အရာန်းမ်မွတ်လ္လာဟ်

အရာန်းမ်မွတ်လ္လာဟ် (အရဘီ - أيام الله ) ဆိုသည်မှာ အလ္လာဟ် ဟိုအရှင်မြတ် ၏ နေ့ရက်များ ဖြစ်ပါသည်။ အရေးကြီးသော အဖြစ်အပျက်များ ဖြစ်ပေါ်လာပြီးအလ္လာဟ် ဟို အရှင်မြတ် ၏ စွမ်းအား ၊ တန်ခိုးတော် ပိုမို ထင်ရှားလာ သည့် အချိန်များ ကို ရည်ညွှန်းပါသည်။ ကျမ်းတော်ြမတ် ကုရ်အာန် သဖ်စီးရ် ပညာရှင်များ အနေဖြင့် ကျမ်းတော် မြတ် ကုရ်အာန်တွင် အရာန်းမ်မွတ်လ္လာဟ် စကားလုံးပါဝင် သည့် အာယသ်တော်များ နှင့်စပ်လျဥ်းပြီး အရာန်းမ် မွတ်လ္လာဟ် လွတ်မြောက် သည့်နေ့ရက်များ ၊ အလ္လာဟ်ဟို အရှင်မြတ် မှ မိုအ်မင်အား နေအ်မသ် (ကောင်းချီးများ) တော် ချီးမြှင့်ခြင်း ၊ မွတ်ရှ်ရေက်များ အပေါ် ပြစ်ဒဏ်ကျ သည့်နေ့ရက် များ ပြီးနောက် နေအ်မသ် နှင့် အဇါးဗ် (ပြစ်ဒဏ်) ဆိုပြီး အကျယ်ဖွင့်ဆိုထားပါသည်။ ပြီးနောက် ၎င်းတို့ကို သတိရခြင်း၏ ရည်ရွယ်ချက်မှာ လူသားများ၏ ဆုံးမသွန်သင်မှုကို ခံယူခြင်း နှင့် အသိတရား နိုးကြား မှုဟု ယူဆထားပါသည်။ အေမာမ် ဘာကဲရ် (အ.စ) ၏ ရီဝါယသ် တော် တစ်ပါးအရ အေမာမ် မဲဟ်ဒီ (အ.စ) တော်လှန်ရေးနေ့များ ရဂျ်အသ် နှင့် ကေယာမသ်သည် အရာန်းမ်မွတ်လ္လာဟ် ၏ စံနမူနာများ ဖြစ်ပါသည်။ အချို့ ရီဝါယသ် တော်များ အရ အာရူရာ ကိုလည်းဘဲ အရာန်းမ်မွတ်လ္လာဟ် ဟု ဆိုထားပါသည်။ အီရန်အစ္စလာမ်မစ်ပြည်သူ့ သမ္မတနိုင်ငံကို တည်ထောင်သူ အီမာမ်ခိုမေနီ က အီရန် အစ္စလာမ်မစ် တော်လှန် ရေး ၏အချို့ အရေးကြီး နေ့ရက်များ ပမာအား ဖြင့် အီရန်လ ဘဲဟ်မန်လ ၊ ၂၂ရက် ၊၁၃၅၇ ခုနှစ် အစ္စလာမ်မစ်တော်လှန်ရေး အောင်ပွဲခံသည့် နေ့ ကို အရာန်းမ်မွတ်လ္လာဟ် ဟုဆိုထားပါသည်။ အေမာမ်ခိုမေနီ ၏ အမြင် တွင် အရာန်းမ်မွတ်လ္လာဟ် အတွင်း ဖြစ်ပျက်ခဲ့သည့် ကိစ္စများ သည် သမိုင်း တစ်လျှောက် လူသား များ အတွက် မှတ်သားစရာများ နှင့် နိုးကြားမှုကို ဖြစ်စေပါသည်။ ဤသက်သေ အထောက်အရ မလွဲမသွေ ရှင်သန် အောင် ထိန်းသိမ်းရမည် ဟုဆိုပါသည်။

ဆိုလိုချက်ကို သိနားခြင်း

အရာန်းမ်မွတ်လ္လာဟ် (အလ္လာဟ်ဟို အရှင်မြတ် ၏နေ့ရက်များ ) သည် အရေးကြီးသောဖြစ်ရပ်များ ဖြစ်ပျက်ခဲ့ သည့် နေ့ရက်များကို ရည်ညွှန်းပါသည်။ (1) ထိုအချိန် များ တွင် အလ္လာဟ်ဟို အရှင်မြတ် ၏ စွမ်းအား နှင့် တန်ခိုးတော်သည် ပို၍ထင်ရှားလာပါသည်။ (2) ဤ စကားလုံး အား ကျမ်းတော်မြတ် ကုရ်အာန်တွင် နှစ်ကြိမ် အသုံးပြု ထားသည်။(3) စူရဟ်အီဗရာဟီးမ် (အ.စ) တွင် ဟဇရသ် မူစာ (အ.စ) သည် အရာန်းမ်မွတ်လ္လာဟ် အား မိမိ လူမျိုးစုများ ကို သတိပေးလိုခဲ့ပါသည်။ အကြောင်းမှာ ဤအသိပေးမှုတွင် သံဝေဂများ သင်ခန်းစာ ယူစရာများ ရှိသည့် အတွက်ကြောင့် ဖြစ်ပါသည်။(4) ထိုနည်းတူစွာ စူရဟ် ဂျာစီယဟ် တွင် လည်း အီမာန် သက်ဝင်ယုံကြည်သူ မည်သူမဆို ထံ တွင် အရာန်းမ်မွတ်လ္လာဟ် ၏မျှော်လင့်ချက်မရှိပါက ထားခဲ့ရန် မိန့်ဆို ထားပါသည်။ ထိုမှသာ အလ္လာဟ်ဟို အရှင်မြတ် သည် လူမျိုးတိုင်း ကို ၎င်းတို့၏ လုပ်ရပ်များ အညီ ပြစ်ဒဏ် များပေးမည်ဖြစ်ပါသည်။(5) အလာမာသွဗာသွဗာအီ သည် သေမည့်နေ့ ၊ဘရ်ဇတ်ခ်၊ ကေယာ မသ် နေ့ ၊ စိတ်ပျက် အားငယ်စရာ ပြစ်ဒဏ် ချဖို့ အကောင်အထည် ဖော်မည့်နေ့ တို့ကို အရာန်းမ် မွတ်လ္လာဟ် ၏ စံနမူနာ များ ဖြစ်ကြောင်းဆိုထားပါသည်။ (6) သဖ်စီးရ် နမူနာ တွင် အရာန်းမ်မွတ်လ္လာဟ် ကို သတိရပြီး တိရပြီး ၎င်းနှင့် သက်ဆိုင်သည့် အဖြစ်အပျက်များကို ဇာတ်ကြောင်းပြောပြရခြင်း၏ ရည်ရွယ်ချက်မှာ လူမျိုးများ၏ ဆုံးမသွန်သင်မှုကို ခံယူခြင်း နှင့် အသိတရား နိုးကြားမှု ဖြစ်ကြောင်း ဆိုထားပါသည်။(7) ဟဇရသ် အလီ (အ.စ) သည် မက္ကာဟ်မြို့ဝန် ဖြစ်သည့် ကစမ်ဘန်အဘာစ် ထံ ပို့သည့် စာတစ်စောင်တွင် ဟဂျ်ကာလ ၊ အရာန်းမ် မွတ်လ္လာဟ် (အလ္လာဟ်ဟို အရှင်မြတ် ၏နေ့ရက်များ ) အား လူထုအား သတိပေးရန် တောင်းဆို ရေးသား ခဲ့ပါသည်။ (8)

သဖ်စီးရ်

သဖ်စီးရ်ပညာရှင်များ (ဋီကာဆရာများ ) အရာန်းမ်မွတ်လ္လာဟ် (အလ္လာဟ်ဟို အရှင်မြတ် ၏နေ့ရက်များ နှင့်ပတ်သက်ပြီး အဓိပ္ပာယ်ဖွင့်ဆိုချက်တွင် မတူညီသော အမြင်များကို ထုတ်ဖော်ခဲ့ကြပါသည်။

• ကောင်းချီးနေ့များ - အလ္လာဟ်ဟိုအရှင်မြတ်၏ ကောင်းချီးတော် များ တမန်တော်မြတ် များ (အ.စ) နှင့် ၎င်းတို့၏ နောက်လိုက်များ သို့ ချီးမြှင့်ခဲ့သည့်နေ့များ ကို ဖြစ်ပါသည်။ ပမာအားဖြင့် ဟဇရသ် မူစာ (အ.စ) ၏နောက်လိုက်များ ဖေရ်အောင် (ဖာရောဘုရင်) လက် မှ လွတ်‌မြောက်သည့်နေ့ ၊ ဟဇရသ် နူးဟ်(အ.စ) သင်္ဘော မှ ၎င်းနောက်လိုက်များ ဆင်းသည့်နေ့ ဟဇရသ် အီဗရာဟီးမ် (အ.စ) မီးပုံ မှ လွတ်‌မြောက်သည့် နေ့ တို့ဖြစ်ပါသည်။ (9)
• ပြစ်ဒဏ်ကျသည့်နေ့များ - ပုန်ကန်သည့် လူမျိုးများပေါ်သို့ ပြစ်ဒဏ် ကျရောက်သည့်နေ့များ ဖြစ်ပါသည်။ ပမာ အားဖြင့် အာဒ် လူမျိုးများ နှင့် စမူဒ် လူမျိုး များပေါ်သို့ ပြစ်ဒဏ် ကျရောက် ခြင်း ဖြစ်ပါသည်။ (10)
• ပြစ်ဒဏ်ကျသည့်နေ့များ နှင့် ကောင်းချီးနေ့များ - အလ္လာဟ် ဟို အရှင်မြတ် ၏ အမိန့်တော် များထဲမှ တစ်ခုသည် နေ့ရက်တိုင်းတွင် အလွန်တောက်ပစွာ ထွန်းလင်းတောက်ပနေပြီး ကျန်ကိစ္စများကို လွမ်းမိုး ထားပါ သည်။(11) သဖ်စီဂရ် နမူနာ တွင် လာရှိသည်မှာ - လူ့ဘ၀တွင် စာမျက်နှာသစ် တစ်ခုဖွင့်လှစ်ပြီး နေ့ရက်တိုင်း တွင် သင်ခန်းစာ ယူဖွယ် ပေးအပ်ခြင်းခံရပါသည်၊ ပမာအား ဖြင့် တမန်တော်မြတ် (အ.စ) တစ်ပါး ပေါ်ချိန် သို့မဟုတ် ရက်စက် ကြမ်းကြတ်သည်ဘုရင် နှင့် မွတ်ရှ်ရေက် တစ်ဦးဦး ပျက်စီး ချိန်သည် အရာန်းမ်မွတ်လ္လာဟ် (အလ္လာဟ်ဟို အရှင်မြတ် ၏နေ့ရက်များ ) မှ ဖြစ်ပါ သည်။(12) ထိုနည်းတူစွာ အမာလီ ရှိက်ခ်သူစီ တွင် တမန်တော်မြတ် (ဆွ) ထံတော်မှ ရီဝါယသ်တော် တစ်ခု ဆင့်ပြန်လာ ရှိပါသည်။ အရာန်းမ်မွတ်လ္လာဟ် (အလ္လာဟ်ဟို အရှင်မြတ် ၏နေ့ရက်များ ) ဆိုသည်မှာ အလ္လာဟ် ဟို အရှင်မြတ် ဘက်မှ နေအ်မသ် (ကောင်းချီးတော်များ ) ချီးမြှင့်သည့်နေ့များ ၊ ဘေးဆိုးများ နှင့် ပြစ်ဒဏ်များ ကျရောက်သည့် နေ့များ ကိုခေါ်ဆိုပါသည်။(13)

ဖိုက်စ် ကာရှာနီ ၏ အဆိုအရ ဤအမြင် နှင့်ပတ်သက်ပြီး သဘောထားကွဲလွဲမှုများမရှိချေ။ အကြောင်းမှာ မိုအ်မင်အား နေအ်မသ် (ကောင်းချီးချီးမြှင့်)ခြင်းသည် ကာဖေရ်အား ပြစ်ဒဏ် အမိန့် ပေးခြင်း ဖြစ်ပါသည်။ ဤနေ့ရက်များတွင် လူမျိုး တစ်မျိုး အတွက် နေအ်မသ် ဖြစ်ပြီး အခြား လူမျိုးတစ်မျိုး အတွက် အဇါဗါ် (အပြစ်) ဖြစ်ပါသည်။ (14)

စံနမူနာများ

ဟဒီးစ်တော် များတွင် အရာန်းမ်မွတ်လ္လာဟ် (အလ္လာဟ်ဟို အရှင်မြတ် ၏နေ့ရက်များ) အတွက် စံနမူနာ ဖော်ပြ ထား ပါသည်။ အေမာမ် ဘာကဲရ် ထံ မှ ဟဒီးစ်တော် တစ်ပါး ဆင့်ပြန် လာရှိပါသည်။ အရာန်းမ်မွတ်လ္လာဟ် သည် သုံးရက် ဖြစ်ပါသည်။ အေမာမ်ဇမာန်း (အ.ဂျ) တော်လှန်ရေးစမည့်နေ့ (ဇဟူးရ်ဖြစ်မည့်နေ့) ၊ရဂျ်အသ်နေ့ နှင့် ကေယာမသ်နေ့ ဖြစ်ပါသည်။ (15) သို့သော် အလီဘင်န် အီဗရာဟီးမ် ဟာရှင်မ် ကွမ်းမီ မှ ရဂျ်အသ်နေ့ အစား သေဆုံးသည့်နေ့ ကို ဖော်ပြထားပါသည်။(16) အခြား ရီဝါယသ်တော်များ အရ အာရှုရာ နေ့ ကိုလည်းပဲ အရာန်းမ်မွတ်လ္လာဟ် အဖြစ်ဖော်ပြထားပါသည်။ (17) ထိုနည်းတူစွာ အေမာမ် ခိုမေနီ အနေဖြင့် တမန်တော်မြတ် (ဆွ) ၏ ဟေဂျရသ် ပြုသည့်နေ့ ၊ မက္ကာဟ်မြို့၏ အောင်ပွဲခံသည့်နေ့ ၊ စဖီးန် စစ်ပွဲနေ့ ၊ ငလျင်လှုပ်ခြင်း၊ ရေကြီးခြင်းစသည် နေများ သည် လူသားများ အား သတိအသိပေးရန် ပါရှိသည့် အတွက် ၎င်းရက်များ ကို အရာန်းမ်မွတ်လ္လာဟ် မှဟု ဆိုထားပါသည်။ (18) ဤသို့ဖြင့် ပြော နိုင်သည်မှာ အရာန်းမ်မွတ်လ္လာဟ် သည် ဤဖော်ပြပါ ကိစ္စများ အတွက် သီးသန့် သာ မဟုတ်ဘဲ အခြား စံနမူနာ များလည်း ရှိသေးကြောင်း ဖြစ်ပါသည်။ (19)

အီရန် အစ္စလာမ်မစ်တော်လှန် ရေး၏ အရာန်းမ်မွတ်လ္လာဟ်

အီရန်အစ္စလာမ်မစ်ပြည်သူ့ သမ္မတနိုင်ငံကို တည်ထောင်သူ အီမာမ်ခိုမေနီ က အီရန် အစ္စလာမ်မစ် တော်လှန် ရေး ၏အချို့ အရေးကြီး နေ့ရက်များ အဖြစ် သတိရထားပါသည်။ အီရန်လ ဘဲဟ်မန်လ ၊ ၂၂ရက် ၊၁၃၅၇ ခုနှစ် သည် အစ္စလာမ်မစ်တော်လှန်ရေး အောင်ပွဲခံသည့် နေ့ဖြစ်ပါသည်။ (20) အီရန်လ ရှဲဟ်ရီဝရ် လ ၊ ၁၇ ရက် ၊၁၃၅၇ ခုနှစ် သည် အီရန် အစ္စလာမ်မစ်တော်လှန်ရေး ကို ဦးဆောင်ခဲ့သည့်နေ့ ၊ အီရန်လ ခိုရ်ဂါဒ် လ ၊ ၁၅ ရက် ၊၁၃၅၇ ခုနှစ် သည် အီရန် အစ္စလာမ်မစ် တော်လှန်ရေး အတွက် အုံကြွ မှုဖြစ်ပွားသည့်နေ့ စသည်ဖြင့် နေ့များ အရာန်းမ်မွတ်လ္လာဟ် ဖြစ်ပါသည်။ (21) အေမာမ် ခိုမေနီ ၏ အဆိုအရ အရာန်းမ်မွတ်လ္လာဟ် အတွင်း ဖြစ်ပျက်ခဲ့သည့် ကိစ္စများ သည် သမိုင်း တစ်လျှောက် လူသားများ အတွက် မှတ်သားစရာများ နှင့် နိုးကြားမှုကို ဖြစ်စေပါသည်။ ဤသက်သေ အထောက်အရ မလွဲမသွေ ရှင်သန် အောင် ထိန်းသိမ်းရမည် ဟုဆိုပါသည်။ (22)