တမလွန်

တမလွန်(အာရဗီ-الآخرة)ဆိုသည်မှာ သေဆုံးပြီးနောက် ဘဝနှင့် ဤလောကပြီးနောက် လာမည့် နောက်တမလွန်သာလျှင်ဖြစ်ပေသည်။ တမလွန်သည် ဤလူ့လောကြီးနှင့် ဆန့်ကျင်ဘက်တွင် တည်ရှိ၏။ နောင်တမလွန်အပေါ်ယုံကြည်လက်ခံခြင်းသည် သာသနာ့၏အခြေခံအုတ်မြစ်များ(အူစူလေဒိန်)အတွင်းမှ တစ်ခုဖြစ်လေသည်။ ထိုအချက်အပေါ် သက်ဝင်ယုံကြမှုမရှိသူကို မွစ်လင်မ်အဖြစ် မသတ်မှတ်နိုင်ပေ။ ကျမ်းတော်မြတ်ကုရ်အာန်တွင် ထိုအကြောင်းအရာနှင့်ပတ်သက်ပြီး အထူးတိုက်တွန်းမိန့်ဆိုထားသလို တမန်တော်တိုင်း၏ ဖိတ်ခေါ်မှု၏ အခြေခံများအတွင်းမှ တစ်ခုသည် ထိုအပေါ်၌ သက်ဝင်ယုံကြည်ခြင်း ဖြစ်ပေသည်။ အစ္စလာမ်ဘာသာရေးဗေဒကျမ်းများတွင် တမလွန်ကို “မအာဒ်” ဟူ၍ သုံးနှုံးထားလေသည်။ ထို့အပြင် ၎င်းနှင့်ပတ်သက်ပြီး ရှိကြောင်းကို အသိဉာဏ်နှင့် ဆင်ပြန်မှုများကို အခြေခံကာ သက်သေထူထားလေသည်။ အစ္စလာမ်သာသနာ့ပညာရှင်တို့သည် ကျမ်းတော်မြတ်ကုရ်အာန်၏ မုက္ခပတ်တော်များကို သက်သေပြုကာ နောင်တမလွန်သည် ကမ္ဘာလောကနှင့် ကွဲပြားစွာခြားနားသည်ဟု ယုံကြည်ကြလေသည်။ ၎င်းအပြင် တမလွန်၏ ထူးခြားချက်များကိုလည်း တင်ပြထားကြသည်။ ၎င်း၏ထူးခြားချက်များမှာ - တမလွန်သည်အမြဲတည်ရှိနေမည်၊ တမလွန်သည် ကောင်းမှုပြုသူများနှင့် မကောင်းမှုကျူးလွန်သူများကို ခွဲခြားပေးမည်၊ တမလွန်သည် လုပ်ရပ်များ၏ ရလာဒ်ကို မြင်တွေ့ရပြီး ကောင်းမှုများပြုခဲ့မည်ဆိုပါက ထိုသို့ပြုခဲ့သည့်အတိုင်း ကောင်းချီးများ၏ အကျိုးကို စံစားရမည့် နေရာဖြစ်သည် ဟုဖြစ်သည်။ အချို့သော ပညာရှင်များက ဤသို့ယုံကြည်ထားကြသည်မှာ - တမလွန်သည် သူတစ်ဦးအတွက် ဤကမ္ဘာလောကကြီး၏ အချိန်ပြီးဆုံးသွားချိန်မှ စတင်သည်ဟု ဖြစ်သည်။ သို့သော်အချို့ကမူ တမလွန်ဟူသည်မှာ ယခုလက်ရှိ၌လည်းရှိနေပြီး ဤကမ္ဘာလောကကြီးအား ဝန်းရံထားလေသည် ဟုလက်ခံယုံကြည်ထားကြသည်။

အဓိပ္ပါယ်

တမလွန်ဆိုသည့်အဓိပ္ပါယ်ကို အဘိဓါန်တွင် ဆုံးခန်းတိုင်ခြင်း၊ နောက်ဆုံး၊ အခြား ဟူ၍ ဖေါ်ပြထားလေသည်။ ၎င်း၏ဆိုလိုရင်းမှာ ဤကမ္ဘာလောကပြီးနောက် လာမည့်အခြား လောကတစ်ခုဖြစ်သည် ။ကျမ်းတော်မြတ်ကုရ်အာန်တွင် သေဆုံးပြီးနောက် တမလွန်လောကကို များသောအားဖြင့် “အာခေရသ်” ဟူ၍ တင်စားထားလေသည်။ ဤကျမ်း၌ ယင်းဝေါဟာရသည် (၁၀၄)ကြိမ်တိုင်တိုင်လာရှိထားသည်။ သို့သော်လည်း တစ်ခါတစ်ရံ (دارالآخرة) အခြားလောကတစ်ခု ၊ (یوم الآخر) အခြားနေ့ရက် ဟု သုံးနှုံးထားလေသည်ကို တွေ့ရသည်။

တမလွန်အပေါ် ယုံကြည်ခြင်း၏အရေးပါမှု

“အာခေရသ်”တည်းဟူသော တမလွန်အပေါ်ယုံကြည်လက်ခံခြင်းသည် သာသနာ၏ အခြေခံအုတ်မြစ်မှ ဖြစ်ပြီး မည်သူမဆို ထိုအကြောင်းအရာအပေါ် သက်ဝင်ယုံကြည်မှုမရှိပါက မွစ်လင်မ်မဖြစ် နိုင်ပေ။ မွရသဒွါ မိုသွဟ္ဟရီ ပြောကြားချက်အရ တမန်တော်တိုင်း၏ အရေးကြီးဆုံးသော ဖိတ်ခေါ်သွန်သင်မှုများ၌ အဓိကအကျဆုံး သောအကြောင်းအရာသည် “သောင်ဟီဒ်” ( တစ်ပါးတည်းသောအရှင် ကို ကိုးကွယ်ခြင်း ) ပြီးနောက် တမလွန် အပေါ် ယုံကြည်လက်ခံခြင်းသာ လျှင်ဖြစ်ခဲ့သည်။ မိုဟမ္မဒ်တကီ မီဇ်ဘာယဇ်ဒီက ကျမ်းတော်မြတ်ကုရ်အာန်၏ အာယသ်တော် သုံးပုံတစ်ပုံကျော်သည် တမလွန်နှင့် စပ်ဆိုင်သော အာယသ်တော်များဖြစ်သည်ဟု ဆိုထားလေသည်။တမန်တော်တို့၏ ဖိတ်မှုများအတွင်းမှ တစ်ခုသည် တမလွန်အပေါ် ယုံကြည်မှုထားကြရန်ဖြစ်သည်ဟု ကျမ်းတော်မြတ်ကုရ်အာန်တွင်ဖေါ်ပြထားလေသည်။ကျမ်းတော်မြတ်ကုရ်အာန်ပါ အာယသ်တော်များအရ တမလွန်အပေါ်လက်ခံယုံကြည်ခြင်းသည် အလ္လာဟိုအရှင်မြတ်အပေါ်လက်ခံယုံကြည်ခြင်းနှင့် နဗူဝသ်အပေါ်လက်ခံယုံကြည်ခြင်းကဲ့သို့ ဖြစ်ပြီး အစ္စလာမ်သာသနာ၏ အဓိကအကျဆုံးသော အခြေခံယူချက်အထက်ပါ(၃)မျိုးတွင်းမှ ဖြစ်လေသည်။ တမလွန်အပေါ်လက်ခံယုံကြည်ခြင်းသည် အစ္စလာမ်သာသနာ၏ အဓိကအကျဆုံးအချက်များအတွင်းမှဖြစ်ပြီး ထိုအပေါ်၌ယုံကြည်ချက်မရှိသူကို မွစ်လင်မ်မဟုတ် ဟု အစ္စလာမ့်ဂိုဏ်းခွဲအားလုံးက ယုံကြည်ထားကြလေသည်။ မွစ်လင်မ်တို့၏ ဘာသာရေးဗေဒကျမ်းများတွင် တမလွန်လောကကို “အစ်-လေ-မအားဒ်”ဟု ဖေါ်ပြထားပြီး “ဘရ်ဇခ်”(သေဆုံးချိန်မှကယာမသ်နေ့ထိဘဝ) ၊ “ကယာမသ်”(ကမ္ဘာပျက်မည့်နေ့) ၊ “ဆွေရားသ်”(ကူးရမည့်တံတား)၊ “ဟေဆားဘ်”( စစ်ကြောမေးမြန်းမှု) ၊ “ရှဖာသ်”(ခွင့်လွှတ်ပလပ်မှုပေးခြင်း)၊ “ဂျန္နသ်” (သုခံဘုံ) နှင့် “ဂျဟန္နမ်”(ငရဲဘုံ)အားလုံးတို့သည် တမလွန်နှင့် သက်ဆိုင်သော အကြောင်းအရာများပင်ဖြစ်၏။ ထိုအကြောင်းအရာများကို ကျမ်းတော်မြတ်ကုရ်အာန်နှင့်ဟဒီးစ်တော်များအပြင် အစ္စလာမ့် သာသနာ့ပညာရှင်ကြီးများ၏ ကျမ်းများတွင် ဖေါ်ပြထားရှိပါသည်။ ကုရ်အာန်ကျမ်းတော်မြတ်အရ ထိုအကြောင်းကိစ္စအပေါ်၌ သက်ဝင်ယုံကြည်ရပေမည်။

တမလွန်ရှိခြင်းအပေါ်သက်သေများ

အစ္စလာမ့်သာသနာ့ပညာရှင်ကြီးများသည် တမလွန်ရှိခြင်းနှင့်ပတ်သက်ပြီး သက်သေကို “ဝဟီ” ဟု မှတ်ယူထားကြသည်။ ဆိုလိုသည်မှာ တမန်တော်တို့သည် အပြစ်မပြုလုပ်သူ(မာအ်စူမ်)များဖြစ်ကြသဖြင့် တမလွန်နှင့်ပတ်သက်ပြီး ၎င်းသူတို့ပေးသောသတင်းစကား ထို့အပြင် လူသားတို့ထိုအပေါ်၌ သက်ဝင်ယုံကြည်ကြရန် ၎င်းသူတို့၏ ဖိတ်ခေါ်မှုသည် တမလွန်အမှန်တကယ်ရှိနေခြင်းအပေါ် သက်သေဖြစ်သည်။ ၎င်းသက်သေများအတွင်းမှ စူရာ-သဂါဗွန် အာယသ်တော်အမှတ် (၇) ပင်ဖြစ်လေသည်။ ထို၌ မိန့်ကြားထားတော်မူသည်မှာ - (အိုငါ၏တမန်တော်)ပြောကြားပါလေ- ကျွန်ုပ်၏ မွေးမြူဖန်ဆင်းစောင့်ရှောက်တော်မူသောအရှင်အပေါ်ကျိမ်ဆိုပါ၏ အသင်တို့သည် အမှန်တကယ် ပြန်လည်ရှင်သန်ထရစေတော်မူပေလိမ့်မည်မှာ မှန်ပါသည်။ ဟုဖြစ်သည်။ မွရ်သဒွါမိုသွဟ္ဟရီမှ တမလွန်နှင့်ပတ်သက်ပြီး သက်သေထူရန် ဆင့််ပြန်မှုများအပြင် အခြားသောနည်းလမ်းများလည်းရှိပြီး ထိုနည်းလမ်းများမှ အကြောင်းအရာများသည် တမလွန်ရှိကြောင်းဖေါ်ဆောင်သည့် အမှတ်အသားများနှင့် အကြောင်းအရာများပင်ဖြစ်လေသည်ဟု ဆိုထားသည်။ ၎င်းသူသည် ထိုအကြောင်းအရာအပေါ် ကုရ်အာန်အပြင် အခြားသောနည်းလမ်းများဖြင့် သက်သေထူရန် နည်းလမ်း(၃)မျိုးဖေါ်ပြထားသည်။၎င်းတို့မှာ - အလ္လာဟိုအရှင်မြတ်အားသိရှိနားလည်ခြင်း ၊ လောကကြီးကို သိရှိနားလည်ခြင်းနှင့် လူ၏ဝိဉာဏ်နှင့်စိတ်ကို သိရှိနားလည်ခြင်းပင်ဖြစ်သည်။ ထို့အပြင် (ဗုရ်ဟားန်-နေ-ဟိက္ကမသ်) ဆင်ခြင်တုံတရားရှိခြင်းသက်သေ နှင့် (ဗုရ်ဟားန်-နေ-အဒါလသ်) တရားမျှတခြင်းသက်သေ စသောအကြောင်းအရာများလည်း တမလွန်ရှိကြောင်း သက်သေများဖြစ်သည်။ ဗုရ်ဟာန်-နေ-ဟိက္ကမသ်ဖြင့် သက်သေထူရသော်... လူသားသည် ထာဝရရှင်သန်နိုင်စွမ်းရှိပါလျှက် အရှင်မြတ်သည် လောကအတွက်သာ ဘောင်ခတ်၍ ဖန်ဆင်းထားမှုသည် အရှင်မြတ်၏ ဆင်ခြင်တုံတရားနှင့် ကိုက်ညီမှုမရှိပေ ။ အဘယ်ကြောင့်ဆိုသော် အရှင်မြတ်သည် လူသားတို့ ရောက်နိုင်စွမ်းရှိသည့် အပြီးပြည့်စုံဆုံးသောနေရာကို လူသားတို့ရောက်စေရန် ဖန်ဆင်းထားခြင်းဖြစ်သည်။ ဤလောကကြီး၌ ထိုနေရာဟူ၍ မရှိသလို ဤလောက၌ လူသားတို့ အနေဖြင့် ထိုသို့သောနေရာသို့ရောက်နိုင်စွမ်းလည်းမရှိပါ။ အဘယ်ကြောင့်ဆိုသော် လောက၏ ပြီးပြည့်စုံမှုသည် လောကုတ္တရာ(တမလွန်)၏ ပြီးပြည့်စုံမှုနှင့် နှိုင်းယှဥ်၍မရနိုင်ပေ။(တမလွန်၏ပြီးပြည့်စုံမှုသည် ပြီးပြည့်စုံမှုတို့၏ထိပ်ခေါင်ဖြစ်သည်) ဗုရ်ဟာန်-နေ-အဒါလသ်ဖြင့် သက်သေထူရသော်... ဤလောက၌ ကောင်းမှုပြုသူနှင့် မကောင်းမှုကျူးလွန်သူတို့၏ ရလာဒ်ကို မမြင်တွေ့နိုင်သည့်အတွက်ကြောင့် အလ္လာဟိုအရှင်မြတ်၏ တရားမျှတမှု ကိုယ်၌သည် ဤလောကကြီးအပြင် နောင်တမလွန်ရှိရမည်ကို သက်သေထူနေပါသည်။ သို့မှသာ လူတို့ပြုလုပ်ခဲ့သော ကောင်းမှုနှင့် မကောင်းမှုတို့၏ အကျိုးရလာဒ်ကို ထိုတမလွန်၌ မြင်တွေ့နိုင်မည်ဖြစ်ပေသည်။

တမလွန်၏ထူးခြားချက်များနှင့် တမလွန်နှင့် ဤလောက ကွာဟမှု

မိုရ်တဒွါမွသွဟ္ဟရီ ပြောကြားချက်အရ မြောက်များစွာသော ကျမ်းတော်မြတ်ကုရ်အာန်၏ အာယသ်တော်များတွင် တမလွန်နှင့်သက်ဆိုင်သည့် အကြောင်းအရာများဖြစ်သော သေဆုံးပြီးနောက်လောက၊ ကယာမသ်၊သေသူများ ပြန်လည်ရှင်သန်ထရပုံ ၊ ချိန်တွယ်ခြင်း(မီဇာန်)၊ စစ်ကြောမေးမြန်းခြင်း(ဟေဆာဘ်) ၊ လုပ်ရပ်များကိုရေးမှတ်ခြင်း ၊ ဂျန္နသ် ၊ဂျဟန္နမ် နှင့် ထာဝရရှင်သန်ရမည့် တမလွန် စသည်တို့ကိုဖေါ်ပြထားလေသည်။ အစ္စလာမ့်သာသနာ့ပညာရှင်တို့သည် ကျမ်းတော်မြတ်ကုရ်အာန်အာယသ်တော်များကို ကိုးကား၍ တမလွန်လောကသည် ဤလောကနှင့် လုံးဝ ခြားနားမှုရှိကြောင်းဖေါ်ပြထားကြသလို တမလွန်လောက၏စနစ်သည်လည်း ဤလောကကြီး၏စနစ်နှင့် လွန်စွာမှကွဲပြားကြောင်း မှတ်ယူထားကြသည်။ ကမ္ဘာအစမှအဆုံးထိ ခေတ်အဆက်ဆက်၌ ဖန်ဆင်းခြင်းခံခဲ့ကြရသော လူသားအားလုံးတို့သည် တမလွန်တွင် အတူတကွရှိနေကြမည်ဖြစ်သည်။ထို၌ လူသားတို့အကြားအချို့သည် လိုရာတောင်းအရှေ့ရောက်ဆိုသလို ပြီးပြည့်စုံဆုံးသောစံစားမှုများဖြင့် ရှိနေမည်ဖြစ်သလို အချို့သူတို့သည် ၎င်းတို့တောင်းခံမှုအားလုံးတို့သည် ကံဆိုးမိုးမှောင်မှုသာ ဖြစ်ပြီးအစွန်ဆုံးခံစားမှုများဖြင့် ရင်ဆိုင်နေရမည်ဖြစ်သည်။ သို့သော် ဤလောက၏ ရှင်ခြင်းနှင့်သေခြင်း၊ အကျိုးခံစားရမှုနှင့် အကျိုးမဲ့မှု ၊ ဆုံးရှုံးမှုနှင့်အောင်မြင်မှု ၊ ဒုက္ခနှင့်သုခ ၊ ဝမ်းနည်းခြင်း နှင့် ပျော်ရွှင်ခြင်း စသဖြင့် အကြောင်းအရာအားလုံးတို့သည် ရောလျှက်၍ ရှိနေပေသည်။ တမလွန်၏ကျမ်းတော်မြတ်ကုရ်အာန်နှင့် ရေဝါယသ်တော်များတွင်ပါရှိသည့် အခြားသောထူးခြားချက် များမှာ အောက်ပါအတိုင်းဖြစ်ပါသည်။

• ထာဝရတည်မြဲနေမည်။ ။ ကျမ်းတော်မြတ်ကုရ်အာန်ပါအာယသ်တော်များအရ တမလွန်သည် ပျက်တုဥ်းသွားမည့် ကိစ္စတစ်ခုမဟုတ်ပဲ အမြဲတမ်းထာဝတည်မြဲနေမည့်အကြောင်းအရာဖြစ်သည်။ ဥပမာအနေဖြင့် တင်ပြရလျှင် စူရာ-ယေ-ကားဖ် အာယသ်တော်(၃၄)တွင်ပါရှိထားသည့်အတိုင်း ထိုနေ့၌ ဂျန္နသ်သုခဘုံသို့သွားရောက်မည့်သူများကို သတင်းကောင်းပါးလိမ့်မည်မှာ - “ယနေ့သည် ထာဝရ ရှင်သန်ရမည့်နေ့ဖြစ်သည်” ဟုဖြစ်သည်။ ထိုအတိုင်းပင် းပါ အေမာမ်အလီ(အ.စ)ထံမှ ဟဒီးစ်တော်တစ်ခုတွင်လည်း လာရှိထားသည်မှာ- “ ဒူနီယာလောကကြီးသည် ပြီးဆုံးသွားမည်ဖြစ်သလို တမလွန်(အာခေရသ်)သည် အမြဲတည်မြဲနေမည်” ဟုဖြစ်သည်။
• ကောင်းမှုပြုသူများနှင့် အပြစ်ကျူးလွန်သူများ။ ။ကို သီးခြားစီထားပေမည်- တမလွန်တွင် ကောင်းမှုပြုခဲ့သူများနှင့် မကောင်းမှုပြုခဲ့သူများကို ကွဲပြားစွာတွေ့မြင်နိုင်ပေမည်။ (စူရာယာစင်န်၏ အာယသ်တစ်ခုအရ) “အိုအပြစ်ကျူးလွန်ခဲ့သူတို့ ယနေ့ အပြစ်မကျူးလွန်ခဲ့သူတို့နှင့် ဝေးကွာစွာနေကြလေကုန်” (ဟု အမိန့်တော်လာရှိလိမ့်မည်ဖြစ်သည်) ထို့အပြင် “ အလ္လာဟိုအရှင်မြတ်သည် သန့်စင်သူများနှင့် မသန့်စင်သူများကို ခွဲခြားရန်အတွက် ငြင်းဆန်ဖုံးကွယ်သူတို့အား ဂျဟန္နမ်၌ စုစည်းစေမည်ဖြစ်ပေသည်။၎င်းအပြင်” မို့အ်မင်န်သူတော်စင်တို့သည် ဂျန္နသ်တော်၌ စံမြန်းရသည့်အတွက် ပျော်မွေ့နေမည်ဖြစ်သလို ငြင်းဆန်သူ(ကာဖိရ်)များသည် စိတ်မကောင်းစွာဖြင့် ဂျဟန္နမ်သို့ ဝင်ရောက်ရမည်ဖြစ်သည်” ထိုအတိုင်းပင် “ အလ္လာဟိုအရှင်မြတ်အပေါ်အကြောက်တရားရှိသူတို့သည် အုပ်စုလိုက် ဂျန္နသ်ဘက်သို့ ခေါ်ဆောင်ခြင်းခံကြရမည်ဖြစ်သည်” “ အပြစ်ကျူးလွန်သူတို့သည် ရေငတ်နေသော အနေအထားဖြင့် ဂျဟန္နမ်သို့ မောင်းနှင်ခြင်းခံပေလိမ့်မည် “
• လုပ်ခဲ့သော လုပ်ရပ်များ၏ ရလာဒ်ကို မြင်တွေ့ရမည်။ ။ကျမ်းတော်မြတ်ကုရ်အာန်၏ အာယသ်တော်များအရ လူသားသည် လောကကြီး၌ မိမိပြုကျင့်မှုဟူသမျှ၏ရလာဒ်ကို နောင်တမလွန်၌ မြင်တွေ့ရပေမည်။ ကျမ်းတော်မြတ်ကုရ်အာန်၏ အာယသ်တော်များတွင်ဖေါ်ပြထားသည်မှာ “ လူသားသည် ၎င်း၏ ကြိုးပမ်းမှု ရလာဒ်ကို အမြန်ဆုံးမြင်တွေ့ရပေလိမ့်မည်ဖြစ်သလို ထိုရလာဒ်၏အကျိုးကို အမြန်ဆုံးစံစားရမည်ဖြစ်သည်” ထို့အပြင် “မည်သူမဆို အနည်းငယ်မျှကောင်းမှုပြုလုပ်မည်ဆိုပါက ၎င်း၏အကျိုးရလာဒ်ကို မြင်တွေ့ရမှာ ဖြစ်သလို မကောင်းမှုအနည်းငယ်ပြုပါကလည်း ၎င်း၏ ဆိုးကျိုးရလာဒ်ကို တွေ့မြင်ရမှာဖြစ်ပေသည်။
• ကောင်းမှုကုသိုလ်ကြောင့် ကောင်းကျိုးခံစားရမည်တမလွန်တွင်။ ။ ဤဒူနီယာလောကနှင့် မတူပဲ မည်သူမဆို မိမိရပိုင်ခွင့်အတိုင်း စံစားရပေမည်။ အေမာမ်အလီ(အ.စ)ထံမှ ဟဒီးတော်တစ်ပုဒ်လာရှိထားသည်မှာ ဒူနီယာလောကကြီး၏အနေအထားသည် အဖြစ်အပျက်တို့၏ နောက်ကိုလိုက်သလို တမလွန်အာခေရသ်၏အနေအထားသည် လူသားတို့ပြုကျင့်မှုရလာဒ်၏ နောက်ကိုလိုက်ပေသည်။

တမလွန်(အာခေရသ်)၏ အက

ထိုအကြောင်းအရာနှင့်ပတ်သက်ပြီး အမြင်ကွဲလွဲမှုများရှိနေပေသည်။ အချို့က တမလွန်ဟူသည်မှာ လူသည် သေဆုံးပြီး ဘရ်ဇခ်လောက( သေဆုံးချိန်မှစ၍ ကယာမသ်နေ့ထိ ကြားကာလ) သို့ဝင်သည်နှင့် တမလွန်ဘဝ စသည်ဟု ယုံကြည်ကြသည်။ သို့သော်လည်း အချို့ကမူ ဘရ်ဇခ်လောကသည် တမလွန်အဝန်းအဝိုင်းတွင် မပါဝင်ဟု ယုံကြည်ကြပြီး တမလွန်၏အစကို ဘရ်ဇခ်လောက အဆုံးဟု သတ်မှတ်ကြသည်။ထိုအတိုင်းပင် ဘာသာရေးဗေဒဆိုင်ရာ ပညာရှင်ကြီးများက “တမလွန်ဟူသည်မှာ လောကကြီး၌ ဘဝကုန်ဆုံးသွားချိန်မှစသည်”ဟု ဆိုကြသည်။ သို့သော် ဖီလောအတွေးအခေါ်ပညာရှင်များက တမလွန်သည် ယခုချိန်၌ ရှိနေပြီး ဤလောက တစ်တန်းတည်း မြင့်မားသောအဆင့်၌ ရှိသလို ထိုတမလွန်သည် ဤလောကကြီးအား အထက်မှလွှမ်းခြုံထားသည် ဟု မှတ်ယူထားကြသည်။ ၎င်းပညာရှင်တို့၏ကိုးကားသက်သေထူသော အာယသ်တော်မှာ စူရာ-ယေ- သောင်ဗာ (၄၉) وَإِنَّ جَهَنَّمَ لَمُحِیطَةٌ بِالکَافِرِینَ (ဧကန်အမှန် ဂျဟန္နမ်သည် ငြင်းဆိုသူ(ကာဖိရ်)တို့အပေါ် လွှမ်းခြုံ၍ထားတော်မူ၏” ဖြစ်သည်။

ကျမ်းတော်မြတ်ကုရ်အာန်နှင့် ရေဝါယသ်တော်များမှတမလွန်နှင့် ပတ်သက်ပြီးမှာကြားချက်များ

ကျမ်းတော်မြတ်ကုရ်အာန်နှင့် ရေဝါယသ်တော်များ၌ တမလွန်နှင့်ပတ်သက်သည့်မှာကြားချက်များရှိသည့်အနက် အချို့မှာ အောက်ပါအတိုင်းဖြစ်ပါသည်။

• လောကကြီး၏ဘဝသည် ဆော့ကစားစရာနှင့် အပျင်းဖြေဖွယ်ရာမှအပ အခြားမဟုတ်ပေ။ တမလွန်၏နေအိမ်နိဗ္ဗာန်သည်သာ အပြစ်ရှောင်ကောင်းမှု့ဆောင်သူတို့အတွက် အလွန်ကောင်းလှပေသည်။ ထိုမျှပင်အသင်တို့သည် မသိနားမလည်ကြသလော။”
• ထိုတမလွန်နိဗ္ဗာန်တော်အား မြေပထဝီပေါ်၌ မာနထောင်လွှားမှုနှင့် ဖျက်လိုဖျက်စီးမှုကို မလိုလားသူများအား(ငါအရှင်မြတ်သည်) ချီးမြှင့်တော်မူမည်ဖြစ်သည်။
• မည်သူမဆို တမလွန်ကို များစွာတမ်းတပါက ၎င်းသူ၏ အပြစ်များနည်းပါးသွားလိမ့်မည်။
• လောကကြီးသည် တမလွန်အတွက် စိုက်ခင်းဖြစ်သည်။
• အကြင်သူ၏တစ်နေ့တာကြိုးပမ်းမှုသည် တမလွန်ဘဝအတွက် အဓိကကျသောကြိုးပမ်းမှုများဖြစ်မည်။ ထို့အပြင်လိုအပ်ချက်မရှိသော အရှင်မြတ်ကို နှလုံးသွင်းကာ မိမိ၏ လုပ်ရပ်များကို လုပ်ဆောင်မည် ဆိုပါက ၎င်းသူသည် မိမိ၏ ရိက္ခာကို ပြီးပြည့်စုံစွာရယူပြီးသော အနေအထားဖြင့် လောကမှထွက်ခွာသွားရပေမည်။

တစ်ခုတည်းသောစာပေကျမ်း တမလွန်နှင့်ပတ်သက်ပြီး ရေးသားထားသောစာပေများအတွင်းမှတစ်ခုသည် ရာစုနှစ် ၁၄၀၀ ခန့်၌ ရှိခဲ့သော ပညာရှင်ကြီးတစ်ဦးဖြစ်သည့် ရှေးခ်အဘ္ဘားစ်ကုမ္မီရေးသားပြုစုထားသော “မနာဇေလွလ်အာခေရသ်”အမည်ရှိစာအုပ်ဖြစ်သည်။သူသည် ထိုစာအုပ်၌ တမလွန်ဘဝအဆင့်ဆင့်ကို ဤသို့ရေးသားဖေါ်ပြထားလေသည်။ ၎င်းမှာ - သေခြင်းတရား-ကဗရ်-ဘရ်ဇခ်ဘဝ-ကယာမသ်နှင့် ဆွေရားသ်တည်းဟူသော ကယာမသ်၌ ဖြတ်ကူးရမည့် တံတားဖြစ်သည်။ထိုစာအုပ်အတွင်း၌ မီဇာန် (ချိန်တွယ်ခြင်း)နှင့်ပတ်သက်၍လည်းကောင်း စီစစ်မေးမြန်းခြင်းနှင့် ဂျဟန္နမ်ငရဲဘုံ၌ အပြစ်ပေးခြင်းခံရမည့်အကြောင်းအရင်းများနှင့်ပတ်သက်၍လည်းကောင်း အဆင့်ဆင့်ရေးသားထားလေသည်။ အချို့သော ကျင့်ကြံအားထုတ်ဝတ်ပြုမှုများနှင့် အချို့သော စာရိတ္တပိုင်းဆိုင်ရာကိစ္စရပ်များအပေါ်အလေးထားလိုက်နာမှုများသည် တမလွန်ဘဝ၌ ဖြတ်သန်းရမည့်ကိစ္စရပ်များအတွက် လွယ်ကူမှုများဖြစ်စေသည်ဟု လည်းဖေါ်ပြထားလေသည်။ ၎င်းစာအုပ်သည် အာရဗီ ၊ အင်္ဂလိပ် ၊ တူရကီနှင့် အုရ်ဒူဘာသာစကားများဖြင့်လည်း ပြန်ဆိုရေးသားခဲ့ပြီဖြစ်သည်။

နောက်ဆက်တွဲများလေ့လာရန်

• ပြန်လည်ရှင်သန်ထရမည့်နေ့
• သုခဘုံ (ဂျန္နသ်)
• ဘရ်ဇခ်(သေဆုံးချိန်မှကယာမသ်အထိကြားကာလ)
• ငရဲဘုံ(ဂျဟန္နမ်)
• ကယာမသ်( ကမ္ဘာပျက်မည့်နေ့)