စဟ်မိုင်းန်

စဟ်မိုင်းန် (အာရဘီ - السهمين) ဟူသည်မှာ ဝေစုနှစ်စုဟူ၍ အဓိပ္ပါယ်ရသည်။ ခွမ်စ် လှူဖွယ်ဝတ္ထုများမှ အေမာမ်၏ဝေစုနှင့် စိုင်ယိဒ်များ၏ ဝေစုကို ရည်ညွှန်းသည်။ အဘိဓာန်၌ ‘စဟ်မ်’ဟူသည်မှာ ဝေစု ၊ အချိုးကျရရှိသည့်အစု ဟူ၍ အဓိပ္ပါယ်ရသည်။ ရှီအာဟ် ဓမ္မသတ်ပညာရှင်များယုံကြည်ကြသည်မှာ ခွမ်စ်ကို ယေဘုယျအားဖြင့် အေမာမ်၏ဝေစုနှင့် စိုင်ယိဒ်များ၏ဝေစုဟူ၍ နှစ်မျိုးခွဲရသည်။

• စိုင်ယိဒ်များ၏ဝေစုကို ပညတ်ချက်အလုံးစုံဖြင့်ပြည့်စုံသည့် မွဂျ်သဟီဒ်(ဓမ္မသတ်ပညာရှင်ကြီး)ထံ အပ်နှံရသည်။ သို့မဟုတ် သူ၏ခွင့်ပြုချက်ဖြင့် မရှိဆင်းရဲသားစိုင်ယိဒ်များ၊ ဖမဲ့စိုင်ယိဒ်များ၊ ခရီးလမ်းတွင် ဒုက္ခရောက်နေသည့်စိုင်ယိဒ် များကိုပေး၍ရသည်။
• အေမာမ်၏ဝေစုကို မအ်ဆူမ်အေမာမ်အကွယ်၌ရှိနေစဉ်တွင် ပညတ်ချက်အလုံးစုံဖြင့်ပြည့်စုံသည့် မွဂျ်သဟီဒ် (ဓမ္မသတ်ပညာရှင်ကြီး)ထံ အပ်နှံရသည်။ သို့မဟုတ် သူခွင့်ပေးသည့်လမ်း၌ သုံးစွဲပိုင်ခွင့်ရှိသည်။

ရှီအာဟ် ဖှီကဟ်(ဓမ္မသတ်)ပညာရှင်ကြီးများဖြစ်ကြသော ရှိခ်တူစီသည် ‘အလ်မဗ်စူးသ်’ ကျမ်းတွင်လည်းကောင်း၊ ရှဟီးဒ်-ဒေ-အောင်ဝ်ဝလ်သည် ‘လွမ်အသွဒ်ဒမီရှ်ကီယဟ်’ ကျမ်းတွင်လည်းကောင်း၊ရှဟီးဒ်-ဒေ-စာနီသည် ရှရ်ဟွလ် လွမ်အဟ်’ ကျမ်းတွင်လည်းကောင်း ခွမ်စ်အာယသ်တော်အခြေခံ၍ ခွမ်စ်ကို ဝေစု(၆)စုခွဲကြသည်။ ၎င်းကို ရှီအာဟ်၏ ကျော်ကြားသောအဆိုဟူ၍ မှတ်ယူကြသည်။ သို့သော် ဤ(၆)ဝေစုကို (၂)စုတွင် တဖန်ပြန်ပေါင်းစည်း၍ရသည်။ ၎င်းမှ အလ္လာဟ်အရှင်မြတ်၏ဝေစု၊ နဗီတမန်တော်မြတ်၏ဝေစု၊ ဆွေမျိုးရင်းခြာများ၏ဝေစု စသည်ဖြင့် (၃)စုသည် အေမာမ်အဖို့ ဖြစ်သည်။ ထို့နောက် တမန်တော်မြတ်(ဆွ)၏မျိုးဆက်မှဖြစ်သည့် မိဖမဲ့ကလေးများ၏ဝေစု၊ မရှိဆင်းရဲသားများ၏ဝေစု၊ ခရီးလမ်းတွင် ဒုက္ခရောက်နေသူများ၏ဝေစု စသည်ဖြင့် (၃)စုကို စိုင်ယိဒ်များ၏ဝေစုဟူ၍ခေါ်ဆိုကြသည်။ ခွမ်စ်ကို ဤသို့ နှစ်စုခွဲရခြင်းမှာ လာရှိထားသည့်ရေဝါယသ်များကြောင့်ဖြစ်သည်။ အေမာမ် မူစာ ဗင်န် ကာဇွင်းမ် (အ.စ)သည် ရေဝါယသ်တော်တစ်ခု၌ ခွမ်စ်အကြောင်းရှင်းပြထားပြီး ၎င်း၌ ဝေစုတစ်စုကို အုပ်ချုပ်မင်း(အေမာမ်)အဖို့ သတ်မှတ်ပေးထားပြီး၊ အခြားဝေစုတစ်ခုကို တမန်တော်မြတ်(ဆွ)၏မျိုးဆက်မှ ဖမဲ့ကလေးများ၊ မရှိဆင်းရဲသားများ၊ ခရီးလမ်းတွင်ဒုက္ခတွေ့နေသူများအဖို့ သတ်မှတ်ပေးထားသည်။