အဖိနှိပ်ခံများကို ခုခံကာကွယ်ခြင်း

အဖိနှိပ်ခံများကို ခုခံကာကွယ်ခြင်း (အရဘီ : الدفاع عن المظلوم ) ဆိုသည်မှာ ဆင်ခြင်တုံတရားနှင့် သဘာဝ ကျသော ကိစ္စဖြစ် ပါသည်။ အကြောင်းမှာ ကျမ်းတော်မြတ်ကုရ်အာန် နှင့် ဟဒီးစ်တော်များ တွင် အလေးပေး ဖော်ပြထား သည့် ကိစ္စ ဖြစ်ပြီး ဓမ္မသတ်ပညာရှင်များ မှ ၎င်းကို မဖြစ်မနေဆောင်ရွက်သင့်သည်ဟု ဆိုထား ပါသည်။တမန်တော်မြတ် မိုဟမ္မဒ် (ဆွ) ထံ မှ ဆင့်ပြန် လာရှိပါသည်။ အကြင်သူတစ်ဦးတစ်ယောက်သည် အဖိနှိပ်ခံ တစ်ဦး၏ အကူအညီတောင်းသံကို ကြားလျှင် အဖြေမပေးလျင် (မကူညီလျင်) ထိုသူသည် မွတ်စလင်မ် မဟုတ်ချေ။ အချို့ ပညာရှင်များ၏ အဆိုအရ အဖိနှိပ်ခံများကို ခုခံကာကွယ်သည့်ဟဒီးစ်တော် များသည် သဝါသိုရ် အဆင့်တွင် ရှိနေသည်ဟု ဆိုကြပါသည်။ အစ္စလာမ်မီ ဟဒီးစ်တော်များတွင် အဖိနှိပ်ခံ (မဇ်လူးမ်) များကို ခုခံကာကွယ်ခြင်း ၏ အကျိုးမှာ တမန်တော်မြတ် (ဆွ) နှင့် အတူနေထိုင်ရခြင်း အပြစ်ကြီး များ အတွက် အပြစ်ဖြေခြင်း ဖြစ်ကြောင်း လာရှိပါသည်။ အခြားတစ်ဖက်တွင်မူ အဖိနှိပ်ခံများအား ကူညီပေးခြင်း မရှိခြင်းအား အစ္စလာမ်မှ ထွက်ခွာခြင်းနှင့် ဖျက်ဆီးခြင်း၏ အကြောင်းရင်းအဖြစ် ဖော်ပြ ထားပါ သည်။ထိုအတွက်ကြောင့် ကရ်ဗလာ အခင်းမဖြစ်ပွားမီတွင် အေမာမ် ဟိုစိုင်းန် (အ.စ) ထံ မှဆင့်ပြန်လာရှိသည်မှာ - အေမာမ် (အ.စ) အနေဖြင့် အိုဗိုင်းဒွလ္လာဟ် ဘင်န် ဟူရ်ဂျိုအ်ဖီ အားမိန့်ကြား တော်မူသည် မှာ - « ညှဉ်းဆဲခံရသော အေမာမ် ၏ အကူအညီတောင်းသံ အဖြေမပေးဘဲ အေမာမ် ကို မကူညီခြင်း သည် အလ္လာဟ်ဟို အရှင်မြတ် အနေဖြင့် ထိုသူအား ဖျက်စီးတော်မူမည့် အကြောင်းကို ဖြစ်စေ ပါသည်။  »

အစ္စလာမ့်တမန်တော်မြတ်(ဆွ)သည် သစ္စာခံကတိကဝတ်ပြုသည့် ဟေလ်ဖိုလ်ဖိုဇူလ် ၌ ရှိနေခြင်းနှင့် ဖိနှိပ် ချုပ်ချယ်ခြင်းအား တွန်းလှန်ခြင်းနှင့် အခွင့်အရေးရယူခြင်းအပေါ် အစိုးရ၏ စည်းကမ်း သတ်မှတ်ချက်အရ လက်ခံခြင်းအား အေမာမ် အလီ (အ.စ) က လက်ခံခြင်းဟူသည့်အချက်ကို အဖိနှိပ်ခံ များအား ခုခံကာကွယ်ခြင်း၏ ဥပမာများ မှ ဟု ဆိုထားပါသည်။ ဓမ္မသတ် ပညာရှင်များသည် အဖိနှိပ်ခံများ၏ ကာကွယ်ရေးကို သီးခြားဘာသာတရား သို့မဟုတ် ပထဝီဝင်နယ်နိမိတ်တွင် ကန့်သတ်ထား သည်ဟု လက်မခံကြချေ။ ထို့ကြောင့် ပါလက်စတိုင်းလူမျိုးများအား ခုခံကာကွယ်ရန် ဝါဂျစ်ဗ် (မပြုမနေရ ) ဖြစ်သည် ဟု အချို့ ပညာရှင်များ က ဆိုထားကြပါသည်။ အီရန်အစ္စလာမ်မစ် ပြည်သူ့ သမ္မတနိုင်ငံ ဖွဲ့စည်း ပုံအခြေခံ ဥပဒေ၏ တတိယမူအရ ၎င်းသည် « ကမ္ဘာ့အဖိနှိပ်ခံများကို မဆုတ်မနစ် ထောက်ခံအား ပေးခြင်း » ကို အလေးပေးဖော်ပြထားပါသည်။

ရှီအဟ်ပညာရှင်များဖြစ်ကြသည် မိုရ်သဇာ မိုသွဟရီ နှင့် ဆယက်ဒ် မိုဟမ္မဒ် ဘေဟစ်ရှ်သီ တို့က အစ္စလာမ် တွင် ဖိနှိပ်မှုကို သည်းခံခြင်းသည် ဖိနှိပ်မှုကဲ့သို့ပင် ဆိုးရွားသည်ဟု ဆိုကြပါသည်။နဲဟ်ဂျိုလ်ဗလာဂဟ် ကျမ်းတွင် အေမာမ် အလီ (အ.စ) ထံ မှ ဆင့်ပြန်လာ ရှိသည် မှာ အားနည်းသူများသည် ဖိနှိပ်မှုများကို မိမိ တို့ကိုယ်တိုင်မှ မဖယ်ရှားနိုင်ဘဲ အားထုတ်မှုမှလွဲ၍ အခွင့်အရေးကို ရယူနိုင်မည် မဟုတ်ကြောင်း ဖြစ်ပါသည်။

နေရာအဆင့်အတန်း

မွတ်စလင်မ် ပညာရှင်တို့က အဖိနှိပ်ခံများကို ခုခံ ကာကွယ်ရာတွင် များစွာအလေးပေးကြပြီး ၎င်းသည် ဆင်ခြင်တုံ တရားနှင့် သဘာဝကျသော တာဝန်တစ်ရပ်ဖြစ်သည်ဟု ယုံကြည်ကြပါသည်။ ကုရ်အာန် နှင့် ဟဒီးစ် တော် များ တွင် များစွာ အမိန့်ပေးထားပြီး ဖြစ်ပါသည် ။ ယုတ်စွ ဝါဂျစ်ဗ် အဖြစ် ဆိုထားပါသည်။ မူစဝီ စဗ်ဇ်ဝါရီ ၏ အရ အဖိနှိပ်ခံများကို ခုခံကာကွယ်ခြင်းဆိုင်ရာ ဟဒီးစ်တော် များသည် သဝါသိုရ် အဆင့်တွင် ရှိနေ သည်ဟု ဆိုထားပါသည်။ ကုရ်အာန် သဖ်စီးရ် ပညာ ရှင် တစ်ပါး ဖြစ်သည့် မကာရေမ်မိုရှီရာဇီး သည် စူရဟ် နေစာ ၏ အာယသ်တော် အမှတ် ၇၅ ကို ကိုးကားပြီး အဖိနှိပ်ခံများ၏ ကာကွယ်ရေးကို ခုခံကာကွယ်သည့် ဂျေဟာဒ် ၏ နမူနာများထဲမှ တစ်ခုအဖြစ် ဖော်ပြထားပါသည်။

အစ္စလာမ့် ဟဒီးစ်တော်များအရ ဖိနှိပ်ခံရသူများကို ခုခံကာကွယ်ခြင်းအတွက် ဆုလာဘ်မှာ တမန်တော်မြတ် (ဆွ) နှင့် အတူနေထိုင်ရခြင်း ဖြစ်ကြောင်း အပြစ်ကြီး များ အတွက် အပြစ်ဖြေခြင်း ဖြစ်ကြောင်း လာရှိပါ သည်။အခြားတစ်ဖက်တွင်မူ အဖိနှိပ်ခံများအား ကူညီပေးခြင်း မရှိခြင်းအား အစ္စလာမ်မှ ထွက်ခွာခြင်းနှင့် ဖျက်ဆီးခြင်း၏ အကြောင်းရင်းအဖြစ် ဖော်ပြ ထားပါ သည်။ ထိုအတွက်ကြောင့် အေမာမ် ဂျအ်ဖရ်ဆွာဒစ် (အ.စ) မှ တမန်တော်မြတ် (ဆွ) ထံတော် မှ ဆင့်ပြန် ထားတော်မူသည်မှာ - အကြင်သူတစ်ဦး တစ်ယောက် သည် အဖိနှိပ်ခံ တစ်ဦး၏ အကူအညီတောင်းသံကို ကြားလျှင် အဖြေမပေးလျင် (မကူညီလျင်) ထိုသူသည် မွတ်စလင်မ် မဟုတ်ချေ။

ဆယက်ဒ် အလီ ခါမေနာအီ မှ မိန့်ကြားထားသည်မှာ - အဖိနှိပ်ခံများကို ခုခံကာကွယ်ခြင်းသည် အမြဲတမ်းတောက်ပသော နေရာတစ်ခုဖြစ်ပါသည်။ ညှဉ်းဆဲသူများ နှင့် မပေါင်းသင်းခြင်း၊ ချမ်းသာကြွယ်ဝသူများထံမှ လာဘ်မယူခြင်း၊ အမှန်တရားကို စွဲကိုင်ခြင်း သည် ကမ္ဘာပေါ်တွင် ဘယ်တော့မှ ဟောင်းသွားမည်မဟုတ်ပေ။ အခြေအနေအမျိုးမျိုးတွင် ဤအရည် အသွေးများ သည် အမြဲတမ်းတန်ဖိုးရှိသည်။

မိုရ်သဇာ မိုသွဟရီ သည် အခြားသူများကို ဆဲဆိုခြင်းနှင့် အသရေဖျက်ခြင်းတို့ကို အလ္လာဟ်ဟို အရှင်မြတ် တားမြစ်ထားသည်ဟု သက်ဝင် ယုံကြည်ပါသည်။ သို့သော် ဖိနှိပ်ခံပုဂ္ဂိုလ် နှင့်ပတ်သက်၍ သက်ဝင်ယုံကြည် သည် မှာ ကုရ်အာန် ၏ အာယသ် တော်များ ကို အခြေပြု၍ ဆိုရလျင် အလ္လာဟ် ဟို အရှင်မြတ် သည် အဖိနှိပ်ခံများကို ခွင့်ပြုသည်။ ထိုကြောင့် မိန့်ထားတော်မူသည်မှာ - « တမ်းတ ခြင်း ၊ ဇွာလင်မ်များကို မ‌ကောင်း ပြောခြင်း ... ညာသံပေးခြင်း  » ပြုလုပ်နိုင်ပါသည်။ အကြောင်းပြချက်မှာ « ဤသည် နည်းမှန် ၊လမ်းမှန်  » ဖြစ်သည့်အတွက်ကြောင့် ဖြစ်ပါ သည်။

အဲဟ်လေ့ဘိုက်(သ) (အ.စ) ၏ ဘဝ သမိုင်းတွင် အဖိနှိပ်ခံများအား ကာကွယ် ခြင်း

တမန်တော်မြတ် မိုဟမ္မဒ် (ဆွ) သည် ဗေအ်စသ် မတိုင်ခင် တွင် ဗနီဟာရှီမ်၏ ကိုယ်စားလှယ်အဖြစ် သစ္စာခံကတိကဝတ်ပြုသည့် ဟေလ်ဖိုလ်ဖိုဇူလ် တွင် ပါဝင်ခဲ့ပါသည်။ ဤ သစ္စာခံ ကတိကဝတ် ပြုခြင်း သည် ဖိနှိပ်ခံရသူများ အား ဖိနှိပ်သူများလက် မှ ခုခံကာကွယ်ရန် ဖြစ်ပါသည်။ ထိုနည်းတူစွာ အေမာမ် အလီ (အ.စ) သည် ခလီဖဟ် တာဝန် ကို ယူပြီးနောက် ဖိနှိပ်ခံရသူများ ၏ ကာကွယ်ရေးနှင့် ၎င်းတို့ ၏ အခွင့်အရေးများကို ရယူ‌ ရေးကို မိမိ အစိုးရအစီအစဉ် ၏ တစ်စိတ်တစ်ပိုင်းအဖြစ် ဖော်ပြခဲ့ပါသည်။ မောင်လာအလီ (အ.စ) သည် ခွသ်ဗဟ် ရှေးက်ရှေကီးယဟ် တွင် (အွတ်စ်မာန် လုပ်ကြံခံရပြီးနောက် ) အစိုးရ ကိုလက်ခံရခြင်း၏ အကြောင်းရင်းတစ်ခုမှာ အဖိနှိပ်ခံများ အတွက် ဖိနှိပ်မှုမှ ကာကွယ်ရန် အလ္လာဟ် ဟို အရှင်မြတ် သည်ပညာရှင်များထံမှရယူခဲ့ သောသဘောတူညီချက် တစ်ခုဖြစ်ကြောင်း မိန့်ထားပါသည်။ အေမာမ် အလီ (အ.စ) သည် အစ်ဗ်နေမိုလ်ဂျမ် မူရာဒီ ၏လလုပ်ကြံ ခြင်းကို ခံရပြီးနောက် အေမာမ် ဟစန် (အ.စ) နှင့် အေမာမ် ဟိုစိုင်းန် (အ.စ) အား သေတမ်းစာ မိန့်တော်မူသည်မှာ - ဖိနှိပ်သူ (ဇွာလင်မ်) ၏ ရန်သူ ၊ ဖိနှိပ်ခံရသူ (မဇ်လူးမ် ) အား ကူညီသူ အဖြစ် ရပ်တည်ပါလေ။ အဖိနှိပ်ခံများ၏ ဘေးကင်းလုံခြုံမှုကို သေချာစေရန်၊ အလ္လာဟ်ဟို အရှင်မြတ် ၏ နိမိတ်များ ထူထောင်ခြင်းနှင့် မြို့များ ပြုပြင်တည်းမတ်ပေးရေး နှင့် ဖွံ့ဖြိုးတိုးတက်ရေးတို့ကို အေမာမ် ဟိုစိုင်းန် (အ.စ) မှ ကရ်ဗလာ အရေးတော်ပုံကြီးမတိုင်မီကပင် အလေးပေး မိန့်ကြားတော် မူခဲ့ပါသည်။ (ဝနိုဇေဟ်ရို လ်အစ်ဆွလာဟဖီ ဘေလာဒေကာ ဖယာအ်မန်နိုလ်မဇ်လူးမ်မူနာ မင်န် အေဗာဒေကာဝသိုကာမိုလ်မိုအ်သွလသို မင်န် ဟိုဒူဒေကာ )

ဖိနှိပ်ခံရသူကို ခုခံကာကွယ်ရန် ရှရအီ ဆိုင်ရာ တာဝန်တစ်ရပ်

ရှီအဟ် ဓမ္မသတ် ပညာရှင်များကြားတွင် ဆွာဟေဘေ ဂျဝါဟေရ် နှင့် ကာရှစ်ဖ် ဖိုလ်ဂေသွာအ် တို့မှ အဖိနှိပ်ခံများကို ခုခံကာကွယ်ခြင်းဖြင့် သူသည် ဘေးကင်းပြီး ကူညီနိုင်စွမ်းရှိသည်ဟု ယုံကြည်ပါက ခုခံ ကာကွယ်ရန်မှာ ဝါဂျစ်ဗ် ဘေကေဖာရီ (အုပ်စုတစ်စု လုပ်ဆောင်လိုက်လျင် ကျန်သူများ လုပ်ဆောင် ရန်မလို တော့ခြင်း) ဖြစ်ကြောင်း ဆိုထားကြပါသည်။ ရှီအဟ် မရာဂျေအ် များ မှ တစ်ပါး ဖြစ်သည့် ဂျဝါဒ် သဗ်ရေဇီး (ကွယ်လွန် - အီရန်သက္ကရာဇ် ၁၃၈၅ ) အနေဖြင့်လည်း အဖိနှိပ်ခံများကို ခုခံကာကွယ်ရန် ဝါဂျစ်ဗ် ဖြစ်ကြောင်း မိန့်ဆိုထားပါသည်။

အဖိနှိပ်ခံ နိုင်ငံများကို ကာကွယ်ခြင်း

ဓမ္မသတ် ပညာရှင်များ၏ အဆိုအရ အဖိနှိပ်ခံများကို ခုခံကာကွယ်ခြင်းသည် မည်သည့် ပထဝီဝင် နယ်နိမိတ်များ အထိ အကန့်အသတ်မရှိ ထို့ကြောင့် မိုဟမ္မဒ် ဟိုစိုင်းန် ကာရှစ်ဖ် ဖိုလ်ဂေသွာအ် အာယာသွလ္လာဟ် ဆယက်ဒ် ဘရူဂျုရ်ဒီ နှင့် အေမာမ် ခိုမေနီ တို့သည် ပါလက်စတိုင်းလူမျိုးများအား ခုခံကာကွယ်ရန် ဝါဂျစ်ဗ် ဖြစ်ကြောင်း ဖသ်ဝါ ထုတ်ပြန်ခဲ့ပါသည်။ အီရန်အစ္စလာမ်မစ် ပြည်သူ့ သမ္မတနိုင်ငံ ဖွဲ့စည်း ပုံအခြေခံ ဥပဒေ၏ တတိယမူအရ ၎င်းသည် « ကမ္ဘာ့အဖိနှိပ်ခံများကို မဆုတ်မနစ် ထောက်ခံအား ပေးခြင်း » ကို အလေးပေးဖော်ပြထားပါသည်။

မိမိ ကိုယ်ကို ခုခံကာကွယ်ခြင်းမပြုသော အဖိနှိပ်ခံများကို ရှုတ်ချ ခြင်း

ရှီအဟ် ဒဿန ပညာရှင်နှင့် သာသနာ့ပညာရှင် အာယာသွလ္လာဟ် ရှဟီးဒ် မိုရ်သဇာ မိုသွဟရီ က အစ္စလာမ် သည် ဖိနှိပ်သူများကို ကိုင်တွယ်ရန် အားနည်းမှုကို ပြသခြင်းအား ဆန့်ကျင် တော်လှန် ကြောင်း သက်ဝင် ယုံကြည်ထားပါသည်။ အာယာသွလ္လာဟ် အမြင်အရ အစ္စလာမ်သည် ဖိနှိပ်သူ (ဇွာလင်မ်) နှင့် ရန်ငြိုးဖွဲ့ထား သည့် အတိုင်းအတာအထိ ဖိနှိပ်သူအား ခုခံနိုင်စွမ်းရှိသော်လည်း ခေါင်းညိတ်ခံသူများ အား ဆန့်ကျင်ထား ကြောင်း ဖြစ်ပါ သည်။ ‌အေမာမ် အလီ (အ.စ) ထံ မှ ဆင့်ပြန်လာရှိသည်မှာ အားနည်းပြီး အရည်အချင်းမရှိသည့်လူများသည် မိမိကိုယ် မိမိ ဖိနှိပ်မှုတွေကို မည်သည့် အခါမှ မှ ဖယ်ရှားနိုင်မည် မဟုတ်ချေ။ ကြိုးစားအားထုတ်မှုကနေလွဲပြီး ဖယ်ရှား နိုင်မည် မဟုတ်ချေ။ အရဘီ စကားဖြင့် (لَا يَمْنَعُ الضَّيْمَ الذَّلِيلُ وَ لَا يُدْرَكُ الْحَقُّ إِلَّا بِالْجِدِّ) ဖြစ်ပါသည်။

နိုင်ငံရေး သမား တစ်ဦး ဖြစ်ပြီး ရှီအဟ် မွတ်ဂျ်သဟစ်ဒ် တစ်ပါး ဖြစ်သည့် ဆယက်ဒ် မိုဟမ္မဒ် ဘေဟစ်ရှ်သီ ကလည်း အစ္စလမ် ဘာသာတွင် ဖိနှိပ်တာကို ခံခြင်း သည် ဖိနှိပ် သလောက် အပြစ်တစ်ခုဖြစ်ပြီး လူတစ်ဦး သည် ဖိနှိပ်ခံရပါက မိမိကိုယ်ကို ဦးစွာ အပြစ်တင်သင့်သည်ဟု ဆိုထားပါသည်။ မွတ်ဂျ်သဟစ်ဒ် မှ ဂျဟန္နမ် (ခ) ငရဲဘုံရှိလူအချို့သည် အခြားသူများအတွက် နှစ်ဆသောပြစ်ဒဏ်ကို လိုချင်ကြသည်ဟု စူရဟ် အအ်ရာဖ် ၏ အာယသ်တော် အမှတ် ၃၈ ကို ကိုးကားဖော်ပြထားသည်။ ဘာကြောင့်လဲဆိုတော့ သူတို့ဟာ သူတို့ကို လှည့်စားတဲ့ သူတွေမို့ပါ။ ကုရ်အာန်သည် အုပ်စုနှစ်စု၏ အပြစ်ကို တူညီသည်ဟု မှတ်ယူထားပြီး အုပ်စုနှစ်ခုစလုံးအတွက် ပြစ်ဒဏ်သည် နှစ်ဆဖြစ်သည်ဟု ဆိုပါသည်။