မွတ်ဂျ်သဗါ (ဘွဲ့တော်)

ဤဆောင်းပါးမှာ အေမာမ် ဟစန် ၏ ဘွဲ့တော် များထဲမှ တစ်ခုကို ဖော်ပြထားတာဖြစ်ပါသည်။ အေမာမ် ၏ ကိုယ်ရည်ကိုယ်သွေး နှင့် ဘဝအကြောင်းကို သိရှိလိုပါက အေမာမ် ဟစန် မွတ်ဂျ်သဗါ (အ.စ) ဆောင်းပါးကို ကြည့်ပါ။

မွတ်ဂျ်သဗါ (مُجتبی) ဆိုသည်မှာ ရွေးချယ်ခံရသူ ၊ အထူးရွေးချယ်ထားရသူ ဟု အဓိပ္ပာယ်ရပြီး၊ ၎င်းသည် အေမာမ် ဟစန် (အ.စ) ၏ ဘွဲ့တော် များ ထဲမှ တစ်ခု ဖြစ်ပါသည်။ဤ ဘွဲ့တော် ကို တမန်တော် မိုဟမ္မဒ် (ဆွ) နှင့် အခြား အေမာမ် များအတွက်လည်း အသုံးပြုထားကြပါသည်။ အေမာမ်များ ၏ အရည် အရည် အသွေး လက္ခဏာ များ အကြောင်းကို အေမာမ် ဆွာဒစ်က် (အ.စ) ၏ ခွသ်ဗာ တစ်ခု တွင် ဆင့်ပြန် လာရှိပါပြီး ဤ ဘွဲ့တော် ကို အေမာမ် ၏ အရည်အသွေး လက္ခဏာတစ်ခုအဖြစ် ဖော်ပြထားပါသည်။သို့သော် ဤဘွဲ့ တော်သည် အထူးသဖြင့် အေမာမ် ဟစန် (အ.စ) နှင့်ပတ်သက်၍ ကျော်ကြားလာခဲ့ပါသည်။ ရှီအဟ် အေမာမ် များထံမှ ဆင့်ပြန်လာရှိသည့် ရီဝါယသ်တော် များတွင်လည်း အေမာမ် ဟစန် (အ.စ) ကို မွတ်ဂျ်သဗါ ဟူ သည့် ဘွဲ့တော် ဖြင့် ခေါ်ဆိုထားကြပါသည်။ ထို့အပြင် ဒိုအာယေသဝစိုလ် တွင်လည်း အလ်မွတ်ဂျ်သဗါ ဟူသော ဘွဲ့တော် ကို အသုံးပြုထားပါသည်။ အေမာမ် စဂျာဒ် (အ.စ) ၏ ဟီရ်ဇ် (အဆောင် လက်ဖွဲ့ ) ထဲတွင်လည်း အလ်ဟစန်နိုလ်မွတ်ဂျ်သဗါ ဟူသော စကားရပ်ကို သုံးထား တာတွေ့ ရပါ သည်။

မွတ်ဂျ်သဗါ ဆိုသည်မှာ ရွေးချယ်ခံရသူ၊ သီးသန့်ရွေးချယ်ထားသူ ဟု အဓိပ္ပာယ်ရပါသည်။ အလာမဟ် သွဗာသွဗာရီ က စူရဟ် နဟ်လ် ၏ အာယသ်တော် အမှတ် ၁၂၁ ၏ အဓိပ္ပာယ်ရှင်းလင်းချက်တွင် အစ်ဂျ်သဗါအ် (اِجتِباء) ဆိုသော စကားလုံးကို ဤအတိုင်း သဖ်စီးရ်လုပ် (အဓိပ္ပာယ်ဖွင့်ဆို) ထားပါသည်။ အလ္လာဟ် ဟို အရှင်မြတ် သည် မအ်စူမ်အေမာမ် ကို မိမိအတွက် သီးသန့်ရွေးချယ်၍ သန့်ရှင်းစင်ကြယ် စေပြီး၊ အေမာမ် အား ပျက်ပြားမှုများ နှင့် ကွဲပြားမှုများ (မကောင်းမှုများ) မှ ကင်းဝေးစေကာ ဖြောင့်မတ်မှန်ကန်သည့် လမ်းကြောင်း သို့ ဦးတည်ညွှန်ပြတော်မူထားပါသည်။ ထို့အပြင် ဤ ဘွဲ့တော် သည် အထူးအဓိပ္ပာယ်တစ်ရပ်ရှိပြီး ရှီအဟ် အေမာမ်များအားလုံးနှင့် သက်ဆိုင်နိုင် သော်လည်း၊ ရှီအဟ် တို့၏ ဒုတိယ အေမာမ် ဖြစ်သော အေမာမ် ဟစန် (အ.စ) သာလျှင် ဤဘွဲ့တော် ဖြင့် အထူးကျော်ကြားခဲ့သည်ဟု ဆိုကြပါသည်။ မွတ်ဂျ်သဗါ ဟူသော ဘွဲ့တော် ကို အေမာမ် ဟစန် (အ.စ) အား အေမာမ် အသက်ရှင်နေစဉ်ကတည်းက သတ်မှတ်ခေါ်ဆိုခဲ့ကြောင်းကိုလည်း ဆိုထားပါသည်။

ဆက်နွယ်နေသည့်ဆောင်းပါး

ကရီးမေအဲဟ်လေ့ဘိုက်(သ)(အ.စ) (ဘွဲ့တော်)