လေဝါသွ်

ဤဆောင်းပါးသည် တရားစီရင်ရေးဆိုင်ရာ အယူအဆတစ်ခုအကြောင်း ဖော်ပြသည့် ဆောင်းပါးဖြစ်ပြီး ဘာသာရေးဆိုင်ရာ ကျင့်ထုံးများအတွက် စံသတ်မှတ်ချက်တစ်ခု မဟုတ်ပါ။ ဘာသာရေး အလေ့ အကျင့်များ အတွက် အခြားအရင်းအမြစ်များကိုလေ့လာ ရမည် ဖြစ်ပါသည်။

သောင်ဇီးဟိုလ်မစာအေလ် ကျမ်း

လေဝါသွ် (အရဘီ : اللواط ) ဆိုသည်မှာ အမျိုးသားနှစ်ဦးကြား လိင်ဆက်ဆံခြင်းဖြစ်ပြီး ကဘီးရဟ် ဂိုနာဟ် များ တစ်ခုဖြစ်ပါသည်။ ဟဒီးစ်တော်များ တွင် ဇေနာ (အိမ်ထောင်ရေးဖောက်ပြန်ခြင်း ၊ တရားမဝင် လိင်ဆက် ဆံခြင်း ) ၏ အပြစ်ထက် ကြီးပေသည်။ဓမ္မသတ်ပညာရှင်များ မှ အာယသ်တော်များ နှင့် မအ်စူမီးန် (အ.စ) ၏ ဟဒီးစ်တော် များကို အခြေခံပြီး လေဝါသွ် ကို ဟရာမ် နှင့် (လိင်) ဝင်သွားသည့် အခြေအနေ တွင် သေဒဏ် အဖြစ် သတ်မှတ် ထားပါသည်။ (လိင်) မဝင်သွားသည့် အခြေအနေ တွင် ပြစ်ဒဏ်မှာ ကြိမ်ဒဏ် ၁၀၀ ဖြစ် ပါသည်။

အေမာမ် ၁၂ပါး (အ.စ) ၏ ဟဒီးဆ်တော်များ အရ လေဝါသွ် အားဟရာမ် အဖြစ် သတ်မှတ်ထားရသည့် အကြောင်းရင်းမှာ ကလေးမွေးဖွားခြင်းကို တားဆီးစေပြီး စကြဝဠာ၏ စည်းစနစ်များကို ဖောက်ပြန်ပျက်စီး စေသောသည့် အတွက်ကြောင့် ဖြစ်ပါသည်။ အခြားသော အီဗရာဟီးမီ ဘာသာများ (ဂျူး၊ခရစ်ယာန်၊ အစ္စလာမ် ) နှင့် အစ္စလာမ်မီ တွင်လည်း လေဝါသွ် (ခ) ယောက်ကျားတစ်ယာက်မှ အခြားယောက်ကျားတစ်ဦး ၏ စအို နှင့် လိင် ဆက်ဆံခြင်း ကို ရှုတ်ချတားမြစ်ထားပါသည်။

လေဝါသွ် ၊ ဇေနာ ထက်ကြီးမားသည့် ဂိုနာဟ်

လေဝါသွ် (ခ) ယောက်ကျားတစ်ယာက်မှ အခြားယောက်ကျားတစ်ဦး၏ စအိုနှင့်လိင် ဆက်ဆံခြင်း သည် ဂိုနာဟ် ကဘီးရဟ် ( ကြီးလေးသည့် အပြစ်ကြီးများ) မှ တစ်ခုဖြစ် ပါသည်။ အေမာမ် ဆွာဒဏ်က် (အ.စ) ၏ ဟဒီးဆ်တော်တွင် ဤ အပြစ်သည် ဇေနာ (ခ) အိမ်ထောင်ရေး ဖောက်ပြန်ခြင်း၏ အပြစ်ထက် ကြီးမားသည်ဟု ဖော်ပြထားပါသည်။ အစ္စလာမ့်တမန်တော်မြတ်(ဆွ)၏ ရီဝါဘသ်တော်များ အရ ဤ ပြစ်မှုကျူးလွန်သူသည် အလ္လာဟ်ဟို အရှင်မြတ် ၏ အမျက်ဒေါသ နှင့် လအ်နသ် ကို ခံရမည်ဖြစ်သည်။ ကုရ်အာန် ကျမ်းမြတ် တွင် လေဝါသွ် ကို « မွန်ကရန် » (ရုပ်ဆိုး၊ ယုတ်ညံ့သော) နှင့် « ဖါဟေရှဟ် » (ဗြောင် ကျကျ အပြစ်) ဟုရည်ညွှန်းဖော်ပြထားပါသည်။ လူးသွ်လူမျိုးများသည် ဤ လေဝါသွ် (ခ) လိင်တူ ဆက်ဆံခြင်း ကို ကျူးလွန် ခဲ့ကြသည့် အတွက် ကြိမ်များစွာ အပြစ်တင်ခြင်း ခံခဲ့ရသည်။ ဤလုပ်ရပ် ကြောင့် ၎င်း တို့အပေါ် အလ္လာဟ် ဘက်မှ ပြစ်ဒဏ်ကျခြင်း နှင့် ပျက်စီးခြင်းကို ဖြစ်စေခဲ့ပါသည်။

အဓိပ္ပာယ် ဖွင့်ဆိုချက်

ပိုမို၍ လေ့လာ နိုင်သည့် ဆောင်းပါး - လိင်တူဆက်ဆံမှု

ဖေက်(ဓမ္မသတ်) ဆိုင်ရာ အဓိပ္ပာယ် ဖြစ်ဆိုချက်အရ လေဝါသွ် ဆိုသည်မှာ ယောက်ကျားသားတစ်ဦးသည် အခြားယောက်ကျား တစ်ဦး ၏ စအိုထဲသို့ မိမိ၏ လိင်အင်္ဂါကို ထည့်သွင်းခြင်းဟု သတ်မှတ်သည်။ ရှီအဟ် သာသနာ့ ပညာရှင်တစ်ဦးဖြစ်သည့် အလီ မစ်ရှ်ကီးနီ ၏ အဆိုအရ အချို့သော ဓမ္မသတ် ပညာရှင်များသည် ယောက်ကျား တန်ဆာ ၏ အရေဖျား လှီးဖြတ်သည့်နေရာထက် နည်းပြီး အခြားယောက်ကျား ၏ စအိုထဲ ဝင်ရောက်မှုကို လေဝါသွ်ဟုခေါ်တိုထားကြပါသည်။ အချို့ ဓမ္မသတ် ပညာရှင်များကလည်း လိင်အင်္ဂါသည် စအိုထဲသို့ မဝင်လျှင်ပင် ယောက်ျား နှင့် ယောက်ျားကြား လိင်ဆက်ဆံခြင်းကို လေဝါသွ် ဟု ဆိုကြပါသည်။ အေမာမ် ရေဇာ (အ.စ) ထံ မှ ဆင့်ပြန်ထားသည့် ဟဒီးဆ်တော်အရ လူးသွ် လူမျိုးများသည် လိင်တူ ဆက်ဆံ ခြင်း ၏ အပြစ်ကြီးကို ဦးစွာကျူးလွန်ခဲ့သောကြောင့် ဤလူမျိုး၏အမည်မှ ဤဒုစရိုက်ကြီး၏ အမည် ကို နှုတ်ယူခဲ့ပြီး လေဝါသွ် ဟူသော စကားလုံးကို ကျင့်သုံးခဲ့သည်ဟု လာရှိပါသည်။

ရှရီအီ အမိန့်

လေဝါသွ် သည် တားမြစ်ထားသော လုပ်ရပ်ဖြစ်ပြီး ကြီးစွာသော အပြစ်ဟု သတ်မှတ်ထားပါသည်။ ရှရီအီ ပြစ်ဒဏ် ရှိသည့် အပြင် ၎င်းတွင်လက်ထပ်ခြင်း ဆိုင်ရာ ကန့်သတ်ချက်များ ကဲ့သို့သော အခြား စီရင်ထုံး များလည်း ရှိပါ သည်။

အိမ်ထောင်ရေး ကန့်သတ်ချက်များ

ဤရွံရှာဖွယ်ကောင်းသော အလေ့အကျင့်၏ မရှိမဖြစ်လိုအပ်သော တစ်ချက်မှာ လေဝါသွ် ကျူးလွန်သူ နှင့် အမျိုးသမီးအချို့၏ လက်ထပ်ခြင်းကို တားမြစ်ခြင်းပင် ဖြစ်ပါသည်။ ရှီအဟ် မရ်ဂျာတော်များ ၏ ဖသ်ဝါ အရ လေဝါသွ် ကျူးလွန်သူ နှင့် လေဝါသွ် ကျူးလွန်ခံသူ ၏ မိခင်၊ သမီး၊ နှမ၊အစ်မ တို့နှင့် ထိမ်းမြား လက်ထပ်ခြင်းကို ထာဝရတားမြစ် ထားပါ သည်။ ဤစီရင်ချက်ကို အီရန်အစ္စလာမ်မစ် ပြည်သူ့ သမ္မတနိုင်ငံတော်၏ ရာဇ၀တ်ကျင့်ထုံးဥပဒေပုဒ်မ ၁၀၅၆ တွင် ထည့်သွင်းထားပါသည်။ သို့သော် လေဝါသွ် (ခ) ယောက်ကျား တစ်ယာက်မှ အခြားယောက်ကျားတစ်ဦး၏ စအိုနှင့်လိင် ဆက်ဆံခြင်း သည် အရွယ်ရောက်ပြီး သူဖြစ် ပါက ဤစီရင်ချက်သည် တရားဝင်သည်ဟု ဓမ္မသတ်ပညာရှင်များ မှ တစ်စုက ဆိုထားကြပါ သည်။ ထိုနည်းတူစွာ အကယ်၍ လေဝါသွ် ကျူးလွန်ခံသူ ၏ မိခင် ၊ ညီမ၊ အစ်မ သို့မဟုတ် သမီး နှင့် လက်ထပ်ပြီးနောက် လေဝါသွ် အား ကျူးလွန်သူ က ကျူးလွန် မည်ဆိုလျင် လေဝါသွ် ကျူးလွန်ခံသူ ၏ မိခင် ၊ ညီမ၊ အစ်မ သို့မဟုတ် သမီး သည် လေဝါသွ် အား ကျူးလွန်သူ အတွက် ဟရာမ် မဟုတ်ချေ။ ပြီးနောက် ၎င်းတို့၏ နေကဟ်သည် လည်း မပျက်သွားပေ။

ပြစ်ဒဏ်

ဓမ္မသတ် ပညာရှင်များ၏ ဖသ်ဝါအရ လေဝါသွ် အား ကျူးလွန်သူ နှင့် လေဝါသွ် အား ကျူးလွန်ခံသူ အတွက် ပြစ်ဒဏ်မှာ သေဒဏ်ဖြစ်ပါသည်။ လေဝါသွ် အား ကျူးလွန်သူ နှင့် လေဝါသွ် အား ကျူးလွန်ခံသူ မှ အရွယ်မရောက်သေးသော မည်သူ့ကိုမဆို သာအ်သီးဗ် (ခ) တရားတော်အရ ဆုံးမခြင်းကို ခံရလိမ့်မည်။ သာအ်သီးဗ် (ခ) တရားတော်အရ ဆုံးမခြင်း ဆိုသည်မှာ အရွယ်မရောက်သေးသော ရာဇ၀တ်သားအား ဟာကင်မ်မေရှရအ် (ခ) အစ္စလာမ့်အုပ်ချုပ်သူ ဘက်မှ ချမှတ်သည့် ပြစ်ဒဏ်ဖြစ်ပြီး ၎င်း၏ပမာဏသည် ရှရီအီ ကန့်သတ်ချက်ထက် နည်းပါသည်။

သို့သော်ဓမ္မသတ်ပညာရှင် အချို့ မှ ပမာအားဖြင့် အဘူလ်ကာစင်မ်ခူဝီး အမြင်သည် မကျော်ကြားသည့် အမြင် ဖြစ်ပါသည်။ ထိုအမြင်မှာ လေဝါသွ် အား ကျူးလွန်သူ နှင့် လေဝါသွ် အား ကျူးလွန်ခံသူ အပေါ် သေဒဏ် သည် ၎င်းတို့ အနေဖြင့် မိုဟ်ဆင်န် ဖြစ်မှ အထမြောက်မည် ဖြစ်ပါသည်။ မိုဟ်ဆင်န်ဆိုသည်မှာ ဇနီးသည် ရှိသူ ဖြစ်ပြီး ဇနီးနှင့် လိင်ဆက်ဆံနိုင်သူ ကိုခေါ်ဆိုပါသည်။ ထိုသို့မဟုတ်ပါက သူ၏ ပြစ်ဒဏ်မှာ ကြိမ်ဒဏ် ၁၀၀ ဖြစ်ပါသည်။ ဓမ္မသတ်ပညာရှင်များ၏အဆိုအရ ဤလုပ်ရပ်အတွင်း စအိုအတွင်းလိင် ဝင်သွားခြင်းမရှိပါက ကြိမ်ဒဏ် ၁၀၀ ကန့်သတ်ချက်ဖြစ်ပါသည်။ ထိုပြင် မည်သို့ပင်ဆိုစေကာမူ လေဝါသွ် ၏ ပြစ်မှုကျူးလွန်သူသည် ၎င်း၏ ရာဇ၀တ်မှုကို သက်သေမထူမည် သောင်ဗဟ် ပြုပါက ရှရီအီပြစ်ဒဏ် ရပ်သွားမည် ဖြစ်ပါသည်။

သေဒဏ်ပေးကွပ်မျက်သည့် နည်းလမ်းများ

ရီဝါယသ်တော်များ နှင့် တရားစီရင်ရေး ဆိုင်ရာ သတင်းရင်းမြစ်များတွင် လေဝါသွ် ကျူးလွန်သူကို ကွပ်မျက်ရန် နည်းလမ်းများတွင် ခေါင်းဖြတ်ခြင်း၊ မီးတင်ရှို့ခြင်း၊ တောင်ပေါ်မှ ပစ်ချခြင်း၊ ကျောက်ခဲနှင့် ပစ်ပေါက်သတ် ခြင်း ၊ ၎င်းအပေါ် တံတိုင်းကို ဖြိုချ ခြင်း စသည်တို့ကို ဖော်ပြထားပါသည်။ ဟာကင်မ် မေရှရအ် (ခ) အစ္စလာမ့်အုပ်ချုပ်သူ သည် အစ္စလာမ့်လူ့အဖွဲ့အစည်း၏ အရှိန်အဟုန်ကို အခြေခံ၍ ဖော်ပြထားသော နည်းလမ်းများထဲမှ တစ်ခုကို အကောင်အထည်ဖော်ရန် အမိန့်ပေးပါ သည်။သို့ရာတွင် အချို့သောအချိန်အခါများတွင် ရှာရီအီ ပြစ်ဒဏ်များ ထုတ်ပြန်ခြင်း သည် အစ္စလာမ်နှင့်ဘာသာကို စော်ကားမှု ဖြစ်စေပါက ဟာကင်မ် မေရှရအ် (ခ) အစ္စလာမ့်အုပ်ချုပ်သူသည် သာသနာ ၏ ကျယ်ပြန့် သော အကျိုး အတွက်ကြောင့် ဤ ပြစ်ဒဏ်ထုတ်ပေးခြင်းကို ယာယီရပ်တန့်ရန် အခွင့်အာဏာရှိပါ သည်။ သို့မဟုတ် ဟာကင်မ် မေရှရအ် (ခ) အစ္စလာမ့်အုပ်ချုပ်သူသည် ကြိုးပေးခြင်း သို့မဟုတ် ပစ်သတ်ခြင်းကဲ့သို့သော အခြားနည်းလမ်းများနှင့် ပုံစံအချို့ကို လုပ်ဆောင်ရန် အမိန့်ပေးနိုင်ပါသည်။

ဟရာမ် ပြုရခြင်း၏ ဒဿန

လေဝါသွ် အား ဟရာမ် သတ်မှတ်ရခြင်း ၏ ဟေက်မသ် နှင့် ပတ်သက်၍ အေမာမ် ရေဇာ (အ.စ) ထံ မှဆင့်ပြန် ထားသည့် ဟဒီးစ်တော် တစ်ပါး လာရှိသည် မှာအလ္လာဟ် ဟို အရှင်မြတ် သည် အမျိုးသားများ၏ သဘောသဘာဝအရ အမျိုးသမီးများကို ဖန်ဆင်းထားတော်မူပါသည်။ လေဝါသွ် သည် မျိုးဆက်ဖြတ်တောက် မှုကို ဖြစ်စေပြီး စကြဝဠာ၏ စည်းစနစ်များကို ဖောက်ပြန်ပျက်စီး စေပါ သည်။

အလာမာ သွဗာသွဗာရီ အနေဖြင့် မိမိ၏ ကျမ်း အလ်မီးဇန်း တွင် လေဝါသွ် နှင့် ဇေနာ ကို နှိုင်းယှဉ်ကာ ကျမ်းတော်မြတ် ကုရ်အာန် တွင် လေဝါသွ် အား «تَقْطَعُونَ السَّبِيلَ » အဓိပ္ပာယ် မှာ မင်းတို့သည် လမ်းကြောင်းပိတ်ဆို့နေပါသည် ဟု ဖော်ပြထားပါသည် ။သို့သော် ဇေနာ နှင့်ပတ်သက်ပြီး «سَاءَ سَبِيلًا» ဆိုလိုသည်မှာ ဆိုးရွားသောနည်းလမ်းဖြစ်ပါသည်။ ထို့ကြောင့် ကုရ်အာန်အရ ရလဒ်မှာ အဘယ်ကြောင့်ဆိုသော် လေဝါသွ် သက်ရောက်မှု သည် ဇေနာ ထက် ပို၍ပြင်းထန်ပါသည်။ အကြောင်း မှာ မျိုးပွားလမ်းကြောင်း နှင့် ကလေးမွေးဖွားမှုကို ထိခိုက်စေသောကြောင့် ဖြစ်ပါသည်။

လေဝါသွ် နှင့် ပတ်သက် ၍ အခြား ဘာသာများ နှင့် မဇ်ဟဗ်များ ၏ အမြင်များ

လေဝါသွ် ကို အဲဟ်လေ့စွန္နသ် ၏ မဇ်ဟဗ်များ တွင် လည်း တားမြစ်ထားပြီး ကျူးလွန်သူများအား ဟတ်ဒ်(ခ) ကန့်သတ် ပြစ်ဒဏ် ချမှတ်ထားပါသည်။သို့သော် အဘူဟနီဖဟ် ၏ ဖသ်ဝါ အရ လေဝါသွ် ကျူးလွန်သူ အား ဟတ်ဒ်(ခ) ကန့်သတ် ပြစ်ဒဏ် အစား သအ်ဇီးရ် ပြစ်ဒဏ် ပေးရမည် ဟု ဆိုထားပါသည်။

အခြားသော အလ္လာဟ်ဟို အရှင်မြတ် (ခ)ဖန်ဆင်းရှင် ကို ကိုးကွယ်သည့် ဘာသာတရားများတွင် လေဝါသွ်အား ရွံရှာ စရာ အဖြစ် ရှုတ်ချပြီး တားမြစ်ထားပါသည်။ Zoroastrianism ၏ဘာသာ တွင် လေဝါသွ် အား အဆိုး တကာ အဆိုးဆုံး လုပ်ရပ် ဟု သတ်မှတ်ထားပြီး ကျူးလွန်သူ အား သေဒဏ်ထိုက်သည်ဟု ဆိုထားပါ သည်။ သောင်ရာသ် ကျမ်း တွင် လေဝါသွ်အား ဖူဂျူ အဖြစ်ဖော်ပြထားပါသည်။ ဓမ္မသစ်ကျမ်း (ခရစ်ယာန်များ၏ သန့်ရှင်းသောကျမ်း) တွင်လည်းလေဝါသွ် ကျူးလွန်သူများကို ဖောက်ပြန် ဆိုးသွမ်းသူများ၊ ညှဉ်းဆဲသူများ နှင့် ရုပ်တုကိုးကွယ်သူများအဖြစ် ဖော်ပြထားပြီး ထိုသို့သောသူများသည် ဘုရားသခင်၏ (အလ္လာဟ်၏) နိုင်ငံတော်ကို အမွေမခံရဟု ဆိုထားသည်။