ခွေး၏နဂျီစ်ဖြစ်ခြင်း

ဤရေးသားချက်သည် ဓမ္မသတ်နှင့်သက်ဆိုင်သော ရေးသားချက်တစ်ခုသာဖြစ်ပြီး သာသနာမှပြဌာန်းထားသောကျင့်ဆောင်မှုများအတွက် စံနှုန်းတစ်ခုမဟုတ်ပါ။ ကျင့်ဆောင်မှုများနှင့်ပတ်သက်ပြီး သက်ဆိုင်ရာရင်းမြစ်များတွင် လေ့လာနိုင်ပါသည်။

ခွေး၏နဂျီစ်ဖြစ်ခြင်း (အာရဘီ - نجاسة الكلب) ခွေး၏အစိတ်အပိုင်းအားလုံးတို့သည် နဂျီစ်ဖြစ်သည်။ ခွေးသည် ပင်ကိုယ်နဂျီစ်သားကောင်ဖြစ်ပြီး သာသနာမှပြဌာန်းထားသော မည်သည့်နည်းလမ်းနှင့်မျှ ၎င်းကို ပါးက်လုပ်၍ မရနိုင်ပါ။ သို့သော် အစ်သေဟာလာ(အသွင်ပြောင်းခြင်း)နည်းလမ်းဖြင့် ၎င်းသည် ပါးက်ဖြစ်သွားနိုင်သည်။ ထိုအတိုင်းပင် အမဲလိုက်ခွေးနှင့် ခြံစောင့်သည့်ခွေးမှအပ ရောင်းဝယ်ခြင်းမပြုနိုင်ပါ ။ဟရာမ်ဖြစ်သည်။ ခွေးသားရေဖြင့်ပြုလုပ်ထားသော အရာဝတ္ထုများဖြင့် စားခြင်းသောက်ခြင်းမပြုနိုင်ပါ။ ခွေး၏လျှာ့ဖြင့်လျှက်ထားသော အိုးခွက်(သို့) ခွေးစားသောက်ထားသော အိုးခွက် များကို မြေကြီးဖြင့် သုတ်လိမ်းပြီးမှ ၎င်းတို့ကို ပါးက်ပြုလုပ်နိုင်မည်ဖြစ်သည်။ခွေး၏(ညစ်ညမ်း)နဂျီစ်ဖြစ်မှုနှင့်ပတ်သက်ပြီး ပြောဆိုမှုများတွင် ဖျံအမျိုးအစားများမပါဝင်ပါ။

ခွေး(ညစ်ညမ်း)နဂျီစ်ဖြစ်ခြင်းဆိုသည်မှာ

ခွေး၏ ခန္ဓာကိုယ်အစိတ်အပိုင်းအားလုံးနှင့် အမွှေး ၊ ခြေဖဝါး ၊ လက်ဖဝါး ၊ လက်သည်း နှင့် ခြေသည်း ၎င်းမှထွက်သောအရည်အားလုံးတို့သည် နဂျီစ်ဖြစ်သည်။ သို့ပေမဲ့လည်း ရှီအာတို့၏အကျော်အမော်ပညာရှင်ကြီးတစ်ပါးဖြစ်သူ ဆယိဒ်မွရ်သဒွါက ခွေးနှင့်ဝက်တို့၏ အမွှေးသည် ၎င်းတို့၏သက်မဲ့အစိတ်အပိုင်းများအတွင်းမှ ဖြစ်သည့်အတွက်ကြောင့် နဂျီစ်မဟုတ် ဟု ဆိုထားပေသည်။ ဆယိဒ်မွရ်သဒွါ၏ဖှသ်ဝါသည် ရှီအာဓမ္မသတ်ပညာရှင်အများစု၏ဖှသ်ဝါနှင့် ခြားနားနေသနေဟု မိုဟမ္မဒ်ဟစန်နဂျဖှီမှ ဆိုထားပေသည်။ ထိုအပြင် အဲဟ်လေစွန္နသ်အတွင်းရှိ မဇ်ဟဘ်လေးမျိုးထဲမှ ဓမ္မသတ်ပညာရှင်တစ်ပါးဖြစ်သူမာလိက်ဘင်န်အနစ်မှ ခွေးသည်ပါးက်ဖြစ်သည်ဟု မှတ်ယူထားပေသည်။ ခွေးသည် နဂျီစ်ဖြစ်ကြောင်းနှင့်ပတ်သက်ပြီး သက်သေအထောက်အထားများမှာ မာအ်စူမ်အေမာမ်များထံမှ ဆင့်ပြန်ထားသော ရေဝါယသ်(ဆင့်ပြန်မှုများ)ဖြစ်ပေသည်။ထိုရေဝါယသ်တော်များသည် ဝဆာအိလ်လွလ်ရှီအာကျမ်းရှိ «بَابُ نَجَاسَةِ الْكَلْبِ وَ لَوْ سَلُوقِيّا (ခွေးနဂျီစ်ဖြစ်ခြင်း မည်မျှပင် အမဲလိုက်ခွေးဖြစ်ပါစေ)ဟူသော အခန်းဂဏ္ဍနှင့် «بَابُ نَجَاسَة سُؤْرِ الْکَلْبِ وَ الْخِنْزِیرِ» အခန်းဂဏ္ဍများတွင် ဖေါ်ပြပါရှိထားလေသည်။

မြေကြီးဖြင့်သုတ်လိမ်းခြင်း

ခွေးလျှက်ထားသော အိုးခွက်(သို့) ခွေးသောက်ထားသောအိုးခွက်များကို ပါးက်ပြုလုပ်ရန် ဦးစွာ မြေကြီးဖြင့်သုတ်လိမ်းရမည်။ပြီးမှရေအနည်း(သို့) ကွရ်ရေဖြင့် ဆေးကြောသန့်စင်ရပေမည်။ မြေကြီး သုတ်ခြင်းမပြုပဲ အခြားသောနည်းလမ်းဖြင့် ပါးက်မဖြစ်နိုင်ပါ။

ရောင်းဝယ်ခြင်း ဥပဒေသ

ဓမ္မသတ်ပညာရှင်ကြီးများ၏အမြင်တွင် ခွေးအား အရောင်းအဝယ်လုပ်ခြင်းသည် ဟရာမ်ဖြစ်သည်။အဘယ်ကြောင့်ဆိုသော် ခွေးသည် ၎င်း၏မူရင်း နဂျီစ်ဖြစ်သည့်အတွက် တန်ဖိုးမရှိပေ။ထို့ကြောင့်ရောင်းဝယ်မှုမပြုနိုင်ပေ။ ထိုဥပဒေသသည် အလေအလွင့်ခွေးများ အတွက်ဖြစ်ပြီး အမဲလိုက်ခွေးနှင့် ခြံစောင့်ခွေးတို့သည် အကျိုးအမြတ်ရှိသည့်အတွက် ၎င်းအမိန့်သည် ထိုခွေးများအား ရောင်းဝယ်ခြင်းအပေါ် သက်ရောက်မှုမရှိပါ။

ခွေးမွေးခြင်း

အာယသုလ္လာဟ်မကာရင်မ်ရှေရာဇီ၏ဖှသ်ဝါအရ အကျိုးပြုသောခွေး ဥပမာ ခြံစောင့်ခွေး ။ ထောက်လှမ်းရေး၌ အသုံးပြုသောခွေးစသဖြင့်တို့အား မွေးခြင်းသည် ပြဿနာမရှိပါ။ မွေးခွင့်ရှိသည်။ ၎င်းတို့သည် မည်မျှပင် နဂျီစ်များဖြစ်ကြပါစေ။သို့သော် အလှခွေးများမွေးပြီး ၎င်းတို့နှင့်အတူနေ ဆော့ကစားခြင်းသည် တရားတော်နှင့်ညိစွန်းပေသည်။ ထိုသို့သောခွေးများကို မွေးခြင်းသည် မွစ်လင်မ်တစ်ဦး၏ အရိုက်အရာနှင့်မအပ်စပ်ပေ။ အချို့သော ဓမ္မသတ်ပညာရှင်များကမူ နေအိမ်တွင်ခွေးမွေးခြင်းသည် မက္ကရူဟ်ဟု သတ်မှတ်ထားကြသည်။

အခြားသော ဥပဒေသများ

• အကယ်၍ ခွေးနှင့်အရာဝတ္ထုတစ်ခု ထိတွေ့ခဲ့ပြီး ခွေးမှ စိုထိုင်းမှုတစ်စုံတစ်ရာ ထိုအပေါ်သို့ သက်ရောက်ခဲ့ပါက ထိုအရာသည်နဂျီစ်ဖြစ်သွားပေမည်။
• ရှီအာဓမ္မသတ်ပညာရှင်ကြီးများ၏ ဖှသ်ဝါတွင်ခွေး နဂျီစ်ဖြစ်ခြင်း ဆိုသည်မှာ ကုန်းပေါ်နေသော ခွေးများကို ဆိုလိုပေသ။
• ခွေးသားရေဖြင့်ပြုလုပ်ထားသော ပန်းကန်ခွက်များဖြင့် အသုံးပြုစားသောက်ခြင်းသည် ဟရာမ်ဖြစ်သည်။ ထိုအတိုင်းပင် သွဟာရသ်လိုအပ်သော လုပ်ဆောင်မှုများ ဥပမာ ဝူဇူ နှင့် ဂွစ်လ် ပြုရာတွင် ထိုသို့သော ခွက်များအသုံးပြုခွင့်မရှိပါ။ ခွေးနှင့်ဝက်တို့၏သားရေတို့အား စားသောက်ခြင်းမဟုတ်သော ကိစ္စရပ်များတွင် အသုံးပြုခွင့် မရှိဟု များစွာသော ဓမ္မသတ်ပညာရှင်များက ဆိုထားကြသည်။
• ခွေးသည် မူရင်းနဂျီစ်ကောင်ဖြစ်သည်။ထို့ကြောင့် အစ်သေဟာလဲ(အသွင်ပြောင်းခြင်း) ဖြင့်သာ ပါးက်ဖြစ်နိုင်ပြီး အခြားနည်းလမ်းများနှင့် ပါးက်မဖြစ်နိုင်ပါ။
• ခွေးသည် ကာကွယ်ဆေးထိုးပေးရုံဖြင့် ပါးက်မဖြစ်သွားနိုင်ပါ။ အဘယ်ကြောင့်ဆိုသော် ခွေးနဂျီစ်ဖြစ်ခြင်းသည် ညစ်ပေခြင်းကြောင့်ဖြစ်သည်ဟူ၍ သက်သေတစ်စုံတစ်ရာမရှိပါ။