ဟဇရသ် မအ်စူမဟ် (စ.အ)

ဟဇရသ် မအ်စူမဟ် (စ.အ) ဂူဗိမာန်တော်

ဟဇရသ် မအ်စူမဟ် (စ.အ) (အရဘီ : السيدة فاطمة المعصومة سلام الله عليها) ၊ အမည်ရင်း ဖွာတွေမဟ် ၊ အေမာမ် ကာဇင်းမ် (အ.စ) ၏ သမီးတော် နှင့် အေမာမ်ရေဇာ (အ.စ) နှမတော် ဖြစ်ပါသည်။သခင်မသည် အေမာမ် ကာဇင်းမ် (အ.စ) ၏ အကောင်းတကာ အကောင်းဆုံး သမီးတော် အဖြစ် လူသိများပြီး အေမာမ် ကာဇင်းမ် (အ.စ) ၏ သားသမီးများ အကြားတွင် အေမာမ် ရေဇာ(အ.စ) ပြီးနောက် သခင်မ နှင့် အဆင့်တူ၊ ဂုဏ်တူသူ၊ မရှိဟုဆိုပါသည်။ သမိုင်းအရင်းအမြစ်များ တွင် ဟဇရသ် မအ်စူမအ် (စ.အ) ၏ အတ္ထုပ္ပတ္တိ နှင့် မွေးဖွားသည့်နေ့ရက် ၊ ဝဖာသ်ဖြစ်သည့် နေ့ရက်များ အပါအဝင် သတင်း အချက်အလက်များ စွာ မရှိချေ။ သခင်မကြီး ၏အိမ်ထောင်ရေး ကိစ္စ နှင့်ပတ်သက်ပြီး သတင်းသိပ်မရှိ ပေမဲ့ အိမ်ထောင်မပြုခဲ့ ကြောင်း သည် ကျော်ကြား ပါသည်။

မအ်စူမဟ် (စ.အ) ၊ ကရီးမေဟ် အဲဟ်လေ့ဘိုက်(သ) (စ.အ) တို့သည် အေမာမ် ကာဇင်းမ် (အ.စ) ၏ သမီးတော် ဖွာတွေမဟ် (စ.အ) ၏ ကျော်ကြားသည့် ဘွဲ့တော်များ ဖြစ်ပါ သည်။ ဟဒီးစ်တော် တစ်ခု အရ အေမာမ် ရေဇာ (အ.စ) သည် သခင်မအား မအ်စူမဟ် (စ.အ) ဟု အမည်ပေးခဲ့ကြောင်းသိရှိရပါသည်။

ဟဇရသ် မအ်စူမဟ် (စ.အ) သည် မိမိ အစ်ကို အေမာမ် ရေဇာ (အ.စ) ၏ မေတ္တာ ရပ်ခံချက် နှင့် အေမာမ် ကိုတွေ့ရန် အတွက် ဟီဂျရီ ၂၀၁ခုနှစ်တွင် မဒီနာ မြို့ မှ အီရန် နိုင်ငံဘက်သို့ ခရီး ထွက် တော်မူခဲ့ပါသည်။ သို့သော် လမ်းခရီးတွင် နာမကျန်းဖြစ်ပြီး ကွမ်းမြို့သူ ၊မြို့သားများ ၏ မေတ္တာရပ်ခံ ချက်အရ ထိုမြို့သို့ သွား၍ မူစာဘင်န် ခဇရဂျ် ၏ အိမ်တွင် အခြေချနေထိုင်ပြီး ၁၇ ရက်အကြာတွင် အလ္လာဟ့်အမိန့်ခံခဲ့ပါသည်။ သခင်မ၏ ရုပ်ကလပ်တော် အား ဘာဘလန်(န) (ယခုဂူဗိမာန်တော်) တွင် မြှုပ်နှံခဲ့ ပါသည်။ (အကျော်အမော်သုတေသီ) ဆယက်ဒ် ဂျအ်ဖရ် မိုရ်သဇါ အာမိုလီ အနေဖြင့် ဟဇရသ် မအ်စူမဟ် (စ.အ) သည် စာဝေဟ် မြို့ တွင် အဆိပ်ခတ် ခံရ၍ ရှဟီးဒ် ဖြစ်ခဲ့ ကြောင်း ယုံကြည် ထားသူ ဖြစ်ပါသည်။

ရှီအဟ်များ အနေဖြင့် ဟဇရသ် ဖွာတွေမဟ် မအ်စူမအ် (စ.အ) အား ကြီးကျယ် မြင့်မြတ် သူအဖြစ်လက်ခံပြီးလေးစားကြပါသည်။ သခင်မကြီး၏ ဇေယာရသ် အား အလေးပေး အလေးထားကြပါသည်။ သခင်မ၏ သည် ရှီအဟ်များ အတွက် ရှဖာအသ် (အသနားခံလျှောက် ထားခြင်း) ကို ပြုမည့် အကြောင်း ၊ သခင်မကြီး ၏ ဇေယာရသ် ၏ ဆုလာဒ် မှာ ဂျန္နသ် ဖြစ်ကြောင်း ရီဝါယသ်တော်များ တွင် ဆင့်ပြန်ချက် များ လာရှိပါ သည်။ ဟဇရသ် ဇဲဟ်ရာ (စ.အ) ပြီးနောက် အေမာမ် များ (အ.စ) ဘက်မှ ဇေယာရသ် နာမေ (ဇေယာရသ်ဖတ်ရသည့် စာသား၊စာပိုဒ်များ) လာရှိသည့် တစ်ဦး တည်း သော အမျိုးသမီးဖြစ်ပါသည်။

ဟဇရသ် မအ်စူမဟ် (စ.အ) ၏ အကြောင်း အသေးစိတ်အချက်အလက်များ

ဇဘီးဟွလ္လာဟ်မဟလာသီ အနေဖြင့် ရေယာဟီးနိုရှ်ရှရီအဟ် စာအုပ် တွင် ဟဇရသ် မအ်စူမဟ် (စ.အ) ၏ ဘဝ နှင့်ပတ်သက်ပြီး အချက်အလက်များ စွာ မရှိ ကြောင်း ရေးသားထားပါသည်။ သခင်မကြီး (စ.အ) ၏ မွေးနေ့ ၊ ဝဖာသ်နေ့ ၊ ဘဝသက်တမ်း ၊ မဒီနာ မြို့တော် မှ ဘယ်အချိန် ထွက်လာကြောင်း အေမာမ်ရေဇာ (အ.စ) ၏ ရှဟာဒသ် မဖြစ်ခင် ဝဖာသ် ဖြစ်ခဲ့တာလား? သို့မဟုတ် နောက်မှ ဝဖာသ် ဖြစ်ခဲ့တာလား ? သမိုင်း တွင် မှတ်တမ်း တင်ခြင်း မရှိကြောင်း ဖြစ်ပါသည်။

မျိုးရိုး

အေမာမ် ကာဇင်းမ် (အ.စ) ၏ သမီးတော် နှင့် အေမာမ် ရေဇာ (အ.စ) ၏ နှမတော် ဖွာတွေမဟ် (စ.အ) ဘွဲ့အား ဖြင့် မအ်စူမဟ် (စ.အ) ဖြစ်ပါသည်။ ရှိက်ခ် မိုဖီးဒ် အနေဖြင့် အလ်အေရ်ရှာဒ် ဆိုသည့် စာအုပ်တွင် အေမာမ် ကာဇင်းမ် (အ.စ) သမီးတော်များ တွင် သမီးတော် နှစ်ပါး ၏ အမည် မှာ ဖွာတွေမဟ် ကိုဗ်ရာ နှင့် ဖွာတွေမဟ် စိုဂ်ရာ ဆို ပြီး ရှိကြောင်း သို့သော် မည်သည့် တစ်ပါး သည် မအ်စူမဟ် ဖြစ်ကြောင်း မဖော်ပြထားကြောင်း လာရှိပါသည်။ အဲဟ်လေ့စွန္နသ် အိုလမာ မှ ပညာရှင် တစ်ပါး ဖြစ်သည့် အစ်‌ဗ်‌နေဂျောင်ဇီ ဟီဂျရီ ၅ ရာစု အနေဖြင့် အေမာမ် ကာဇင်းမ် (အ.စ) ၏ သမီးတော် မှာ ဖွာတွေမဟ် အမည် ဖြင့် လေးပါး ရှိကြောင်း ဆိုထားပါသည်။ သို့သော် မည်သည့် သမီးတော် သည် မအ်စူမဟ် ဖြစ်ကြောင်း ကို ၎င်းအနေဖြင့်လည်း ဖော်ပြထားခြင်း မရှိချေ။ ဒလာအေလ်လိုလ်အေမာမဟ် ကို ရေးသား ထားသည့် မိုဟမ္မဒ် ဘင်န် ဂျရီးရ် ၏အဆိုအရ ဟဇရသ် မအ်စူမဟ် ၏ မိခင်မှာ နဂျ်မဟ်ခါသွန် ဖြစ်ပြီး အေမာမ်ရေဇာ (အ.စ)၏ မိခင်လည်း ဖြစ်ကြောင်း ဖြစ်ပါ သည်။

မွေးသည့်နေ့ရက် နှင့် ဝဖာသ် ဖြစ်သည့်နေ့ရက်

ရှေးကျသည့် ရှီအဟ် အရင်းအမြစ်များအရ သခင်မကြီး ၏ မွေးသည့်နေ့ရက် နှင့် ဝဖာသ် ဖြစ်သည့်နေ့ရက် ကို ဖော်ပြထားခြင်းမရှိချေ။ ရေဇာအွတ်စ်သာဒီ ၏ အဆိုအရ သခင်မကြီး ၏ မွေးသည့်နေ့ရက် နှင့် ဝဖာသ် ဖြစ်သည့်နေ့ရက် ကို ပထမဆုံး ဖော်ပြထားသည့် စာအုပ်မှာ ဂျဝါဒ် ရှားဟ် အဗ်ဒိုလ်အဇီးမီ ရေးသားထား သည့် နူးရိုလ်အာဖာက် ဖြစ်ကြောင်း ဟီဂျရီ ၁၃၄၄ ခုနှစ်တွင် ပုံနှိပ် ထုတ်ဝေ ခဲ့ကြောင်း ဖြစ်ပါသည်။ ဤစာအုပ် အတွင်း ဟဇရသ် မအ်စူမဟ် (စ.အ) မွေးရက်နေ့ အား ဇေလ်ကိုင်ဒဟ်လ ၁ ရက်နေ့ ဟီဂျရီ ၁၇၃ ခုနှစ် ဖြစ်ကြောင်း ၊ ဝဖာသ်နေ့ရက် မှာ ရဘီအွတ်စ်စာနီ ၁၀ ရက်နေ့ ဟီဂျရီ ၂၀၁ ခုနှစ် ဖြစ်ကြောင်း ဖော်ပြထားပြီး ဤစာအုပ်မှ အခြား စာအုပ်များ မှ ကူးယူ ဖော်ပြထားကြောင်း သိရှိရပါသည်။ သို့သော် အချို့ အိုလမာ အနေဖြင့် ပမာအားဖြင့် အာယာသွလ္လာဟ် မရ်အရှီ နဂျဖီ အာယာသွလ္လာဟ် ရှိုဘိုင်းရီ ဇာန်ဂျာနီ ရေဇာ အွတ်စ်သာဒီ ဇဘီးဟွလ္လာဟ်မဟလာသီ တို့သည် ရှားဟ် အဗ်ဒိုလ်အဇီးမီ နှင့် သဘောထား မတူကြဘဲ ဖော်ပြထားသည့် နေ့ရက်များ သည် အတုဟု ယူဆကြပါသည်။

အီရန် အစ္စလာမ်မစ် ပြည်သူ့ သမ္မတ နိုင်ငံ ၏ တရားဝင် ပြက္ခဒိန် တွင် ဇေလ်ကိုင် ဒဟ်လ ၁ ရက်နေ့ ကို သမီးနေ့ အဖြစ် အမည်ပေးသတ်မှတ်ထားပါသည်။

ဘွဲ့တော်များ

အေမာမ် ကာဇင်းမ် (အ.စ) ၏သမီးတော် ဖွာတွေမဟ် (စ.အ) ၏ ကျော်ကြားသည့် ဘွဲ့တော်များ မှာ မအ်စူမဟ်(စ.အ) ၊ ကရီးမေဟ် အဲဟ်လေ့ဘိုက်(သ) (စ.အ) ဖြစ်ပါ သည်။ ရီဝါယသ်တော် တစ်ခု ၏ ဆင့်ပြန်ချက် အရ မအ်စူမဟ် ဆိုသည့် ဘွဲ့အမည်ကို အေမာမ် ‌ရေဇာ (အ.စ) ပေးခဲ့ကြောင်း သိရှိရပါသည်။ မိုဟမ္မဒ် ဘာကဲရ် မဂျ်လေစီ ရေးသားထားသည့် ဇာဒိုလ်မေအာဒ် စာအုပ်လာ ရီဝါယသ်တော် အရ အေမာမ် ရေဇာ (အ.စ) မှ သခင်မကြီး အား မအ်စူမဟ် အမည်ဖြင့် ခေါ်ခဲ့ကြောင်း ဖော်ပြထားပါသည်။

ဖွာတွေမဟ် မအ်စူမဟ် (စ.အ) အား ယနေ့ အချိန်အခါတွင် ကရီးမေဟ် အဲဟ်လေ့ ဘိုက်(သ) (စ.အ) ဟုလည်း ခေါ်ဆို ပါသည်။ ဤဘွဲ့တော် အား အာယာသွလ္လာဟ် ဆယက်ဒ် မရ်အရှီနဂျဖီ ၏ ဖခင် ဆယက်ဒ် မဲဟ်မူဒ် မရ်အရှီ နဂျဖီ မှ ခိုင်လုံသည့် အထောက်အထားဖြင့် အိမ်မက်တွင် အေမာမ် ၁၂ပါး (အ.စ) မှ တစ်ပါးပါးသည် ဟဇရသ် မအ်စူမဟ် (စ.အ) အား ကရီးမေဟ် အဲဟ်လေ့ ဘိုက်(သ) (စ.အ) ခေါ်ဆို သည်ဟု မြင်မက်ကြောင်း သိရှိရပါသည်။

အိမ်ထောင်ရေး

ရေယာဟီးနိုရှ်ရှရီအဟ် ကျမ်းအရ ဟဇရသ် မအ်စူမဟ် (စ.အ) အိမ်ထောင်ပြု ခဲ့ သလား ? (သို့မဟုတ်) မပြုခဲ့သလား? သားသမီး ရှိ မရှိဆိုတာ မသိရချေ။ သို့သော် ကျော်ကြား သည်မှာ သခင်မကြီး (စ.အ) အနေဖြင့် လုံးဝ အိမ်ထောင်မ ပြုခဲ့ကြောင်း ဖြစ်ပါသည်။ အိမ်ထောင် မပြုရသည့် အထောက်အထား ကိုလည်း ဖော်ပြထားပါသည်။ပမာ အားဖြင့် သခင်မကြီး နှင့် ဘက်ညီပြီး ထိုက်တန်သူ မရှိသည့် အတွက်ကြောင့် ဖြစ်ကြောင်း ဖြစ်ပါသည်။ ထိုနည်းတူစွာ ဟီဂျရီ ၃ ရာစုနှစ် ၏ သမိုင်း ပညာရှင် ယအ်ကူဘီ မှ ရေးသားထားသည်မှာ အေမာမ် ကာဇင်းမ် (အ.စ) သေတမ်းစာ မှာခဲ့ပါသည်။ ထိုသေတမ်းစာ မှာ မိမိ၏ မည်သည့် သမီးတော်ကို မှ အိမ်ထောင်မပြုရန် ဟုဖြစ်ပါသည်။ သို့သော် ဤ သေတမ်းနှင့်ပတ်သက်ပြီး စောဒက တက်ချက်လာ ရှိပါသည်။ ကိုလိုင်နီ အနေ ဖြင့် ကာဖီ ကျမ်း တွင် အေမာမ် ကာဇင်းမ် (အ.စ) ထံမှ ဆင့်ပြန်ထားသည်ဤကဲ့သို့သော် သေတမ်းစာ အကြောင်း ကို တင်ပြထားခြင်း မရှိကြောင်း သိရှိရပါသည်။ အချို့ သုတေသီများ သည် ဟဇရသ် မအ်စူမဟ် (စ.အ) သခင်မကြီး ညီအစ်မများ အိမ်ထောင်မပြုသည့် အကြောင်း မှာ အဘာစီ အစိုးရ အထူးသဖြင့် ဟာရွန် နှင့် မာအ်မွန် တို့ လက်ထက်တွင် ပြင်းထန်သည့် အကြပ်အတည်း အခက်အခဲများ ကြောင့် ဟု ဆိုထားပါသည်။

အီရန်ခရီးစဥ် ၊ ကွမ်းမြို့သို့ ဝင်ရောက်ခြင်း နှင့် အလ္လာဟ့် အမိန့် ခံယူတော်မူခြင်း

ကွမ်းသမိုင်း စာအုပ်အရ ဟဇရသ် မအ်စူမဟ် (စ.အ) သည် ဟီဂျရီ ၂၀၁ခုနှစ် တွင် မိမိအစ်ကို အေမာမ် ရေဇာ (အ.စ) အားတွေ့ရန် မဒီနာ မြို့ မှ အီရန် သို့ ခရီးထွက်ခဲ့ ပါသည်။ ရှီအဟ် သမိုင်းပညာ ရှင် ဘာကဲရ် ကရရှီ အနေဖြင့် “ ဂျဝဟေရိုလ် ကလာမ် ဖဖီ မဒ်ဟေဟွန်စ်စာဒသိုလ်အအ်လာမ် “ စာအုပ် မှ ကိုးကားပြီး ဟဇရသ် မအ်စူမဟ် (စ.အ) ၏ အီရန် သို့ ခရီး ထွက်လာရသည့် အကြောင်းရင်း မှာ အေမာမ် ရေဇာ (အ.စ) သည် မိမိ အနီး အနားသို့လာရန် ခိုရာစာန် သို့ ခရီးသွားဖို့ မေတ္တာ ရပ်ခံထားသည့် စာ ကြောင့် ဟု ဖော်ပြထားပါသည်။ ထိုအချိန် အေမာမ် ရေဇာ (အ.စ) သည် အဘာစီ ခလီဖဟ် (ဘုရင်) မာအ်မွန် ၏ အိမ်ရှေ့ မင်းသား ဖြစ်ပြီး ခိုရာစာန် တွင် သီတင်းသုံးနေထိုင်ခဲ့ပါသည်။ ဟဇရသ် မအ်စူမဟ် (စ.အ) လမ်းခရီးတွင် မကျန်း မမာဖြစ် ဖျားနာပြီး အလ္လာဟ့် အမိန့်တော် ခံယူသွားပါသည်။ အကျော် အမော်သုတေသီ) ဆယက်ဒ် ဂျအ်ဖရ် မိုရ်သဇါ အာမိုလီ ၏ အဆိုအရ ဟဇရသ် မအ်စူမဟ် (စ.အ) သည် စာဝေဟ် မြို့ တွင် အဆိပ်ခတ် ခံရ၍ ရှဟီးဒ် ဖြစ်ခဲ့ ပါသည်။ ကွမ်းသို့ သခင်မကြီး သွားရသည့် အကြောင်းအရင်း နှင့်ပတ်သက်ပြီး တင်ပြ ချက် နှစ်ခု လာရှိပါသည်။ ပထမ တင်ပြချက် အရ သခင်မကြီး စာဝေဟ် ရောက်သည့် အချိန် နေမကောင်း ဖြစ်သွားပါသည်။ ထိုအခါ သခင်မကြီးမှ မိမိ ၏ ခရီး အတူ သွားဖော် များကို ကွမ်းသို့ခေါ် သွား ဖို့ တောင်းဆိုခဲ့ပါသည်။ ဒုတိယ တင်ပြချက် အရ ကွမ်းသမိုင်း စာအုပ် ရေးဆရာမှ ပိုမိုပြီးမှန်ကန် သည် ဟုလက်ခံ ထားပါ သည်။ထိုအချက်မှာ ကွမ်း မြို့သူ ၊ မြို့သား များ မှ သခင်မကြီး အား ကွမ်းမြို့ သို့ လာရန် မေတ္တာ ရပ်ခံ သည်ဟု ဖြစ်ပါသည်။

ဟဇရသ် မအ်စူမဟ် (စ.အ) သည် မူစာဘင်န် ခဇရဂျ် ၏ အိမ်တွင် အခြေချနေထိုင်ပြီး ၁၇ ရက်အကြာတွင် အလ္လာဟ့်အမိန့်ခံခဲ့ ပါသည်။ သခင်မ၏ ရုပ်ကလပ်တော် ဘာဘလန်(န) (ယခုဂူဗိမာန်တော်) တွင် မြှုပ်နှံခဲ့ပါသည်။

ရှီအဟ်များ ၏ အမြင်တွင် သခင်မကြီး ၏ ဂုဏ်အဆင့်ရာထူး

" ဂျန္နသ်သုခဘုံသည် ဟဇရသ် မအ်စူမဟ် (စ.အ) ၏ ဇေယာရသ် ကို ၎င်း ၏ မအ်‌ရေဖသ် နှင့် အတူ ပြုသူအတွက် ဆုလာဘ် ဖြစ်ပါသည်။ " အေမာမ် ရေဇာ(အ.စ)

ရှီအဟ် အိုလမာ အနေဖြင့် သခင်မကြီး ဖွာတွေမဟ် မအ်စူမဟ် (စ.အ) အတွက် မြင့်မား သည့်နေရာ ပိုင်ရှင် အဖြစ် လက်ခံ ယုံကြကည်ကြပါသည်။ သခင်မကြီး ၏ ဂုဏ်အဆင့်နေရာ နှင့် ဇေယာရသ် ၏ အရေးကြီးမှုနှင့် ပတ်သက်ပြီး ရီဝါယသ် တော်များ လာရှိပါသည်။ အလာမာ မဂျ်လေစီ အနေဖြင့်‌ ဘေဟာရိုလ်အန်နဝါရ် ကျမ်း မှ အေမာမ် ဂျအ်ဖရ် ဆွာဒစ်က် (အ.စ) ထံ တော် ဟဒီးစ်တော် တစ်ပါး ကို ဆင့်ပြန် ထားပါသည်။ ၎င်း ဟဒီးစ်တော် အရ ရှီအဟ်များ အားလုံး သည် ဟဇဇရသ် မအ်စူမဟ် (စ.အ) ၏ ရှဖာအသ် (အလ္လာဟ်ထံ အသနားခံလျှောက်ထားခြင်း) ဖြင့် ဂျန္နသ်သုခဘုံ တွင် ဝင်ရောက် ကြရမည် ဖြစ်ပါသည်။ ဟဇရသ် ဖွာတွေမဟ် မအ်စူမဟ် (စ.အ) ၏ ဇေယာရသ်နာမေ ၏ အစိတ်အပိုင်း တစ်ခုတွင်လည်း အလ္လာဟ်ဟို အရှင်မြတ်၏ အနီးတွင် သခင်မကြီး ၏ ဂုဏ်အဆင့်အတန်း သည် သက်သေ အဖြစ်လာရှိပါသည်။ သခင်မကြီးထံ ရှဖာအသ် အတွက် မေတ္တာ ရပ်ခံ ထားချက် လာရှိပါသည်။

၁၄ရာစု ၏ ရေဂျာလ် အိုလမာ မှ တစ်ပါး ဖြစ်သည့် မိုဟမ္မဒ်သကီ ရှိုရှ်သရီ အနေဖြင့် ကာမူစ်စိုရ်ရေဂျာ ကျမ်းတွင် ရေးသားထားပါသည်။ အေမာမ် ကာဇင်းမ် (အ.စ) ၏ သားသမီး များ တွင် အေမာမ် ရေဇာ (အ.စ) ပြီးနောက် သခင်မကြီး မအ်စူမဟ် (စ.အ) အဆင့်တူ တန်းတူ မည်သူမျှမရှိချေ။ ရှိက်ခ်အဘာစ် ကွမ်းမီ အနေဖြင့် လည်း သခင်မ ကြီး (စ.အ) သည် မူစင်ဘင်န် ဂျအ်ဖရ် (အ.စ) ၏ သမီးတော်များ တွင် အကောင်း တကာ အကောင်းဆုံး သမီးတော် ဖြစ်ကြောင်း ယုံကြည် ထားပါသည်။ ၎င်းမှဆက်လက်ပြီး ဟဇရသ် မအ်စူမဟ် (စ.အ) ကို အေမာမ် ဇါဒေများ (အေမာမ် ၏ သားတော်မြေးတော်များ ) တွင် ဂျလီလိုလ်ကဒ်ရ် (အလ္လာဟ်ချီး မြှောက်ထားခြင်းခံရသူ) ဖြစ်ကြောင်း အေမာမ် ကာဇင်းမ် (အ.စ) သားသမီးများ မှ တစ်ပါး ဖြစ်သည်မှာ သေချာကြောင်း လက်ရှိ ဟရာမ် (ဂူဗိမာန်) တွင် သခင်မကြီး ကို သေချာ ပေါက် မြှုပ် ထားသည့် ဖြစ်ကြောင်း ဆိုထားပါသည်။

အေမာမ်ဆွာဒစ်က် (အ.စ) ၊ အေမာမ် ကာဇင်းမ် (အ.စ) နှင့် အေမာမ် ဂျဝါဒ် (အ.စ) တို့ ထံ မှ ရီဝါယသ် ဆင့်ပြန်ချက်များလာရှိပါသည်။ ဂျန္နသ်သုခဘုံသည် အေမာမ် ကာဇင်းမ် (အ.စ) ၏ သမီးတော် အား ဇေယာရသ် ပြုသူအတွက် ဆုလာဘ် ဖြစ်ပါသည်။ သို့သော် အချို့ ရီဝါယသ်တော်များ အရ ) နှင့် အေမာမ် ဂျဝါဒ် (အ.စ) တို့ ထံ မှ ရီဝါယသ် ဆင့်ပြန်ချက်များလာရှိပါသည်။ ဂျန္နသ်သုခဘုံသည် သခင်မကြီး မအ်စူမဟ် (စ.အ) ၏ ဇေယာရသ် ကို သခင်မကြီး၏ မအ်‌ရေဖသ် (သခင်မကြီးကို သိရှိနားလည်ပြီး သခင်မကြီး၏အမိန့်တော်များ ကိုလက်တွေ့လိုက်နာ ကျင့်သုံးခြင်း) နှင့် အတူ ပြုသူအတွက် ဆုလာဘ် ဖြစ်ပါသည်။ ဟု လာရှိပါသည်။ ဇင်ဒဂါနီ ကရီးမေဟ် အဲဟ်လေ့ဘိုက်(သ) (စ.အ) စာအုပ်ကို ရေးသားသူ မှ မဲဟ်မူဒ် အန်ဆွာရီ ကွမ်းမီ ( အီရန်သက္ကရာဇ် ၁၃၇၇ ခုနှစ် ကွယ်လွန် ) ထံ မှတဆင့် ၊ ၎င်းမှ ရှီအဟ် အာလင်မ် တစ်ပါးဖြစ်သည့် ဆယက်ဒ် နစရိုလ္လာဟ် မွတ်စ်သန်ဘေသွ် ( အီရန်သက္ကရာဇ် ၁၃၆၄ ခုနှစ် ကွယ်လွန် ) ထံ မှတဆင့် ၊ ဆင့်ပြန် တင်ပြထားပါသည်။ ဟီဂျရီ ၉ ရာစု ရှီအဟ် အာလင်မ် ဆွာလေဟ် ဘင်န် အရ်နဒစ် ဟစ်လီ လက်ရေး ဖြင့်ရေးသားထားသည့် ကရှ်ဖိုလ်လယာလီ ဟဒီးစ်တော်တစ်ပါးလာရှိပါသည်။ ထို ဟဒီးစ် တော် တွင် အေမာမ် ကာဇင်းမ် (အ.စ) မှ ဟဇရသ် မအ်စူမဟ် (စ.အ) အား ဖဒါဟာအဘူဟာ ၊ فَداها اَبوها (သူမအဖေသူမှအတွက် စတေးမည်။) ဟုမိန့်တော်မူ ထား ပါသည်။ ဤရီဝါယသ် အရ အေမာမ် ကာဇင်းမ် (အ.စ) အနေဖြင့် ဖဒါဟာအဘူဟာ ဆိုသည့် ဤဝါကျအား မိမိ မရှိသည့်အခါ ရှီအဟ်များ ၏မေးမြန်းချက်များ ကို မှန်ကန်သည့် အဖြေများ ကို သခင်မကြီးမှ ဖြေပေးတော်မူ သည့် အတွက်ကြောင့် မိန့်ကြားခဲ့ခြင်း ဖြစ်ပါသည်။ ဇင်ဒဂါနီ ကရီးမေဟ် အဲဟ်လေ့ဘိုက်(သ) (စ.အ) စာအုပ်ကို ရေးသားသူ မှ ဤ ဟဒီးစ်တော် အား ဤဆင့်ပြန် သည့် စာအုပ်မှ အပ အခြားမည်သည့် ဟဒီးစ် စာအုပ်များတွင် မလာရှိ ကြောင်း ပြောကြားထားပါသည်။

ဇေယာရသ်နာမေဟ် (ဇေယာရသ် တွင်ဖတ်ရသည့် စာသားများ)

အလာမာ မဂျ်လေစီ အနေဖြင့် ဇါဒ်ဒိုလ်အေမါဒ် ၊ ဘေဟာရိုလ်အန်နဝါရ် နှင့် သိုဟ်ဖသွန်ဇ်ဇါအေရ် စာအုပ်များတွင် အေမာမ်ရေဇာ (အ.စ) ထံတော်မှ ဆင့်ပြန်ထား သည့် ဟဇရသ် ဖွာတွေမဟ် မအ်စူမဟ် (စ.အ) အတွက် ဇေယာရသ် နာမေဟ် (ဇေယာရသ် တွင်ဖတ်ရသည့် စာသားများ) ကို တင်ပြထားပါသည်။ သို့သော် ၎င်းအနေဖြင့် သိုဟ်ဖသွန်ဇ်ဇါအေရ် စာအုပ် တွင် ဇေယာရသ် နာမေဟ် ကိုတင်ပြ ပြီးနောက် စာသားများသည် အေမာမ် ရေဇာ (အ.စ) ၏ ဟဒီးစ်တော် မဟုတ်ဘဲ အိုလမာ ဘက်မှ ထည့်သွင်းထားခြင်း ဖြစ်နိုင်ချေ ရှိကြောင်း တင်ပြ ထားပါ သည်။ ဆင့်ပြန်ချက် လာရှိသည်မှာ အမျိုးသမီးများတွင် ဟဇရသ် ဇဲဟ်ရာ (စ.အ) နှင့် ဟဇရသ် မအ်စူမဟ် (စ.အ) သခင်မကြီး နှစ်ပါးသာလျင် ဇေယာရသ်နာမေဟ် မအါစူရ် ( မအ်စူမ်(အ.စ) ဘက် သွန်သင်ချက်ဖြင့်ရေးသားထား သည့်ဇေယာရသ် စာသားများ ) လာရှိကြောင်း သိရှိရပါသည်။

ဟဇရသ် မအ်စူမဟ် ၏ ဂူဗိမာန်တော်

အစပိုင်းတွင် ဟဇရသ် ဖွာတွေမဟ် မအ်စူမဟ် (စ.အ) ကဘဲရ် ပေါ်တွင် အမိုးအကာ တစ်ခု နှင့် ကွန်ပသ်တော် (အမိုးခုံး) သာတည်ဆောက်ထားပါသည်။ သခင်မကြီး ၏ ကဗဲရ် တော်ရှိနေရာ ကို တနေ့ တစ်ခြား ချဲ့ထွင်လာရာ ယနေ့ အချိန်အခါတွင် အီရန် နိုင်ငံ တွင် အေမာမ် ရေဇာ (အ.စ) ၏ ဂူဗိမာန် ပြီးနောက် အကြီးဆုံး ဂူဗိမာန် ဖြစ်လာပါသည်။ ဟဇရသ် မအ်စူမဟ် (စ.အ) ၏ အာစ်သာနဟ် (ဗိမာန်) သည် သခင်မကြီး ဂူဗိမာန် တော် ၊ အဆောက်အဦးများ၊ ရင်ပြင်တော်များ ၊အုပ်ချုပ်ရေး အဖွဲ့အစည်းများ ဖြင့် ဖွဲစည်းထားပြီး အများစု မှာ ကွမ်းမြို့တွင် တည်ရှိပါသည်။

သခင်မကြီး မအ်စူမဟ်(စ.အ) အားအောက်မေ့သည့် ညီလာခံ

အီရန် သက္ကရာဇ် ၁၃၈၄ ခုနှစ်တွင် “ ဟဇရသ် ဖွာတွေမဟ် မအ်စူမဟ် (စ.အ) ၏ ကိုယ်ရည်ကိုယ်သွေးများကို ဂုဏ်ပြုသည့် ညီလာခံ နှင့် ကွမ်းမြို့ ၏ ဘာသာရေး ဆိုင်ရာ နေရာများ “ ဆိုသည့် ခေါင်းစဥ် ဖြင့် သခင်မကြီး ဂူဗိမာန် ၏ ဂေါပက လူကြီး ဖြစ်သူ အလီအက္က်ဘဲရ် မက်စ်အူဒီ ခိုမေနီ ၏ အမိန့် ဖြင့် ကျင်းပခဲ့ပါသည်။ ဤ ညီလာခံ အား သခင်မကြီး ဟဇရသ် မအ်စူမဟ် (စ.အ) ၏ ဂူဗိမာန် ပရဝဏ် တွင် ကျင်းပ ခဲ့ပါသည်။ အာယာသွလ္လာဟ် အလ်အွဇ်မာ ကြီးများ ဖြစ်ကြသည့် နာစေရ် မကာရေမ် မို ရှီးရာဇီး ၊ အဗ်ဒိုလ္လာဟ် ဂျဝါဒ် အာမိုလီ တို့ မှ တရား ရေအေးများ တိုက်ကျွေး ခဲ့ကြပါသည်။ ညီလာခံ အတွင်းရေးမှူးဖြစ်သူ အဲဟ်မဒ် အာဗေဒီ အနေဖြင့် ညီလာခံ ကိုအကြောင်းပြုပြီး ဟဇရသ် မအ်စူမဟ် (စ.အ) ၊ သခင်မကြီး ဂူဗိမာန် တော် ၊ဟောင်ဇေအေလ်မီယေ ကွမ်း ၊ အစ္စလာမ်မစ်တော်လှန်ရေး ခေါင်းစဥ် များဖြင့် ညီလာခံ မှ စာအုပ် ပေါင်း ၅၄ အုပ် ထုတ်ဝေကြောင်း ကြေညာခဲ့ပါသည်။