွဗာရီ ၏အဆိုအရ အလ္လဟ်ဟို အရှင်မြတ်သည် ဟရသ် မူစာ (အ.စ) နှင့် စကားပြောဆိုခြင်းသည် တကယ့်မှန်ရပ်မှန် ဖြစ်ပြီး၊ အခြားသူများကို သူ၏အဓိပ္ပာယ်ကို နားလည်စေခြင်းကဲ့သို့သော သာမန် စကားပြောခြင်း၏ အကျိုးသက်ရောက်မှုရှိပါသည်။ ဒါပေမယ့် သာမာန်စကားပြောသလိုမျိုး လျှာနဲ့ လည်မျို ကတဆင့် မဟုတ်ကြောင်း ဖြစ်ပါသည်။

အလ္လာဟ်ဟိုအရှင်မြတ် သည် ဟဇရသ် မူစာ (အ.စ) နှင့် မည်သို့ စကားပြောဆိုကြောင်း

ရှီအဟ်ပညာရှင် နှင့် သဖ်စီးရ်ပညာရှင် ဖြစ်သူ မကာရေမ်မိုရှီရာဇီး က အလ္လာဟ် ဟို အရှင်မြတ် သည် အာကာသ သို့မဟုတ် အရာဝတ္ထုများတွင် အသံလှိုင်းများကို ဖန်တီးခြင်းဖြင့် ဟဇရသ် မူစာ (အ.စ) နှင့် စကားပြောဆိုခဲ့ကြောင်း ယုံကြည်ပါသည်။ ရှိက်ခ်သူစီ အနေဖြင့်လည်း ရေးသားထားသည်မှာ အလ္လာဟ် ဟို အရှင်မြတ်သည် မိမိ စကားတော်အား ကိုယ်ခန္ဓာတစ်ခုခု တွင် ဖန်ဆင်းတော်မူပြီး မိမိ၏ ရည်ရွယ်ချက် ကို အဖန်ဆင်းခံများထံ ရောက်အောင် ပြုတော်မူပါသည်။ အခြားသော သဖ်စီးရ် ပညာရှင် အချို့ ကလည်း အလ္လာဟ် ဟို အရှင်မြတ် သည် အသံ နှင့် အပြောအဆို(စကား) တို့ကို ဖန်ဆင်းခဲ့ကြောင်း ဤ အတွက် ကြောင့် ဟဇရသ် မူစာ (အ.စ) ကြားနာခဲ့ရသည် ဖြစ်ကြောင်း ဆိုထားကြပါသည်။

အခြားတစ်ဖက်တွင်မူ အလာမဟ် သွဗာသွဗာရီ မှ အလ္လာဟ်ဟို အရှင်မြတ် သည် ကျွန်ုပ်တို့ အတွက် မည်သို့ ပြောဆို ရမည်ကို ဖော်ပြထားခြင်းမရှိကြောင်းနှင့် ကျွန်ုပ်တို့သည်လည်း ကုရ်အာန် ၏ သအာ ဘီးရ် (ခ) ဆိုလိုသည့် အဓိပ္ပါယ်ဖွင့်ဆိုချက်များမှ ပြောဆိုပုံနည်းလမ်းကို မရရှိဟု ဆိုထားပါ သည်။ရှီအဟ် သဖ်စီးရ် ပညာရှင်များ မှ တစ်ဦးဖြစ်သည့် မိုဟမ္မဒ် ဂျဝါဒ် မွတ်ဂ်နီယေဟ် သည် အလ္လာဟ်ဟို အရှင်မြတ် သည် မည်သို့ပြောရမည်ကို နှုတ်ဆိတ် နေခဲ့ပြီး ၎င်းကို ရှင်းပြခြင်းမရှိဟုလည်း ယုံကြည်ထားပါ သည်။ ဤကိစ္စနှင့် ပတ်သက်၍ ကျွန်ုပ်တို့လည်း နှုတ်ဆိတ်နေပြီး ၎င်း၏ သဘောသဘာဝကို မပြောကြောင်း ဖြစ်ပါသည်။