ပုခက်ထဲတွင် သခင်ယေရှု ၏ စကားပြောခြင်း

ပုခက်ထဲတွင် သခင်ယေရှု ၏ စကားပြောခြင်း (အရဘီ: تكلم النبي عيسى في المهد) ဆိုသည်မှာ ဟဇရသ် အီစာ(အ.စ) (ခ) သခင်ယေရှု အနေဖြင့် နို့စို့အရွယ်၌ မိမိ ၏ မယ်တော် ဟဇရသ် မရ်ယန်းမ်(စ.အ) (ခ) မာရီ ၏ အိမ်ထောင်ရေး ဖောက်ပြန်မှုစွပ်စွဲချက်ကို ပယ်ချခြင်း နှင့် မိမိ၏ နဗူဝသ် (နဘီဖြစ်ကြောင်း) ကို ရဟူဒီ(ခ) ဂျူးအာလင်မ်များ ရှေ့တွင် သက်သေထူသည့် အံ့ဖွယ် ပြောဆိုသည့် စကားဖြစ်ပါသည်။ ကုရ်အာန် ကျမ်းမြတ် ၏ စူရဟ် အာလေ အင်န်မရာန် ၏ အာယသ်တော် အမှတ် ၄၆ ၊ စူရဟ် မာအေဒဟ် ၊အာယသ်တော် အမှတ် ၁၀၀ နှင့် စူရဟ် မရ်ယန်းမ်။ အာယသ်တော်အမှတ် ၂၉ တို့တွင် တွင် ပုခက်ထဲတွင် သခင်ယေရှု ၏ စကားပြောခြင်း ကို ရည်ညွှန်းထားပါသည်။ သဖ်စီးရ်နမူနာ နှင့် အခြား သုတေသီနှစ်ဦး၏အဆိုအရ မှသဖ်စီးရ် ပညာရှင်အများစု သည် မဟဒ် ၏အဓိပ္ပာယ်ကို ပုခက် သို့မဟုတ် ကလေးအများစုသည် မိခင်၏ရင်ခွင်ထဲတွင် ရှိနေသည့်အချိန်ကာလအဖြစ် ယူဆကြပါသည်။ အခြား တစ်ဖက်တွင် မိုဟမ္မဒ် ဟာဒီ မအ်ရေဖသ် အနေဖြင်ါ မိမိ၏ ကျမ်း ကေသာဗိုလ်သမ်ဟီးဒ် တွင် ရေးသားသီးကုံးထားသည်မှာ မယ်တော် ဟဇရသ် မရ်ယန်းမ်(စ.အ) (ခ) မာရီ သည် (သားတော်) သခင်ယေရှု (အ.စ) အား မွေးဖွားပြီး နှစ်အနည်းငယ်အကြာတွင် မြို့တော်သို့ ပြန်သွားကြောင်းမဟဒ် ၏အဓိပ္ပာယ် မှာ ဟဇရသ် အီစာ(အ.စ) (ခ) သခင်ယေရှု၏ ငယ်ဘဝနှစ်များ ဖြစ်ကြောင်း ဖြစ်ပါသည်။ထိုနည်းတူစွာ သဖ်စီးရ် ပညာရှင် ဆယက်ဒ် အဲဟ်မဒ်ခန်းန် ဟင်ဒီ အနေဖြင့် ဟဇရသ် အီစာ (အ.စ) စကားပြောခြင်း ဆိုသည်မှာ ကိုယ်တော်၏ လူငယ်ဘဝ ဖြစ်ပြီး မွေးခါစ အရွယ် မဟုတ်ကြောင်း ဆိုထား ပါသည်။

အဘူအလ်ဖသူဟ် ရာဇီး ဆိုသည့် သဖ်စီးရ်ပညာရှင် ၊ဟီဂျရီ ၆ရာစု နှစ်၏ ရှီအဟ်ဟဒီးစ်ပါရဂူ မှ တမန်တော် တမန်တော်မြတ်(ဆွ) ထံမှ ဟဒီးဆ်တော်အား ကိုးကားပြီး ဟဇရသ်အီစာ (အ.စ) သည် ငယ်စဉ်ကလေးဘဝက ဟောပြောခဲ့ သော လူငါးဦးတွင် တစ်ဦးဖြစ်သည်ဟု လက်ခံရေးသားထားပါသည်။ ရှီအဟ် ပညာရှင် များထဲမှ ဂျအ်ဖရ် စိုဗ်ဟာနီ နှင့် အီဗရာဟီးမ်အမီးနီ တို့သည် ငယ်ရွယ်စဉ်တွင် အေမာမ်မသ် အတွက် လိုအပ်သော ဥာဏ်ပညာနှင့် လိမ္မာပါးနပ်မှု ရှိကြောင်း သက်သေအဖြစ် ပုခက်ထဲတွင် သခင်ယေရှု ၏ စကားပြောခြင်းကို လက်ခံကြပါသည်။

စူရဟ်မရ်ယန်းမ် ၏ အယာသ်တော်အမှတ် ၃၀ မှ ၃၄ အရဟဇရသ် အီဟာ (အ.စ) သည် မိမိကိုယ် ကို အလ္လာဟ်ဟို အရှင်မြတ် ၏ကျေးကျွန် ဖြစ်ကြောင်း ၊အလ္လာဟ်ဟို အရှင်မြတ် စေလွတ်လိုက်သည့် တမန်တော် ဖြစ်ကြောင်း ကောင်းကင်ကျ ကျမ်းကိုပိုင်ဆိုင်သူ ဖြစ်ကြောင်း ကောင်းချီးမင်္ဂလာ ကို ဖြစ်စေသူ ဖြစ်ကြောင်း မိတ်ဆက်ပေးခဲ့ပါသည်။ ပြီးနောက် ဟဇရသ် အီစာ (အ.စ) မှအခြားမိန့်ကြားသည်မှာ အလ္လာဟ်ဟို အရှင်မြတ် မှ နမာဇ်ဝတ်ပြုရန် ၊ ဇကားသ် ပေးဆောင်ရန် နှင့် မိမိ၏ မိခင်အား ချစ်ခင်မြတ်နိုးရန် ပုန်ကန်သူ သို့မဟုတ် ကံဆိုးသူမဟုတ်သူအားဆုံးမထားကြောင်း ဖြစ်ပါသည်။ ကုရ်အာန်၏ အာယသ်တော်များ အရ ဟဇရသ် အီစာ (အ.စ) သည် မိမိ၏ စကား အား စလာမ် (ခ) ကောင်းချီးမင်္ဂလာ အဖြာြဖာ သုံးမျိုး နှင့် အဆုံးသတ်ထားပါသည်။ ငါ(အီစာ) မွေးဖွားသည့်နေ့ တွင် ငါ့အပေါ် ကောင်းချီးမင်္ဂလာ အဖြာဖြာကျရောက်ပါစေ ။ ငါသေဆုံးမည့်နေ့ နှင့်ငါကို ပြန်ပြီး ရှင်သန်ထမြောက်စေမည့်နေ့ ငါ့အပေါ် ကောင်းချီးမင်္ဂလာ အဖြာဖြာကျရောက်ပါစေ။

အချို့သဖ်စီးရ် ပညာရှင်များ မှ ပုခက်ထဲတွင် သခင်ယေရှု ၏ စကားပြောခြင်း အား ၎င်း၏ မိုအ်ဂျေဇဟ် (ခ) အံ့ဖွယ် ဖြစ်ကြောင်း ၊ အချို့ သဖ်စီးရ် ပညာရှင်များ မှ အေရ်အာစ် ဖြစ်ကြောင်း ၊ အချို့ သဖ်စီးရ် ပညာရှင်များ မှ ကေရာမသ် ဟဇရသ် မရ်ယာန်း (စ.အ) ဖြစ်ကြောင်း ဆိုထားကြပါသည်။ ရှီအဟ်သဖ်စီးပညာရှင် တစ်ပါး ဖြစ်သည့် မိုဟမ္မဒ် ဟာဒီ မအ်ရေဖသ် အနေဖြင့် သခင်ယေရှု ၏ စကားပြောခြင်း သည် မည်သည့် မအ်ဂျေဇဟ် အမျိုးအစားမှ မဟုတ်ကြောင်း အကြောင်းမှာ ဟဇရသ် အီစာ (အ.စ) ၏ စကားပြောခြင်းသည် ယေဘုယျ အားဖြင့် ကလေးငယ်များ စကားပြောသည့် အချိန်တွင် ပြောသည့် အတွက်ကြောင့် ဖြစ်သည်ဟု ဆိုထားပါ သည်။ မိုဟမ္မဒ် ဟာဒီ မအ်ရေဖသ် ၏ အဆိုအရ ဟဇရသ် အီစာ (အ.စ) စကားဆိုခြင်းသည် အလွန်ဉာဏ်ကောင်းပြီး ၎င်း၏ မွေးဖွားခြင်းမှာ မိုအ်ဂျေဇဟ် (ခ) အံ့ဖွယ်ကောင်းကြောင်း သက်သေပြခဲ့ပြီး ၎င်း၏မိခင်သည် အိမ်ထောင်ရေးဖောက်ပြန်ခြင်းမှ လွတ်မြောက်ကြောင်း သက်သေပြခဲ့ခြင်း ဖြစ်ပါသည်။

ဟီဂျရီ ခြောက် ရာစု၏ စွန်နီ သဖ်စီးရ် ပညာရှင် နှင့် ဟဒီးစ်ပါရဂူ တစ်ပါး ဖြစ်သူ ဖခ်ရေ ရာဇီး မှ မိမိ၏ သဖ်စီးရ် ကျမ်း သဖ်စီးရ် ကာဘီးရ် တွင် ဤ ပုခက်ထဲတွင် ဟဇရသ် အီစာ (အ.စ) ၏ စကားပြောခြင်းအား မိုအ်ဂျေဇဟ် (ခ) အံ့ဖွယ်တစ်မျိုး ဖြစ်ကြောင်း ရေးသားလက်ခံထားပါသည်။ ဖခ်ရေ ရာဇီး အနေဖြင့် မည်သည့် နဘီ တစ်ပါးပါး ထံ မှ မိုအ်ဂျေဇဟ် ပြခြင်း နှင့် မိုအ်ဂျေဇဟ်ပမာ ဖြစ်ခြင်း အကြား ခွာကွာ ခြားမှု ရှိကြောင်း ပြော ကြားရင်း ဟဇရသ် အီစာ (အ.စ) သည် ဖခင်မရှိဘဲ မွေးဖွားခြင်း ၊ ငယ်စဉ်ကလေးဘဝတွင် စကားပြောဆိုခြင်း မိုအ်ဂျေဇဟ်များ သည် ဟဇရသ် အီစာ (အ.စ) ၏ လက်တော် ဖြင့် တိုက်ရိုက် သေသော သူများကို ပြန်လည် ရှင်သန် ထမြောက်စေခြင်း မိုအ်ဂျေဇဟ် နှင့် ကွာြခားကြောင်း လက်ခံ ယုံကြည် ထားပါသည်။