ဇဟ်ရာ (ဘွဲ့တော်)

ဇဟ်ရာ (ဘွဲ့တော်) (အရဘီ : الزهراء لقب ) ဆိုသည်မှာ ဟဇရသ် ဖွာတွေမဟ် (စ.အ) ၏ ဘွဲ့တော် များ မှ တစ်ခု ဖြသ်ပါသည်။ အဓိပ္ပာယ် မှာ အဖြုရောင် နှင့် ထွန်းလင်းတောက်ပ ခြင်း ဖြစ်ပါသည်။ ပမာအားဖြင့် ပုလဲ ကဲ့သို့ တောက်ပ ခြင်းဖြစ်ပါသည်။ အလာမဟ် မဂျ်လေစီ အနေဖြင့် အေမာမ် ဂျအ်ဖရ်ဆွာဒစ်က် (အ.စ) ထံ မှဆင့်ပြန်လာရှိသည့် ဟဒီးစ်တော် တစ်ပါး၏ သဖ်စီးရ် တွင် ဟဇရသ် ဖွာတွေမဟ် (စ.အ) ၏ ဘွဲ့တော် တစ်ပါး ဖြစ်သည် ဇဲဟ်ရာဆိုသည့် ဘွဲ့တော် ပိုင်ဆိုင်ရခြင်း ၏ အထောက်အထား မှာ နာမ်ပိုင်ဆိုင်ရာ အရ လင်းဝင်းတောက်ပ သည့် အတွက်ကြောင့် ဖြစ်ကြောင်း ဆိုထားပါသည်။ ဇဲဟ်ရာ (သို့မဟုတ်) ဖွာတွေမဟ်သွန်ဇ် ဇဲဟ်ရာ ဆိုသည့် စကားလုံး သည် ဟဒီးစ်တော်များ နှင့် ဇေယာရသ် နာမဟ် များတွင် လာရှိ အသုံးပြုထားသည့် သခင်မကြီး ဟဇရသ် ဖွာတွေမဟ် (စ.အ) ၏ နာမည် များမှ ဖြစ်ပါသည်။ ဤနည်းတူစွာ ရှီအဟ် အေမာမ်များ (အ.စ) (၁၁) ပါးအား အဗ်နာအို ဖွာတွေမဟ်သွန်ဇ်ဇဲဟ်ရာ ( ဖွာတွေမဟ် ဇဲဟ်ရာ (စ.အ) ၏ ကလေးများ ) ဟု ကျော်ကြားပါသည်။ ရှီအဟ်ဟဒီးစ်တော်များတွင် ဇဟ်ရာ ဘွဲ့တော် ဖြင့် ဟဇရသ် ဖွာတွေမဟ် (စ.အ) အား ခေါ်ဆိုရသည့် အထောက် အထား များစွာလာရှိပါသည်။ပမာအားဖြင့် အေမာမ် ဂျအ်ဖရ်ဆွာဒစ်က် (အ.စ) ထံတော် မှ ရီဝါယသ် ဆင့်ပြန်ချက်တစ်ခု လာရှိသည် မှာ - ဇဟ်ရာ အမည်တွင်သည်၊ အကြောင်းမှာ သခင်မကြီး ၏ မျက်နှာတော် သည် အေမာမ်အလီ (အ.စ) ၏ အမြင်တော် တွင် လင်းဝင်း တောက်ပနေသောကြောင့် ဖြစ်ပါသည်။ အခြားရီဝါယသ်တော် များတွင် ဤကဲ့သို့ လာရှိပါသည်။ ဟဇရသ် ဖွာတွေမဟ် (စ.အ) ခဝပ် ၊ဝတ်ပြုကိုးကွယ်ရန် မတ်တပ်ရပ်တော် မူ သည့် အခါ ကောင်းကင်ကြယ်တာ များ သည် မြေပေါ်တွင် နေထိုင်သူများ ကို အလင်းပေးသကဲ့သို့ သခင်မကြီး ၏ အလင်းရောင်သည် ကောင်းကင်သားများ အား အလင်းပေးခဲ့လေသည်။ထိုနည်းတူစွာ ရီဝါယသ်တော် လာရှိသည် မှာ - အလ္လာဟ် ဟိုအရှင်မြတ် သခင်သည် မိမိ ၏ ကြီးမြတ်သောအလင်းတော် မှ ဟဇရသ် ဖွာတွေမဟ် (စ.အ) ကို ဖန်ဆင်းတော် မူ ခဲ့ပါသည်။ ဟဇရသ် ဖွာတွေမဟ် (စ.အ) ကို ဖန်ဆင်းသောအခါ ကောင်းကင်နှင့်မြေကြီးကို သခင်မ ပေါ်ရှိ အလင်းရောင် ကြောင့် လင်းထိန်သွားကာ ကောင်းကင်တမန်များ သည် ငေးငိုင် သွားကြလေသည်။ ဟဇရသ် အာအေရှဟ် ထံ မှ လည်း ဟဇရသ် ဖွာတွေမဟ် (စ.အ) ၏ မျက်နှာတော် ၏ ဝင်းလင်း တောက်ပမှုနှင့် ပတ်သက် ၍ ဟဒီးစ်တော် တစ်ပါး လာရှိပါသည်။ ဟဇရသ် ဖွာတွေမဟ် (စ.အ) ၏အမည်များအကြောင်းကို အေမာမ် ဂျအ်ဖရ်ဆွာဒစ်က် (အ.စ) ၏ ဟဒီးစ်တော် တစ်ပါး တွင်ဖော်ပြ လာရှိပါသည်။ အလ္လာဟ်ဟို အရှင်မြင် ၏ အမြင်တော် တွင် အမည် နှင့် ဘွဲ့တော် သည် ကိုးခု ရှိပါသည်။ ၎င်းတို့မှာ ဖွာတွေမဟ် (စ.အ) ၊ ဆစ်ဒီကဟ် (စ.အ) ၊ မိုဘာရေကဟ် (အ .စ) ၊ သွာဟေရဟ် (စ.အ) ၊ ဇကီးယဟ် (စ.အ) ၊ ရာဇီးယဟ် (စ.အ) ၊ မရ်ဇီးယဟ် (စ.အ) ၊ မိုဟဒစ်စဟ် (စ.အ) နှင့် ဇဟ်ရာအ် (စ.အ) ဖြစ်ပါသည်။ ကျွန်ုပ်တို့ထံ ရောက်ရှိလာသည့် ဟဒီးစ်တော် များသည် ဟဇရသ် ဖွာတွေမဟ် (စ.အ) အမည်များ နှင့် ဘွဲ့တော်များသည့် သခင်မကြီး၏ ကြီးကျယ် မြင့်မြတ် မှုအပေါ် အခြေခံထားခြင်း ဖြစ်ပါ သည်။ ရှီအဟ် ဟဒီးစ်ကျမ်းများ တွင် ဇဟ်ရာ ဘွဲ့တော် နှင့်ပတ်သက်၍ ရှင်းပြရန် အပိုင်းများကို အာရုံစိုက်ထားပါသည်။ သို့ဖြစ်ပါ၍ ရှိက်ဆူဒူက် ဖဆ်လီ ရေးသား သီးကုံးထားသည့် အလလွတ်ရှ်ရှရာယေအ် ကျမ်း နှင့် အလာမဟ် မဂျ်လေစီ ရေးသား သီးကုံးထား သည့် ဘေဟာရိုလ်အန်နဝါရ် ကျမ်း အတွဲ ၄၃ ၏ တစ်စိတ်တစ်ပိုင်းတွင် ဇဟ်ရာ ဘွဲ့တော် နှင့်ပတ်သက်၍ ရေးသားထားလာ ရှိပါသည်။ အီရန် အစ္စလာမ်မစ် ပြည်သူ့ သမ္မတ နိုင်ငံ၏ လူဝင်မှု ကြီးကြပ်ရေး ဌာန (ခ) မှတ်ပုံတင်ရုံး တွင် မှတ်ပုံတင်ထားသော အမည်များ၏ အစီရင်ခံစာအရ ဇဟ်ရာ သည် အီရန်အမျိုးသမီးအမည်များအနက်မှ အထားအများဆုံး အမည် များမှ တစ်ခုဖြစ်ပါသည်။ ဥပမာအားဖြင့် အီရန်သက္ကရာဇ် ၁၃၉၂ ခုနှစ် ခရီ သက္ကရာဇ် ၂၀၁၃ ခုနှစ်တွင် ဤအမည်သည် အီရန်တွင် ဒုတိယအသုံးအများဆုံး အမျိုးသမီးအမည်ဖြစ်ပါသည်။